Policia e Kosovës (PK) njofton se një grua në Prizren ka raportur se është sulmuar fizikisht nga djali i saj.

Në raportin 24 orësh të Policisë, thuhet se rasti ka ndodhur të mërkurën, rreth orës 11:00, ndërsa viktima ka pranuar tretman mjekësor, raporton “Betimi për Drejtësi”.

“Viktima femër kosovare, ka raportuar se është sulmuar fizikisht nga djali i saj i dyshuari mashkull kosovar. Viktima ka pranuar tretman mjekësor. Rasti në procedurë hetimore”, thuhet në njoftim. /BetimipërDrejtësi

Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.

Para nisjes së turit dy ditor në Ballkanin Perëndimor, kryeministri Edi Rama ka njoftuar se janë dorëzuar në ministrinë e Jashtme të Kosovës 13 marrëveshjet që do të firmoseshin në mbledhjen e përbashkët mes dy qeverive që ishte planifikuar të mbahej në Gjakovë disa javë më parë.

Kreu i qeverisë shkruan se me firmosjen edhe nga pala e Kosovës, Albin Kurti do të konfirmojë takimin me Ramën.

“Pas pak drejt Shkupit për të nisur vizitën dyditore në kryeqytetet e Ballkanit Perëndimor. Sot të mëngjes janë dorëzuar në ministrinë e jashtme në Kosovë të 13 marrëveshjet e mbledhjes së dy qeverive të firmosura nga ana jonë. Me kundërfirmosjen e palës kosovare ato hyjnë menjëherë në fuqi. Mbetem me shpresë se pas heqjes së merakut të shprehur publikisht nga KM Kurti për qytetarët e penguar të përfitojnë nga 13 marrëveshjet, do të kemi edhe konfirmimin e takimit me Albinin sot pasdite.”, shkuan Rama.

Kryetari i Partisë Demokratike të Kosovës, Memli Krasniqi, e ka ftuar kryeministrin qeverinë e Kurtit të çojnë vendin në zgjedhje për të vlerësuar mbështetjen e tyre në mes të qytetarëve.

Gjatë një interviste në emisionin “Pressing”, kreu i Partisë Demokratike të Kosovës ka përsëritur se është koha për t’u rikthyer te populli dhe për të bërë një vlerësim të sinqertë të veprimeve të tyre në krye të vendit.

Krasniqi i ka ftuar Kurtin që të tregohet i gatshëm për të ndjekur rrugën e zgjedhjeve, duke theksuar se çdo vonesë mund të ketë pasoja të konsiderueshme për Kosovën.

”Albin Kurti nëse mendon që populli është me ty hajde shkojmë zgjedhje, nesër, masnesër është vonë – hajde matum zotëri. Ty nuk të kanë votu njerëzit për me iu prish krejt drejtimin që kanë investu gjenerata e gjenerata që është orientimi euro-perëndimor, për njerëzit që iu ke premtu diçka e ju ke sjellë diçka krejt tjetër“, ka deklaruar ai.

Ambasadori i Gjermanisë në Prishtinë, Jorn Rohde, ka deklaruar se vendi i tij fatkeqësisht ka ulur bashkëpunimin me Kosovën në disa sektorë.

Kështu ka thënë ambasadori gjerman të mërkurën në një intervistë në Rubikon të Klan Kosovës.

“Përsëri, unë shpresoj se ne do të arrijmë një zgjidhje së shpejti dhe e dini… Po, thash gjithashtu dhe po flas në emër të vendit tim se ne fatkeqësisht kemi bashkëpunim të zvogëluar në disa sektorë, në sektorë që lidhen me sigurinë deri tani, dhe normalisht nuk ulem këtu për të diskutuar këtë, më me qejf do të kisha diskutuar mbi marrëdhëniet tona, zhvillimin ekonomik, por nëse nuk ka progres këto masa janë duke u implementuar dhe e dini dua t’i ndaloj ato ashtu si BE-ja, ato janë të kthyeshme menjëherë, por na duhen veprime nga të gjithë partnerët, veçanërisht nga Kosova për të ecur përpara dhe deri tani nuk kanë ndodhur”, theksoi Rohde.

Ankesa e dhëndrit nga Vushtrria për gruan e tij nuk shkoi mirë. Ai e pësoi keq pikërisht nga babai i gruas.

Më datë 3 korrik rreth orës 20:00, burri nga fshati Gojbule derisa kishte qenë me veturë duke u kthyer nga miqtë e tij me gruan e tij dhe djalin  e tyre 13 muajsh, gjatë rrugës gruaja e tij e kishte qortuar fëmijën i cili kishte filluar të qajë.

Kështu burri e ka ndalur veturën dhe e thirri në telefon babain e gruas, i cili menjëherë ka arritur atje.

Siç ka deklaruar ankuesi, derisa ka tentuar të bisedojë me vjehrrin, ai kishte filluar ta godasë me grushta në fytyrë dhe pjesë të tjera të trupit.

Përveç kësaj, siç thonë burimet e Indeksonline, ai dyshohet se është kërcënuar.

Kështu i njëjti ka pranuar tretman mjekësor. Rasti është duke u hetuar.

Në një muze në Mekë të Arabisë Saudite, gjendet planvendosja e Mekës gjatë kohës që jetonte profeti Muhamed.
Maketa e vendosur në muze, pasqyron planvendosjen e Mekës në vitin 610, ku në mes shihet Qabeja, ndërsa afër saj burimi i Zemzemit si dhe shtëpia ku ka lindur profeti.
Në këtë maketë shihen edhe shtëpitë e kalifëve Ebu Bekr dhe Omer. Në këtë muze është ndërtuar edhe një dhomë, e ngjashme me atë në të cilën ka jetuar profeti Muhamed.
Kushtet e jetës, orenditë shtëpiake që përbëhen nga disa enë, etj. janë të vendosura në këtë shtëpi muze, e cila është ndërtuar bazuar në tregimet e shokëve të profetit dhe thëniet profetike që kanë të bëjnë me shtëpinë e tij.

Kështu e përshkruan situatën aktuale në Kosovë, ish kryeministri i Kosovës Isa Mustafa.
Në disa përgjigje për Periskopin ish- kreu i LDK-së, vlerëson se pozicioni i Kosovës në rrafshin ndërkombëtar, por edhe të brendshëm është në pikën më delikate. Mustafa ka theksuar se në rrugën e shtetndërtimit “asgjë nuk është e dhënë përgjithmonë”.
“Është një situatë shumë delikate, në të cilën Kosova po ballafaqohet me sfidat për të ruajtur të arriturat e shtetndërtimit, sepse asgjë nuk është e dhënë njëherë e përgjithmonë”, ka thënë Mustafa.
Ish kryeministri Mustafa ka thënë se qeveria e Kosovës e udhëhequr nga Albin Kurti çështjen e Kosovës e ka shndërruar në çështje të sigurisë rajonale. Mustafa thekson se kjo gjendje veçse do t’ia bëjë më të vështirë pozicionin e saj si palë në dialogun me Serbinë, ndërsa nuk ka përjashtuar edhe rëndim të gjendjes ekonomike e sociale.
“Formalisht është nën sanksione të BE-së, joformalisht edhe të SHBA-së dhe të aleancës euroatlantike. Kosova tregoi më së miri se është shumë vështirë të ndërtosh shtetin e shumë lehtë që atë ta rrezikosh me sjellje të papërgjegjshme ndaj aleatëve kryesor të saj. Pushteti aktual, çështjen e Kosovës nga rrafshi politik e shndërroi në çështje të sigurisë rajonale. Prandaj kanë qenë të pritshme masat për ta parandaluar eskalimin e situatës. Kjo do ta rëndojë shumë pozitën e Kosovës në dialog dhe në relacione ndërkombëtare, sikurse dhe gjendjen ekonomike dhe sociale në vend”, ka thënë ish-kryeministri.
Mustafa thotë se “kokëfortësia” e kryeministrit Kurti për të mos u koordinuar me aleatët ndërkombëtarë, duke refuzuar çdo kërkesë të tyre është parë edhe më herët në histori, por se liderët dhe vendet e tyre kanë pësuar një fund të keq.
“Kurti i solli sanksionet por ai po vazhdon me avazin e vjetër. Njoh edhe lider të tjerë që janë sjellur me mospërfillje ndaj ruajtësve të paqes por kanë përfunduar keq edhe ata edhe vendet e tyre”, ka thënë Mustafa.
Pasi Bashkimi Evropian i komunikoi Kosovës një sërë masash ndëshkuese si pasojë e mosveprimit të Qeverisë së Kosovës për deeskalimin e situatës dhe reagimin e opozitës ndaj kësaj goditjeje, Mustafa e sheh këtë të fundit si të përkushtuar për të ruajtur partneritetin ndërkombëtar. Ndërsa pjesa tjetër thotë se i takon qeverisë, për të cilën thotë se “po krihet”.
“Sa po e përcjell situatën, opozita po kundërshton rrezikimin e partneritetit ndërkombëtar nga qeveria. Nuk po merret me fondet dhe aspektin sesi ato do të trajtoheshin në pakon e sanksioneve. Për këtë do duhej të mendonte pushteti. Qeveria dhe ministritë po sillen sikur të mos kishte ndodhur asgjë- shtëpia po kallet e qeveria po krihet”, ka theksuar Mustafa.
E iniciativën e ish partisë së tij, Lidhjes Demokratike të Kosovës, të cilën e kanë emëruar si “Rruga e Tretë” për daljen nga kriza, Mustafa e cilëson si ‘këndellje të opozitës”. Ai madje i ka vlerësuar si pozitive edhe kërkesat e partive të tjera opozitare për rrëzimin e qeverisë së Kosovës.

“Nuk jam në rrjedhë të kësaj iniciative, por po lexoj për një këndellje të opozitës, për iniciativa dhe qëndrime të një opozitarizmi të qëndrueshëm. Përfundimisht hoqën dorë nga sintagma se qeveria po punon keq, po e dëmton vendin por se ne nuk jemi të interesuar për ta rrëzuar. Kur e panë që qeveria po e rrëzon Kosovën, opozita mori kurajo të thotë se duhet rrëzuar qeverinë e jo Kosovën”, ka thënë Mustafa.
Isa Mustafa ka qenë kryeministër i Kosovës nga viti 2014-2017. Ai udhëhoqi Lidhjen Demokratike të Kosovës për më shumë se 10 vjet.

Në Kosovë ka rënë numri i kurorëzimeve, të rinjtë po e shtyjnë martesën dhe kjo sipas sociologëve po ndodhë për shkak se ata duan kushte më të mira ekonomike.
Të dhënat e Agjencisë së Statistikave të Kosovës tregojnë se krahasur me vitet paraprake, numri i kurorëzimeve ka rënë dukshëm.
Të rinjtë e Kosovës po shtyjnë martesën, ndërsa kjo më së shumti është vërejtur të burrat se sa të gratë.
Sociologu Leutrim Sahiti ka thënë për Telegrafin se krahas rënies së natalitetit ka rënie edhe të numrit të kurorëzimeve.
“Sa i përket lidhjeve martesore, e vetmja mënyrë për të matur ato është numri i kurorëzimeve të regjistruara dhe kjo sigurisht që nuk na jep numrin e saktë edhe të atyre që janë të martuar faktikisht por nuk kanë lidhur kurorë. Është e qartë që me rënien e natalitetit dhe popullsisë në përgjithësi ka rënë edhe numri i kurorëzimeve në shtetin tonë dhe nëse i krahasojmë të dhënat e fundit, ato të vitit 2020 me ato të 10 viteve me parë, pra 2010, del se 13 vite me parë kemi pasur 18289 kurorëzime kurse në vitin 2020 kemi pasur 13463 kurorëzime, pra gati 5 mijë kurorëzime më pak”, ka thënë ai për Telegrafi.
Sahiti ka thënë se referuar statistikave, shtyrja e martesave është vërejtur më shumë te burrat se të gratë.
“Për të dalë te tema se a po shtyhen martesat te të rinjtë e Kosovës, referuar statistikave del se po, kemi shtyrje të moshës së martesës, por kjo është e shfaqur më shumë te burrat se të gratë, të cilat po martohen në moshë më të re. Martesat e hershme te vajzat lidhen me pozicionin e tyre në shoqëri dhe pamundësitë e tyre që të ndjekin shkollimin e lartë dhe karrierën”, është shprehur ai.

Sociologu ka thënë se para 10 vitesh në Kosovë gjendja ka qenë më diskriminuese për vajzat të cilat janë martuar në moshën 18 vjeçare.
“Referuar statistikave të vitit 2010 del se në atë vit kemi pasur rreth 120 vajza që janë martuar nën moshën 18 vjeçare. Përkundër kësaj nuk kemi pasur asnjë djalë që është martuar në këtë moshë. Vajza të martuara në moshën 18 vjeçare i kemi pasur 482 kurse djem vetëm 43. Kjo tregon shumë për gjendjen diskriminuese në të cilën kanë qenë vajzat 13 vite me parë në Kosovë, por që fatmirësisht gjërat kanë filluar të ndryshojnë për të mirë”, shpjegoi ai.
Ai foli gjithashtu edhe për martesat e vitit 2020, duke thënë se para moshës 18 vjeçare kanë pasur vetëm 11 vajza të kurorëzuara kurse vetëm një djalë.
“Vajza të martuara në moshën 18 vjeçare në 2020 i kemi pasur 232 kurse djem vetëm 11”, tha mes tjerash ai.

Sahiti për Telegrafin tregoi moshën mesatare të djemve dhe vajzave të martesave.
“Bazuar në statistikat e fundit rreth kurorëzimeve del se shtyrja e martesave po bëhet në shumë nga burrat se nga gratë. Mosha mesatare e burrave të martuar sillet rreth 30 vjeç kurse e grave rreth 23 vjet. Nëse këto të dhëna i krahasojmë me ato të vitit 2010 del se kemi një rritje të moshës së grave që vendosin të martohen në moshë më të rritur por ende shqetësim mbeten martesat e hershme te vajzat në Kosovë”, sqaroi ai.
Sociologu Sahiti u ndal edhe të arsyet që bëjnë që të rinjtë të shtyjnë martesën.
“Arsyet kryesore të shtyrjes së moshës së martesës te meshkujt lidhen me karrierën, realizimin e planeve të jetës, zgjidhjen e problemit të punësimit si dhe krijimi i kushteve më të mira ekonomike para se të lidhin martesë. Realizmi i martesave të hershme te gratë lidhet me statusin e tyre sociale në shoqëri, mentalitetin patriarkal që gratë duhet të martohen herët sepse “nëse iu shtyhet mosha e martesës mund të mbesin pa u martuar”, imponimi familjar dhe shoqëror që gratë duhet të kujdesen për familjen dhe nuk duhet dhënë shumë pas karrierës.
Këto në përgjithësi janë shkaqet pse kemi një shtyrje të martesave te meshkujt dhe martesa të hershme te grate”, potencoi ndër tjera ai.
Ndryshe, demografi Sami Behrami ditë më parë në një intervistë për Telegrafin u shpreh i shqetësuar se në Kosovë ka rënie të natalitetit dhe numër të madh të emigrimit.
Behrami potencoi se nëse nuk merren masa konkrete, Kosova do të përballet me pasoja.
“Trendët demografike në Kosovë në 10 vjeçarin e fundit janë shqetësuese. Kosova në njërën anë po përballet me trend shumë të ulët të lindshmërisë dhe me fluks të madh të emigranteve. Në shkencën e demografisë kur një vend ka lëvizje të tilla demografike, karakterizohet si vend në krizë demografike. Prandaj, lirshëm mund të themi se Kosova është futur në krizë demografike e cila kërkon rrugë zgjidhje”, është shprehur ai.
Sipas një raporti të publikuar nga OKB, Kosova në vitin 2100 do të jetë vendi i dytë me popullsinë më të vjetër në Ballkan.

Deputetja e Partisë Demokratike të Kosovës Ganimete Musliu, përmes një postimi në rrjetin social Facebook ka shprehur mllefin e saj kundrejt kryeministit Albin Kurti, ku ka thënë se ai më leht i’a falë Vuçiqit krimet që kanë ndodhur në Kosovë, se që mundët të i’a falë fjalët Kryeministrit Rama.
Tutje ajo shprehu ofendime për Kurtin ku tha se është rrenc, mashtrues zhyll, demagog.

“Albini ma  leht ja falë Vuçiqit krimet e gjenocidin që ka ndodhë në Kosovë se sa qe ja falë Kryeministrit Rama qe e ka shkatërruar tentativën e Albinit për të ndërhyrë ne zgjedhjet e brëndshme  të Shqipërisë përmes VV !  Inatin e madh e ka thiu!”, tha Musliu.