Kryetari i Komisionit për Çështje të Sigurisë dhe Mbrojtjes, Bekë Berisha, ka mohuar akuzat e deputetit të Lëvizjes Vetëvendosje, Enver Dugolli për kërcënim verbal.Ai tha se këto akuza janë për efekt elektoral, duke shtuar se zgjedhjet janë afër dhe atij po i duhen vota.

Sipas tij, kjo formë e viktimizimit është e konsumuar.

“Deputeti Dugolli e ka shumë problem zgjedhjen edhe një mandat dhe tash zgjedhjet janë afër. Këta kanë dështuar në çdo aspekt dhe në këtë formë kanë me u mundua tash e tutje edhe deputetë tjerë me nxjerrë këso gënjeshtre për me marrë votë”.

Unë do ta pyes se problemi ke, nëse dëshiron me marr ndonjë vote dil gënje në forma të ndryshme sepse kjo formë e viktimizimit është konsumuar dhe nuk e ka kërcënuar askush”, tha Berisha

Grupi Parlamentar i Lëvizjes Vetëvendosje, ka akuzuar kryetarin e Komisionit për Çështje të Sigurisë dhe Mbrojtjes, Bekë Berisha, se ka kërcënuar verbalisht deputetin e kësaj partie, Enver Dugolli.

Ky i fundit, tha se Berisha në Komision kryetari Berisha ndezi cigaren. Madje tha se nuk pranoi që ta fikë edhe pse i kërkoi deputetit Dimal Basha.

Dugolli më tej sqaroi se Berisha e humbi arsyen dhe e kërcënoi në prezencë të Policisë se ‘vetëm je i sëmurë e keq me shëndet se ta kisha treguar vendin këtu”.

Dua të ju njoftoj se kryetari i këtij Komisioni, Bekë Berisha, ku fillimisht bëri shkelje ligjore duke ndezur cigare në ambiente të mbyllura të Kuvendit të Kosovës dhe në momentin që mori vërejtje nga deputeti Dimal Basha që ta fik cigaren, por lere që nuk e fiki cigaren”.

“…por bëri një sjellje të një njeriu të fortë, filloi ta humb arsyen dhe që në momentin nuk mori përgjigje nga drejtori i Policisë, dhe ma dha fjalën më kërcënoi verbalisht në prezencë të Policisë dhe anëtarëve të Komisionit me fjalët se ‘vetëm je i sëmurë e keq me shëndet se ta kisha tregu vendin këtu’ që ishte kërcenim verbal”.

Më tej, Dugolli paralajmëroi se do t’i ndjek hapat e mëtutjeshëm ndaj Bekë Berishës.

“Për shkak të kërcënimit të vazhdueshëm ndaj deputetëve të komisionit, unë do t’i ndjek procedurat e duhura parlamentare dhe do t’i drejtohem kryetarit të Kuvendit dhe Kryesisë së Kuvendit për adresimin e masave disiplinore ndaj Bekë Berisha”, tha tutje Dugolli.

Udhëtim të mirë engjëll i vogël” – Me këto fjalë, një kartolinë i thotë lamtumirë vajzës trevjeçare nga Glarus. Fëmija vdiq të premten e kaluar për shkak të dhunës së rëndë.Një rrotë maja, një kafshë pellushi dhe disa qirinj janë shtrirë pranë hartës dhe përballë bllokut të apartamenteve ku jetonte familja të martën – një ditë pasi u njoftua vdekja, shkruan blick.ch transmeton “Bota sot”.

Oficerët e policisë nga shërbimi mjeko-ligjor Glarus marrin provat nga banesa në disa çanta dhe enë plastike.

Për shumë njerëz, fati i të veglës është i pakuptueshëm. Kështu edhe për ish-punëdhënësin e babait. Për Blick ai thotë: “Ai luftoi aq shumë që fëmija i tij të vinte tek ai.”Më shumë informacion

Babai (24) ishte punësuar rreth tre vjet më parë si ndihmës montues për sistemet e ventilimit në kompaninë e tij. Aty ka qenë i punësuar deri në dhjetor 2022. “Ai ishte i vendosur dhe i besueshëm.” Ai mungonte herë pas here, por vetëm sepse kishte gjithmonë takime me autoritetet.

Na duhej ta kërkonim sepse ai thjesht mungonte”, thotë ish-shefi. “Ne pastaj i sugjeruam gjithashtu që të kërkonte një punëdhënës që është pak më fleksibël.”

Ish-shefi shprehet: “Asnjëherë nuk kishte asnjë shenjë se ai ishte i dhunshëm. Nuk mund ta imagjinojmë se ishte ai”. Ai e njeh gjithë familjen: “Dy fëmijët e tjerë i takuam herë pas here në kohën e lirë. Dhe gruaja ishte në darkën tonë të Krishtlindjes dy herë. Gjithçka dukej normale. Prandaj e gjithë kjo është e paimagjinueshme për ne”.

Siç thonë gjyshërit e vajzës për gazetën 20min.ch, ekzistencën e vajzës e morën vesh vetëm vitin e kaluar. Ajo vjen nga një lidhje jashtëmartesore e babait. Sipas gjyshërve, nëna biologjike nuk mund të kujdesej për fëmijën. E vogla ka qëndruar deri vonë në një familje kujdestare. Prej aty më në fund erdhi tek babai i saj, njerka dhe dy gjysmë-vëllezërit. Sipas gjyshes, njerka e ka pranuar të voglën si fëmijën e saj.Por tani vajza ka vdekur. Gjyshërit mësohet se e kanë marrë vesh vdekjen vetëm nga mediat. Ata gjithashtu nuk e dinë se ku janë dy nipërit. “Autoritetet kanë thënë vetëm se janë në një vend neutral”, tha gjyshja.

Vajza e vogël ka pësuar lëndime të shumta, tha policia.

Prokurori Patrick Fluri nuk i tregoi Blick-ut se çfarë lloj lëndimesh. Vetëm kaq: “Dëmtimet ishin të dukshme”. Sipas raportit të autopsisë, ajo vdiq nga “trauma e shumëfishtë, e rëndë dhe e mprehtë”.

Britma nga banesa

Sipas fqinjëve, familja u vendos në apartamentin 5.5 dhomash vetëm rreth dy muaj më parë. Një fqinj i thotë Blick: “Ata ishin shumë të lumtur që tani kanë kaq shumë hapësirë.” Por ajo nuk e njihte më mirë familjen. Tingëllon e ngjashme me fqinjët e tjerë. Megjithatë, një fqinj shprehet: “Nga banesa dëgjoheshin shpesh britma”.

Të premten e kaluar bota dukej perfekte për familjen e vogël. Në Instagram, babai postoi një foto të tre fëmijëve të tij në ujëvarat e Rhine në Schaffhausen.

Menjëherë pas kësaj, ndodhi tragjedia.

Deputeti i AAK-së, Bekë Berisha ka thënë se kryeministri Albin Kurti është bërë njeri i rrezikshëm për Kosovën. Ai ka folur për tensionet e fundit në veri të Kosovës.

“Është bërë njeri i rrezikshëm. Po flas për sigurinë, këto janë veprime shumë të rrezikshme”, ka thënë ai në T7.

Ai ka thënë Kosova duhet të shpëtohet nga kryeministri me mocion mosbesimi, apo në ndonjë formë tjetër.

“Nuk duhet me pru një situatë konflikti për shkak të egove që nuk është normal. Ka qëllime të tjera, nuk e dimë më çfarë është t’u ndodh. Kur është veni në rrezik, ndoshta mocioni nuk mund të ketë sukses. Por ne vendin duhet me shpëtu. Ne nuk mund të rrimë në heshtje përballë kësaj situate”, ka thënë Berisha.

Gazeta Sinjali raportoi sot për një rast tronditës që ka ndodhur në Malishevë për më shumë se një vit, ku një person i moshës madhore ka krijuar lidhje dashurie me një të mitur, me të cilën dyshohet se kanë kryer marrëdhënie seksuale në vazhdimësi. Përveç dhunimit, ai po dyshohet edhe për dhunë fizike e psikike ndaj vajzës 15-vjeçar.

I dyshuari tashmë ndodhet nën masën e ndalimit policor dhe ndaj tij kanë nisur hetimet me urdhër të Prokurorit të Shtetit.

Burimet brenda Prokurorisë kanë bërë me dije se bëhet fjalë për Armend Thaqin, (24-vjeçar) i cili është shoqëruar në stacion policor lidhur me këtë rast pasi u denoncua nga e mitura gjatë ditës së djeshme.

Çka dihet për rastin?

Sinjali mëson se gjithçka u zbulua pasi viktima, e moshës 15-vjeçare vendosi ta denoncojë të dyshuarin, për sulmin ndaj saj, që dyshohet se ka ndodhur para disa ditësh. Në deklaratën e dhënë në Polici, vajza zbuloi detaje tronditëse, se si ka kryer marrëdhënie seksuale me të dyshuarin që nga mosha 14-vjeçare.

Në bazë të informacioneve të para, i dyshuari që nga fillimi ka qenë në dijeni për moshën e viktimës, por me të njëjtën ka vazhduar lidhjen e dashurisë, duke i premtuar vajzës se do të martohet me të.

Por gjithçka mes tyre ndryshoi, pasi ai dyshohet se nisi të ushtrojë dhunë mbi vajzën. Viktima ka deklaruar para hetuesve policorë se i dyshuari e ka sulmuar fizikisht, rast ky që e shtyu ta njoftojë Policinë për krejt çka ka ndodhur mes tyre.

Si rezultat i denoncimit, hetuesit policorë kanë ndërmarrë veprimet e nevojshme, me ç’rast është intervistuar edhe i dyshuari, i cili ka dhënë dëshminë e tij dhe e ka pranuar se ka ushtruar dhunë fizike ndaj të dashurës së tij të mitur.Pas përfundimit të procedurave policore, lidhur me rastin është vënë në dijeni edhe Prokurori i Shtetit, i cili ka urdhëruar ndalimin e të dyshuarit dhe nisjen e hetimeve ndaj tij në drejtim të veprës penale “Dhunimi” dhe “Sulmi”.

Rasti është konfirmuar edhe nga Policia e Kosovës.

“Më 05.06.2023 viktima femër kosovare ka raportuar se gjatë kësaj periudhe në intervale të ndryshme kohore ka kryer marrëdhënie seksuale me të dyshuarin mashkull kosovar i cili i kishte premtuar se do ta marrë për bashkëshorte, por i njëjti kishte ushtuar dhunë fizike dhe psikike ndaj saj. Palët janë intervistuar dhe me vendim të prokurorit, i dyshuari është arrestuar dhe dërguar në mbajtje.”

I dërguari i posaçëm i SHBA-së për Ballkanin Perëndimor, Gabriel Escobar, ka deklaruar se kryeministri i Kosovës, Albin Kurti dhe presidenti serb kanë kohë deri të premten për t’u dhënë fund tensioneve në veri.

“Kurti dhe Vuçiq kanë kohë deri të premten, për shkak se te premten unë dhe Lajcak i japim përgjegjësi eprorëve tanë, ka deklaruar Escobar.

Në një bisedë të tij me gazetarë, Escobar raportohet të ketë thënë se marrëdhënia e SHBA-së me Kosovën nuk është marrëdhënie me kryeministrin Kurti, teksa ka paralajmëruar pasoja për ata që e pengojnë marrëveshjen.

Marrëdhënien me kryeministrin Kurti, Escobar e cilësoi si sfiduese.

Ai kërkoi themelimin e menjëhershëm të Asociacionit dhe ndaljen e Serbisë për lobimin kundër Kosovës.

“Kosova dhe Serbia po pengojnë zbatimin e marrëveshjes. Kosova menjëherë të nisë themelimin e Asociacionit, Serbia të mos lobojë kundër Kosovës. Mbështesim thirrjet e BE-se për deskalim. Thërrasim Listen Serbe të merr pjesë në zgjedhje, pa parakushte”, tha tutje Escobar.

Situatën e krijuar në veri Escobar e ka quajtur si dështim i të dy palëve.

Edhe sot janë duke vazhduar protestat në tri komunat në veri të Kosovës. Për dallim nga ditët e mëparshme sot është vërejtur numër më i vogël i protestuesve.Serbët lokalë në Leposaviq kanë vendosur që në kuadër të protestave të përfshijnë edhe disa aktivitete sportive.

Në kuadër të kësaj sot ushtarët amerikanë të KFOR-it dhe qytetarë serbë kanë garuar në “tërheqje të litarit” shkruajnë mediat serbe.

Lojërat kishin nisur një ditë më parë, ndërsa të martën serbëve iu bashkuan edhe ushtarët që po kujdesen për objektin e Komunës, që kur kanë nisur protestat në fund të majit.

Këto lojëra tradicionalisht luhen në Leposaviq për më shumë se 45 vjet, sipas mediave lokale.

Që nga 26 maji 2023, serbët në Zveçan, Zubin Potok dhe Leposaviq po vazhdojnë protestën e tyre. Ata po kundërshtojnë vendosjen e kryetarëve të zgjedhur në objektet komunale.

Më 29 maj, situata u përshkallëzuar në Zveçan, pas përplasjes së protestuesve serbë me pjesëtarë të KFOR-it.  Për pasojë u plagosën 30 pjesëtarë të forcës paqeruajtës, si dhe pjesëtarë të Policisë së Kosovës.

Gjatë protestave janë dëmtuar dhe djegur automjete të KFOR-it, Policisë së Kosovës dhe mediave

U Leposaviću, KFOR i lokalni Srbi nadmeću se u vuči konopca pic.twitter.com/cHQh9XHTrG

— KoSSev/Kosovo Sever portal (@KoSSevnews) June 6, 2023