Dihet tashmë që kombinimi i një këngëtari të mirë me një muzikant të mirë sjell një super atmosferë në çdo vend. E ky është realitet edhe i personazhit tonë, muzikantit të njohur Gent Thaqi, ku mund të themi pa dyshim se është kolegu i krejt estradës, dhe luan e bashkëpunon me emrat më të njohur të muzikës shqiptare.
Genti është vetëm 26 vjeç dhe ka lindur në Prishtinë. E gjen kudo me tastierën e tij duke luajtur muzikën e bukur shqipe, ndërsa mësojmë se ai nuk është rastësisht në muzikë , pasi edhe ka studiuar për të.
Ai bashkëpunon për mbrëmje dhe dasma me këngëtarët më të njohur shqiptarë, e më së shumti me këngëtarin e njohur Durim Malaj, është i preferuari i tij. E vetë këngëtarët kur dëgjojnë emrin e Gentit e dinë se ai koncert apo gëzim familjar do të jetë unik. Sezoni ka mbaruar për këtë vit por angazhimet e tij me muzikë vazhdojnë kudo ku ka shqiptar.
