Aktivistja, Zana Avdiu, në Pressing të T7, ka kritikuar opozitën për mos “opozitarizimin e dobët” ndaj Qeverisë Kurti.

Avdiu ka thënë se opozita parlamentare është e nënshtruar ndaj Lëvizjes Vetëvendosje.

Opozita nuk janë duke bërë kurgjo, janë tepër të heshut dhe të nënshtrun ndaj Vetëvendosjes. Nuk guxojnë as me ndi, as me dalë me kritiku”,  ka thënë Zana Avdiu.

Më tutje, Avdiu ka deklaruar se në kohën kur Kosova mori kritika të shumta edhe nga ambasada amerikane, opozita ke heshtur

Ish dashtë me qenë një opozitë më e fuqishme, me kërku me dale njerëzit në përkrahje, jo me vepru si ka vepru Vetëvendosje”, ka thënë Avdiu

Sot është ditë zie për familjen e të njohurit, Vali Corleone.

Babai i tij, Rifat Sylejmani, ka ndërruar jetë.

Ai ishte një nga afaristët më të njohur në Gjilan teksa lajmi u bë i ditur përmes një postimi në Facebook.

Mosmarrëveshjet për motive të ndryshme, e që shpeshherë dalin të jenë banale bëhen mollë sherri e kërcënimeve e përleshjeve në vendin tonë. Për pasojë, konfliktet jo rrallëherë eskalojnë edhe në rrahje brutale, për çka nevojitet ndërhyja e Policisë. Një rast i tillë ka ndodhur mbrëmë në rrugën “Ali Pashë Tepelena” në Gjakovë, raporton Gazeta Sinjali.

Këtë herë viktimë e rastit është Ilir Beqa, njëri nga vëllezërit e sportistes, trajneres së fitnesit, Geta Beqa, i cili është kanosur seriozisht dhe është sulmuar fizikisht në afërsi të lokalit të tij në Gjakovë.

Sinjali mëson se rasti ka ndodhur pas një mosmarrëveshje verbale që katër të dyshuarit kanë pasur me viktimën, ashtu që debati verbal ka kaluar në kërcënime e rrahje.

I dyshuari kryesor është Kreshnik Abrashi, emri i të cilit është i njohur për policinë.

Dosja e tij kriminale përmban disa veprimtari ilegale siç është bixhozi, mbajtja e armës pa leje, kanosje dhe lëndime trupore.

Gjakovari, Kreshik Abrashi është arrestuar të dielën pas kanosjes që ka pasur me të dëmtuarin, Ilir Beqa pas një përleshje fizike mes tyre.

Beqa ka pësuar lëndime të rënda trupore ku është trajtuar në Spitalin Rajonal të Gjakovës e më pas është dërguar në QKUK.

Rasti është konfirmuar edhe nga Policia e Kosovës, me ç’rast është bërë e ditur se hetimet kanë nisur për veprat “Kanosje” dhe “Lëndim i rëndë trupor”.

Si ndodhi përleshja

Viktima ka deklaruar në Polici se “pas një mosmarrëveshje verbale me djalin e të dyshuarit (Kershnik Abrashi), i dyshuari së bashku me dy djemtë e tij dhe vëllain e tij ka shkuar dhe e ka kanosur  me fjal Ilir Beqën, kurse djali i të dyshuarit ( i cili është i mitur) e ka sulmuar me grushta në fytyrë duke i shkaktuar lëndime të rënda trupore, frakturë në nofullën e majtë“.

Kush është Kreshnik Abrashi

Këtë vit, Kreshnik Abrashi, shef i Transfuzionit të Gjakut në Gjakovë u arrestua për organizim të bixhozit ilegal. Ai do të lirohej shumë shpejt për t’u kthyer në punë. Por një hulumtim i Insajderit zbulon që ky nuk ishte as rasti i parë e as i fundit i tij duke rënë ndesh me ligjin.

Cila është dosja kriminale e Abrashit? Në sa raste u dënua e në sa raste është nën hetime?

Më 16 prill të këtij viti shefi i Transfuzionit të Gjakut në Gjakovë, Kreshnik Abrashi ra në prangat e Policisë së Kosovës. Në lokalin e tij që ndodhet në rrugën “Izet Hima” në Gjakovë u zunë lojëra të fatit. Veprimtari kjo e ndaluar me ligjet e Kosovës.

Gjatë kontrollit të Policisë i kishin gjetur gjashtë aparate të lojërave të fatit Apex.

Pronari i pompës së derivateve ‘Shell Kosova’, multimilioneri Lulzim Kryeziu, dita ditës po e pasuron dosjen e tij penale. Pa u bërë as gjysmë viti prej kur përfundoi në pranga të Policisë, ai është futur sërish në telashe me ligjin. Për dallim prej herës së fundit që u dorëzua vet në Polici, ai këtë herë ka zgjedhur të arratiset, që të shpëtojë nga duart e shtetit.

I njohur për organet e rendit si person i dyshuar për dhunë në familje, Kryeziu është denoncuar sërish për të njëjtën vepër.

Sinjali mëson ekskluzivisht se Kryeziu është denoncuar të dielën nga bashkëshortja dhe djali i tij, të cilët kanë kërkuar ndihmën e Policisë, për shkak të frikës dhe rrezikut që po iu kanoset nga burri/babai i tyre.Burimet brenda Prokurorisë kanë bërë me dije se rasti i fundit dyshohet të ketë ndodhur në shtëpinë e përbashkët të çiftit në Fshatin Ndërkombëtar në Prishtinë, ku Kryeziu dyshohet se ka ushtruar dhunë ndaj dy viktimave.

Sipas informacioneve të para që posedon Sinjali, bashkëshortja e të dyshuarit dhe djali i saj kanë rrëfyer se për shkak të dhunës psikike që biznesmeni Kryeziu ka ushtruar ndaj tyre, ata janë detyruar ta lëshojnë shtëpinë dhe të kërkojnë strehë te familjarët e tyre.

Bazuar në dëshmitë e tyre, të dhënë në Polici, viktimat kanë deklaruar se në mbrëmjen e së shtunës, burri/babai i tyre i ka ofenduar me fjalë nga më të ndryshmet dhe për të mos mbaruar me kaq edhe i ka kërcënuar.

Përsëritja e një vepre të tillë ua ka imponuar atyre largimin nga shtëpia dhe denoncimin e rastit në Polici.

Si rezultat i denoncimit, Policia është vënë në lëvizje, por këtë herë nuk kanë arritur të bien në gjurmët e Kreyeziut, i cili ka vendosur që ta lë Kosovën, me shpresën se kështu mund të shpëtojë nga përballja me veprën për të cilën ngarkohet.

Lidhur me rastin, Prokurori i Shtetit ka urdhëruar ndërmarrjen e të gjitha veprimeve për hetimin e ngjarjes dhe posa të sigurohet prezenca e të dyshuarit, të ndërmerren hapat e tjerë brenda afatit ligjor.

Kujtojmë se herën e fundit, biznesmeni Kryeziu ishte arrestuar në nëntor të vitit të kaluar, kur ishte denoncuar për dhunë nga bashkëshortja e tij, të cilën dyshohet se e kishte sulmuar fizikisht. Edhe para këtij rasti, ai ishte raportuar për të njëjtën vepër penale.Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Një zyrtarë policor ka tentuar të dal me veturën e Policisë nga mes zona e sigurisë dhe protestuesve serbë, të cilët po vazhdojnë edhe sot të qëndrojnë para objektit të Komunës së Zveçanit, por ai është bllokuar nga protestuesit, të cilët nuk lejonin largimin e veturës.

Ai ka qëndruar për më shumë se 20 minuta në hapësirën në mes protestuesve dhe barrikadave të cilat i ka vendosur KFOR-it. E më pas ishin ushtarët e KFOR-it, ata që hoqën rrethojat, duke lejuar që vetura e Policisë të hyjë në zonën e sigurisë ku po qëndrojnë edhe automjetet e tjera të njësisë speciale dhe të KFOR-it.

Ndryshe, protestuesit serbë kanë sulmuar sot Policinë e Kosovës në Zveçan, duke gjuajtur me mjete të forta në drejtim të veturës policore e cila ishte duke patrulluar në atë zonë.

Zëdhënësi i Policisë së Kosovës, Baki Kelani konfirmoi për Telegrafin se si pasojë e sulmit, veturës i është thyer xhami.

“Mund të konfirmojmë se, një veturë policore e cila ka qenë me detyrë zyrtare duke patrulluar në drejtim të komunës së Zveçanit, është penguar dhe sulmuar me mjete te forta nga protestuesit.
Si pasojë e sulmit me mjete të forta (gurë), veturës i është thyer xhami, e cila më pas është larguar nga ai lokacion. Nuk raportohet për të lënduar, përderisa rasti është duke u hetuar”, deklaroi ai.

Ndryshe, serbët në veri janë duke kundërshtuar vendosjen e kryetarëve shqiptarë në objektet e komunave. Disa grupe kriminale kanë vepruar dhunshëm edhe para disa ditësh të cilët tentuan të hyjnë në objektet komunale, ata kanë sulmuar ushtarët e KFOR-it, duke lënduar 30 prej tyre.

Nënkryetari i Skenderajt, Sami Lushtaku i ka çuar mesazh Qeverisë Kurti duke e stolisur qytetin me flamuj të Shteteve të Bashkuara.

Në një lidhje direkte në Frontal në T7, Lushtaku e ka kritikuar qasjen e kryeministrit Albin Kurti për situatën në veri të vendit.

Ish-komandanti i UÇK-së tha se shpreson që nuk do t’i bie të shkojë në Mitrovicë për luftë.

“Nuk kam qenë në Mitrovicë. Ishalla nuk ka nevojë me shku në Mitrovicë asnjëherë”, tha ai.

“Uroj që kjo të mos ndodhë asnjëherë”, tha Lushtaku, pasi u pyet për mundësinë e luftës.

Por, në rast se ndodh, ai tha se është i gatshëm t’i përgjigjet vendit.

“Gjithmonë i përgjigjem vendit tim. Jam i gatshëm çdo herë t’i përgjigjem popullit tim”, tha Lushtaku.

Sot gjatë ditës ish-kryeministri i Kosovës, Avdullah Hoti ka nisur disa kritika për ministrin e Bujqësisë, Faton Peci, ku thoshte se investimet kapitale në bujqësi për periudhën janar-mars 2023 janë 0%.

E Hotit i është kundërpërgjigjur ministri i Bujqësisë, Faton Peci i cili ragimin e tij e nisi duke thënë se është “hera e fundit që polemizoj me një analfabet”.

Hoti ‘godet’ Pecin: Është bërë inspektor kundër duhanit, zero investime kapitale në tre muajt e parë të këtij viti

“Z. Hoti nuk ka pagesa të subvencioneve në këtë periudhë, janar – mars 2023 sepse në vitin 2022 ska pasë borxhe por në këtë periudhë ka pasë aplikim për subvencione! Borxhi i vitit paraprak është ZERO ndërsa borxhet / obligimet tua kanë qenë mbi 40 milionë në vitin 2020 ndërsa kanë filluar të mbulohen në 2021-tën”, ka shkruar Peci.

Në seancën e së hënës në Gjykatën e Apelit, Hysri Peqani, i njohur si “Burdushi”, tha se pasurinë e tij nuk e ka krijuar me hajmalia e fall, por me biznese me familjen e tij dhe se gjykata nuk mund të bazohet me qime, me flokë e me dhe.

Këto deklarime, Peqani i bëri para kolegjit të Gjykatës së Apelit, ku u shqyrtua ankesa e Prokurorisë Speciale të Republikës së Kosovës (PSKR), e cila ka kërkuar nga Apeli dënim më të ashpër ndaj “Burdushit”, si dhe ajo e mbrojtjes, e cila ka kërkuar që rasti të kthehet në rigjykim ose i njëjti të lirohet nga të gjitha pikat e akuzë.

Më 10 janar 2023, Gjykata Themelore në Prishtinë e kishte dënuar “Burdushin” me dënim unik prej 4 vjet e 6 muaj burgim dhe 42 mijë euro gjobë, lidhur me akuzën për ushtrim të kundërligjshëm të veprimtarisë mjekësore ose farmaceutike, mashtrim, shpëlarje parash dhe armëmbajtje pa leje.

Ankesë kundër aktgjykimit të shkallës së parë, ka ushtruar edhe vetë i akuzuari Peqani, i cili tha se qëndron në tërësi pranë ankesës dhe po ashtu i ka përkrahur avokatët e tij.

“E nderuara Gjykatë e Apelit, e nderuara drejtësi, e dini shumë mirë që nga viti 2014, pastaj arrestimin tim në 2018, janë bërë shumë shkelje pa bazë, pa fakte. Unë me hajmali nuk e kam kriju pasurinë e me fall, e me filxhana. Pasurinë e kemi fitu e nderuara gjykatë me krejt familjen time, me babë e me vllazni që 70-80 vjet para luftës”, tha Peqani drejtuar Apelit.

Peqani tha se tërë pasurinë e tij e ka krijuar me bizneset që ka punuar bashkë me familjarët e tij ndër vite.

“Kemi punue me aktivitete tona, vëllai im i ndjeri ku prej presionit vdiq, kemi punu me sisteme alarma, kamera që ka punu për Gjykatë e Prokurori për mbajtjen e sigurimit të stacionit të policisë në Prishtinë dhe Fushë-Kosovë, kemi bërë riparime, e gjithë pasuria jem nuk u fitu me hajmalia e me falla, derisa isha në liri e nderuara gjykatë asnjë dëshmitar nuk e kam pas unë që m’ka akuzu në polici apo të paktën m’ka thirrë në telefon”, tha tutje i njëjti.

Ndërsa, shtoi se asnjëherë nuk ka shitur ilaqe farmaceutike, por vetëm gjëra shpirtërore.

“Duhet me pas fakultet të kryer, mantillin e bardhë për me shit ilaqe, unë kom shit sene shpirtërore, qysh munet me u bazu gjykata me kime e me flokë e me dhe, duhet m’i kuptu do gjana e nderuara gjykatë”, deklaroi Peqani.

“Unë kom punu si krejt të tjerët, babë e babagjysh e stërgjysh, asnjë njeri në botë nuk u dënu për një të fryme, për një hajmali, puna jonë është krejt shpirtërore, edhe pse s’i kemi pranu në kushte dhe kodet e Kosovës”, ka thënë tutje ai.

Krejt në fund, ai ua drejtua gjykatës duke pyetur “Unë si emër që u bëra kinse publik, si komunitet i një pakice që i takoj, a veç për mua vlen ky ligj, a edhe për hoxhallarë që shkruajnë, që fryjën e që qesin falle?”.

Kundër këtij vendimi, ankesë ka ushtruar Prokuroria Speciale për shkak të vendimit mbi dënimin e cila po kërkon dëmin më të ashpër ndaj Peqanit.

Në anën tjetër, mbrojtësit e Peqanit, avokatët Feim Alaj dhe Durim Osmani kanë ushtruar ankesë mbi të gjitha bazat ankimore dhe ato për shkak të shkeljeve esenciale të dispozitave të procedurës penale, për shkak të shkeljes së Ligjit Penal, vërtetimit të gabueshëm ose jo të plotë të gjendjes faktike, vendimit mbi dënimin, konfiskimit të dobisë pasurore juridike, si dhe për shkak të vendimit mbi publikimin e aktgjykimit.

Përmes ankesës, avokatët Alaj dhe Osmani kanë propozuar që aktgjykimi i shkallës së parë të prishet dhe çështja të kthehet në rivendosje dhe rigjykim ose të ndryshohet aktgjykimi i ankimuar dhe i mbrojturi i tyre të lirohet nga të gjitha pikat e aktakuzës.

Po ashtu, ata kanë kërkuar që pasuria e tundshme dhe e patundshme e konfiskuar të lirohet.

Ndërsa, Prokuroria e Apelit përmes parashtresës ka propozuar që të aprovohet ankesa e PSRK-së, ndërsa ankesa e mbrojtjes të refuzohet.

Gjatë elaborimit të ankesës, avokati Osmani ka thënë se në rastin konkret ka pasur edhe një tejkalim të akuzës.

“Gjykata në dispozitivin 1 të aktakuzës sa i përket veprës penale “Ushtrimi i palejuar i veprimtarisë mjekësore”, ka përcaktuar se kjo është vepër e ndërlidhur penale me veprën penale “Pastrim i parave” nga neni 302, të KPK-së, mirëpo, në dispozitivin e aktakuzës së ndryshuar të datës 23.12.2022, vepër e ndërlidhur penale ka qenë vepra penale e “Mashtrimit”. Gjykata, në rastin konkret nuk ka pasur të drejtë të ndryshojë përmbajtësisht tezën/dispozitivin e aktakuzës sa i përket veprës penale të ndërlidhur penale, ngase nuk ka të drejtë në aspektin procedural”, thuhet në ankesën e avokatëve.

Po ashtu, thuhet se tejkalimi i aktakuzës e dëmton substancialisht pozitën procedurale të të akuzuarit.

Mbrojtja po ashtu, pretendoi se ka pasur edhe diskrepanca në mes shpalljes së aktgjykimit dhe aktgjykimi të përpiluar, sa i përket konfiskimit të pasurisë.

E për këtë, avokati Osmani tha se kjo paraqet mosseriozitetin e gjykatës para shpalljes së aktgjykimit.

“Gjykata jo vetëm që ka bërë tejkalimin e aktakuzës, e njëjta ka “tejkaluar” shpalljen e aktgjykimit të datës 10.01.2023, p.sh në shpallje konfiskohet e gjithë pasuria e patundshme dhe jo e tundshme, ndërsa në faqen e aktgjykimit e ka liruar parcelën me shenjë 6970-0, me sipërfaqe prej 3256 m2, në vendin e quajtur Atmejdan në Prizren”, thuhet në ankesën e mbrojtjes.

Ndryshe, në seancën e 23 dhjetorit 2022, prokurorja Merita Bina-Rugova në fjalën përfundimtare ka njoftuar se ka bërë precizimin e dispozitivit të parë të aktakuzës, të cilin e ka ndarë në dy pjesë, mirëpo tha se kualifikimi i veprës penale është i njëjti.

Sipas aktakuzës, prej kohës së pavërtetuar e së paku nga koha e regjistrimit të biznesit privat ordinanca “Burdushi”, me aktivitetin primar, aktivitetet e tjera të shëndetit të njeriut, më 15 qershor 2005 e deri më 26 korrik 2019, në Prizren, i akuzuari Hysri Peqani-Burdushi, ka mjekuar persona të ndryshëm anë të paraqitjes së rreme të fakteve se kinse posedon aftësi mbinatyrore.

Një gjë të tillë, sipas aktakuzës, e ka bërë ndonëse nuk kishte kualifikime profesionale mjekësore dhe pa licencë përkatëse.

Sipas Prokurorisë, Peqani e kishte bërë një gjë të tillë me qëllim të përfitimit të pasurisë në mënyrë të kundërligjshme.

Në aktakuzë thuhet se i njëjti, të dëmtuarve iu ka kryer trajtime të improvizuara, të kota duke i vënë në lajthim dhe duke i nxitur që për këtë t’i paguajnë shuma të ndryshme të parave nga 20 euro deri në më shumë se 3 mijë euro, ashtu që kjo vepër penale e vazhduar ka rezultuar me dobi pasurore të kundërligjshme prej rreth 1 milion euro.

Për këto, ai akuzohej se ka kryer veprën penale “Ushtrimi i kundërligjshëm i veprimtarisë mjekësore ose farmaceutike” nga neni 262, paragrafi 1 i KPRK-së lidhur me veprën penale mashtrimi në vazhdimësi nga neni 335, paragrafi 5 të Kodit Penal.

Prokuroria Speciale e ngarkonte të akuzuarin Peqani edhe me veprën penale të “Armëmbajtjes pa leje”, pasi që sipas aktakuzës, gjatë kontrollit të policisë në shtëpinë e tij në Prizren, janë gjetur armë, pistoletë e tipit “Girsan” si dhe pushkë gjuetie të tipit “Super Campion”.

Prokuroria pretendonte se “Burdushi”, me qëllim të fshehjes së pasurisë së fituar përmes aktiviteteve kriminale, duke filluar nga viti 2006, paratë e tilla i ka futur në sistem bankar me arsyetimin se kështu i paguan këstet e kredive e më pas e ka kryer fshehjen e tyre përmes transferove bankare , ashtu që në fund i ka integruar duke i konvertuar në asete të luajtshme dhe të paluajtshme.

Për këto veprime, ai akuzohej për veprën penale të “Shpëlarjes së parave” nga neni 302 të KPRK-së lidhur me nenin 32, paragrafi 1 dhe 2, nënparagrafi 2.1 të Ligjit për Parandalimin e Pastrimit të Parave dhe Financimit të Terrorizmit, raporton betimiperdrejtesi.

NATO ka dalë me një njoftim për arritjen e 500 ushtarëve turq në Kosovë, pas dhunës së paprovokuar dhe të papranueshme në veri të Kosovës që la të plagosur 30 ushtarë të KFOR-it.

Në këtë njoftim të Aelancës Veri-Atlantike tregohet se ushtarët turq të kombesorisë do të përbëjnë pjesën më të madhe të përforcimeve të NATO-s në Kosovë.

Ky batalion fillimisht do të vendoset në kampin “Sulltan Murat” dhe do të qëndrojë në Kosovë për aq kohë sa të jetë e nevojshme.

“Një batalion shtesë i forcave rezervë të NATO-s është vënë gjithashtu në gatishmëri më të lartë për t’u vendosur nëse është e nevojshme”, njofton NATO.

Ndërkohë është dhënë edhe një pjesë e bisedës në mes të Sekretarit të NATO-s, Jens Stolteberg me presidentin e Turqisë, Recep Tayyip Erdogan, ku kanë folur për dërgimin e trupave turke në Kosovë.

Stoltenberg e ka thënë se Turqia është një aleate e rëndësishme që jep një kontribut kyç në NATO dhe e ka falendëruar Erdoganin për përforcimet në Kosovë, pas trazirave të fundit në veri.

“Turqia është një aleate e rëndësishme dhe shumë e vlerësuar, duke dhënë kontribute kyçe në NATO. Këtu përfshihen trupat për misionin tonë paqeruajtës në Kosovë, gjë që është edhe më e rëndësishme tani, kur tensionet janë të larta. Falënderoj Turqinë për dërgimin e përforcimeve në veri të Kosovës, pas trazirave të fundit.”, i ka thënë Stoltenberg presidentit turk.

Në takimin jozyrtar të ministrave të jashtëm të NATO-s në Oslo javën e kaluar, Sekretari i Përgjithshëm i NATO-s ka thënë se Prishtina dhe Beogradi duhet të angazhohen përmes dialogut të lehtësuar nga BE meqenëse kjo është rruga e vetme drejt paqes.

“Mesazhi ynë si për Beogradin ashtu edhe për Prishtinën është se ata duhet të angazhohen në mirëbesim në dialogun e lehtësuar nga BE; kjo është e vetmja rrugë drejt paqes. Në të njëjtën kohë, NATO ka përgjegjësi për të siguruar stabilitet në Kosovë dhe kjo është arsyeja pse ne kemi qenë atje për shumë vite dhe pse tani po rrisim praninë tonë në rajon”, ka thënë Stoltenberg.

Burimet brenda Prokurorisë kanë bërë me dije se Ismet Murtezai është arrestuar nën dyshimet se ka ushtruar dhunë ndaj nënës së tij, të dielën në orët e mbrëmjes, në shtëpinë e tyre në Gjakovë.

Sinjali mëson se sipas informacioneve të para, ‘Baba Sheh’ 28-vjeçar, po dyshohet se për motive akoma të panjohura, e ka sulmuar fizikisht nënën e tij, 56-vjeçare, duke e goditur dhe për pasojë i ka shkaktuar lëndime trupore.

Në sherrin që plasi në shtëpinë e shehut, ka ndërhyrë motra e tij, që t’i dalë në ndihmë nënës, por edhe e ka pësuar edhe vet. E njëjta është kapur me shehun, të cilin e ka sulmuar fizikisht dhe për pasojë edhe ajo është futur në telashe.

Të njëjtat burime thonë se rasti është denoncuar menjëherë në Polici, ku nëna e shehut ka dhënë deklaratën e tij për dhunën që djali ka ushtruar ndaj saj dhe ka kërkuar urdhër mbrojtës.

Përveç viktimës, në Polici kanë dëshmuar edhe motra e të dyshuarit, teksa Shehu është prangosur dhe shoqëruar në stacion policor, ku është përballur me denoncimin kundër tij.

Pas përfundimit të procedurave policore, Prokurori i Shtetit ka urdhëruar caktimin e masës së ndalimit policor dhe inicimin e rastit ndaj tij për veprën penale “Dhunë në familje”.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.