Gjilani po përballet me largime të shumta të lojtarëve.Së fundmi, Egzon Sinani përmes llogarisë së tij në Facebook ka lajmëruar që nuk do të jetë më pjesë e skuadrës së Gjilanit, shkruan GazetaBlic Sport.

Ja postimi i tij:

Përshëndetje miq dhe dashamirë!

Me këtë shkrim dua të ju njoftoj që me përfundimin e garave Europiane ka përfunduar edhe kontrata ime me SC Gjilani , faleminderit të gjith atyre që na mbështetën në këtë rrugëtim e sidomos bashkëlojtarëve që sakrifikuan shumë për ta ngritur emrin e SC Gjilanit si në nivel vendi ashtu edhe në nivele Europiane.Shumë shpejt do të ju informoj edhe për te rejat dhe hapat e radhës në vazhdimin e karierës time.

Kosova ka arritur fitore të madhe në kualifikimet për Eurobasket ndaj Zvicrës.“Dardanët” arritën që me rezultat 72-76 të triumfojnë ndaj Kombëtares së Zvicrës, shkruan GazetaBlic Sport.

Kosova bëri dallimin në çerekun e fundit aty ku e fitoi me rezultat 11-20.Pas kësaj fitore, Kosova pozicionohet në vendin e parë në grupin H me 5 pikë një më shumë se Danimarka dhe dy më shumë se Zvicra.

Real Madrid është duke zhvilluar në Amerikë fazën përgatitore në vigjilje të sezonit të ri. Madrilen kanë në program disa miqësore ndërsa trajneri Carlo Ancelotti gjen mundësinë për të vëzhguar nga afër blerjet e kësaj merkato dhe mënyrën se si mund t’i integrojë ata në mekanizmat e “Los Blancos”.

Një nga për të cilët ka më shumë kuriozitet është Arda Guler, talenti turk që u transferua nga Fenerbahce në klubin spanjoll për shifrën e 20 milionë eurove. Shenjat e para janë shumë pozitive, por së fundmi duket sikur fantazistin e “kanë marrë mësysh” pasi Guler ka dëmtuar meniskun e gjurit të djathtë dhe është detyruar të rikthehet para kohe në Madrid për të vijuar në kryeqytetin e Spanjës fazën e rikuperimit.

Një lajm i keq duke qenë se dëmtimet në gju janë gjithnjë delikate dhe lënë shenja në karrierën e një futbollisti, edhe pse te Reali besojnë se Guler do të jetë shumë shpejt gati për t’u rikthyer rregullisht nën urdhrat e trajnerit Ancelotti për startin e sezonit të ri.