Në Kosovë ka rënë numri i kurorëzimeve, të rinjtë po e shtyjnë martesën dhe kjo sipas sociologëve po ndodhë për shkak se ata duan kushte më të mira ekonomike.
Të dhënat e Agjencisë së Statistikave të Kosovës tregojnë se krahasur me vitet paraprake, numri i kurorëzimeve ka rënë dukshëm.
Të rinjtë e Kosovës po shtyjnë martesën, ndërsa kjo më së shumti është vërejtur të burrat se sa të gratë.
Sociologu Leutrim Sahiti ka thënë për Telegrafin se krahas rënies së natalitetit ka rënie edhe të numrit të kurorëzimeve.
“Sa i përket lidhjeve martesore, e vetmja mënyrë për të matur ato është numri i kurorëzimeve të regjistruara dhe kjo sigurisht që nuk na jep numrin e saktë edhe të atyre që janë të martuar faktikisht por nuk kanë lidhur kurorë. Është e qartë që me rënien e natalitetit dhe popullsisë në përgjithësi ka rënë edhe numri i kurorëzimeve në shtetin tonë dhe nëse i krahasojmë të dhënat e fundit, ato të vitit 2020 me ato të 10 viteve me parë, pra 2010, del se 13 vite me parë kemi pasur 18289 kurorëzime kurse në vitin 2020 kemi pasur 13463 kurorëzime, pra gati 5 mijë kurorëzime më pak”, ka thënë ai për Telegrafi.
Sahiti ka thënë se referuar statistikave, shtyrja e martesave është vërejtur më shumë te burrat se të gratë.
“Për të dalë te tema se a po shtyhen martesat te të rinjtë e Kosovës, referuar statistikave del se po, kemi shtyrje të moshës së martesës, por kjo është e shfaqur më shumë te burrat se të gratë, të cilat po martohen në moshë më të re. Martesat e hershme te vajzat lidhen me pozicionin e tyre në shoqëri dhe pamundësitë e tyre që të ndjekin shkollimin e lartë dhe karrierën”, është shprehur ai.

Sociologu ka thënë se para 10 vitesh në Kosovë gjendja ka qenë më diskriminuese për vajzat të cilat janë martuar në moshën 18 vjeçare.
“Referuar statistikave të vitit 2010 del se në atë vit kemi pasur rreth 120 vajza që janë martuar nën moshën 18 vjeçare. Përkundër kësaj nuk kemi pasur asnjë djalë që është martuar në këtë moshë. Vajza të martuara në moshën 18 vjeçare i kemi pasur 482 kurse djem vetëm 43. Kjo tregon shumë për gjendjen diskriminuese në të cilën kanë qenë vajzat 13 vite me parë në Kosovë, por që fatmirësisht gjërat kanë filluar të ndryshojnë për të mirë”, shpjegoi ai.
Ai foli gjithashtu edhe për martesat e vitit 2020, duke thënë se para moshës 18 vjeçare kanë pasur vetëm 11 vajza të kurorëzuara kurse vetëm një djalë.
“Vajza të martuara në moshën 18 vjeçare në 2020 i kemi pasur 232 kurse djem vetëm 11”, tha mes tjerash ai.

Sahiti për Telegrafin tregoi moshën mesatare të djemve dhe vajzave të martesave.
“Bazuar në statistikat e fundit rreth kurorëzimeve del se shtyrja e martesave po bëhet në shumë nga burrat se nga gratë. Mosha mesatare e burrave të martuar sillet rreth 30 vjeç kurse e grave rreth 23 vjet. Nëse këto të dhëna i krahasojmë me ato të vitit 2010 del se kemi një rritje të moshës së grave që vendosin të martohen në moshë më të rritur por ende shqetësim mbeten martesat e hershme te vajzat në Kosovë”, sqaroi ai.
Sociologu Sahiti u ndal edhe të arsyet që bëjnë që të rinjtë të shtyjnë martesën.
“Arsyet kryesore të shtyrjes së moshës së martesës te meshkujt lidhen me karrierën, realizimin e planeve të jetës, zgjidhjen e problemit të punësimit si dhe krijimi i kushteve më të mira ekonomike para se të lidhin martesë. Realizmi i martesave të hershme te gratë lidhet me statusin e tyre sociale në shoqëri, mentalitetin patriarkal që gratë duhet të martohen herët sepse “nëse iu shtyhet mosha e martesës mund të mbesin pa u martuar”, imponimi familjar dhe shoqëror që gratë duhet të kujdesen për familjen dhe nuk duhet dhënë shumë pas karrierës.
Këto në përgjithësi janë shkaqet pse kemi një shtyrje të martesave te meshkujt dhe martesa të hershme te grate”, potencoi ndër tjera ai.
Ndryshe, demografi Sami Behrami ditë më parë në një intervistë për Telegrafin u shpreh i shqetësuar se në Kosovë ka rënie të natalitetit dhe numër të madh të emigrimit.
Behrami potencoi se nëse nuk merren masa konkrete, Kosova do të përballet me pasoja.
“Trendët demografike në Kosovë në 10 vjeçarin e fundit janë shqetësuese. Kosova në njërën anë po përballet me trend shumë të ulët të lindshmërisë dhe me fluks të madh të emigranteve. Në shkencën e demografisë kur një vend ka lëvizje të tilla demografike, karakterizohet si vend në krizë demografike. Prandaj, lirshëm mund të themi se Kosova është futur në krizë demografike e cila kërkon rrugë zgjidhje”, është shprehur ai.
Sipas një raporti të publikuar nga OKB, Kosova në vitin 2100 do të jetë vendi i dytë me popullsinë më të vjetër në Ballkan.

Deputetja e Partisë Demokratike të Kosovës Ganimete Musliu, përmes një postimi në rrjetin social Facebook ka shprehur mllefin e saj kundrejt kryeministit Albin Kurti, ku ka thënë se ai më leht i’a falë Vuçiqit krimet që kanë ndodhur në Kosovë, se që mundët të i’a falë fjalët Kryeministrit Rama.
Tutje ajo shprehu ofendime për Kurtin ku tha se është rrenc, mashtrues zhyll, demagog.

“Albini ma  leht ja falë Vuçiqit krimet e gjenocidin që ka ndodhë në Kosovë se sa qe ja falë Kryeministrit Rama qe e ka shkatërruar tentativën e Albinit për të ndërhyrë ne zgjedhjet e brëndshme  të Shqipërisë përmes VV !  Inatin e madh e ka thiu!”, tha Musliu.

Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, të mërkurën ka mbajtur një takim me një grua të dhunuar gjatë luftës, e të cilës iu është refuzuar statusi i viktimës së dhunës seksuale të luftës.
E pas këtij takimi, kryetarja e këtij Komisioni, Duda Balje, tha se biseda me të ishte tejet emocional për shkak të përjetimeve të saj. Balje shpërfaqi edhe ankesat që i ka ndaj Komisionit Qeveritar, për të cilën tha se kanë shumë probleme.
Ajo tha se refuzimet që po u ndodhin këtyre rasteve, janë të papranueshme.
“Takimi ka qenë shumë emocional, kemi pas një grua e cila ka përjetuar dhunë seksuale në kohë lufte dhe e cila ka marrë dy herë refuzim prej Komisionit për Vlerësim të Statusit të Viktimave, ka qenë vërtetë shumë emocionale dhe kemi dëgjuar dhimbje të gruas dhe nuk është e vetme veç ajo. Edhe ne kemi shumë probleme me këtë Komision, të gjithë kanë ankesa ndaj tyre, për mënyrën sesi ata i trajtojnë ato kur janë para anëtarëve. Ne jemi gati të vazhdojë punën edhe për dy vite sepse tash jemi në pritje të votimit të dytë brenda seancës por duhet me bisedu me ta dhe për mënyrën sesi ata janë duke i trajtuar këtë rast”, tha Balje, teksa tregoi edhe për faktet që i ka prezantuar gruaja e dhunuar.
Balje tha se javët në vazhdim do t’i ftojnë në takim këtë komision për të biseduar rreth refuzimeve që po u bëhen atyre.
“Kur je para komisionit ata po duan t’i prezantojnë faktet. Këtë rast gruaja ka edhe shenja trupore, me të cilat ne mundemi me i pa edhe pas 24 viteve dhe pa marrë parasysh ata prapë e kanë refuzuar. Unë mendoj se është maltretim, ato njëherë kanë përjetuar dhunë në luftë dhe tash po përjetojnë dhunë nga komisioni. Ne si Komision Parlamentar e kemi marrë obligim me thirr Komisionin për Vlerësim të Statusit të Viktimave javët e ardhshme dhe do të bisedojmë me ta se për çfarë provash kërkohen”.

Kryeministri i Republikës së Kosovës, Albin Kurti, në një konferencë për media ka komentuar edhe vizitën e nesërme të kryeministrit shqiptar Edi Rama.
Ai tha se me homologun e tij është takuar mjaft shpesh, ndërsa nuk planifikon të takohet me të para se të mbahet Mbledhja e Qeverive Kosovë-Shqipëri, mbledhje kjo e anuluar ditë më parë.
Kurti thotë se është në kontakt të drejtpërdrejt me Ramën, të cilit miqësisht thotë se i ka kërkuar të mbajë mbledhjen mes dy qeverive.
“Unë i kam propozuar kryeministrit Rama që, meqë po vjen këtë javë, ta mbajmë edhe një mbledhje të përbashkët të të dy qeverive tona, t’i nënshkruajmë ato marrëveshje të dakorduara që janë në sirtar dhe në këtë mënyrë t’i operacionalizojmë, t’i funksionalizojmë dhe t’i zbatojmë sa më parë ato” tha Kurti.
Ai foli edhe për Procesin e Berlinit, për të cilin Rama edhe do të nisë turin ballkanik, por që ky takim do të mbahet në tetor e jo së shpejti.
Kurti thotë se është mirë të bëhen përgatitje të hershme, por që “të mos vonohet edhe më tutje me një anulim të paarsyeshëm të Mbledhjes së dy Qeverive”.
“Nëse kryeministri i Republikës së Shqipërisë, Edi Rama, insiston në anulimin e Mbledhjes së dy Qeverive, atëherë unë ngelem të qëndrimi që i kam thënë se për takimet e ne të dyve, ne kemi kontakt të drejtpërdrejt, takohemi shumë shpesh, nuk lëngon raporti Kosovë-Shqipëri, por edhe demokracia dhe paqja në Ballkan për shkak se nuk takohen kryeministri i Kosovës dhe Shqipërisë” tha Kurti.

Një tragjedi ka ndodhur në qytetin grek të Selanikut, ku sipas mediave të vendit fqinj kanë humbur jetën dy vëllezër të moshës 38 dhe 32 vjeç.
Dy djemtë janë rritur së bashku dhe kanë pasur një lidhje shumë të fortë me njëri tjetri..Humbja e nënës së tyre në një moshë të re, bëri që ata të lidhen shumë me njëri tjetrin dhe madje të ndahen nga jeta në të njëjtën ditë.
Thodoris nga Thermi, mbeti i plagosur rëndë pas një aksidenti automobilistik dhe qëndroi prej disa ditësh i shtruar në spital në terapi intensive.
Shëndeti i tij u përkeqësua ditën e djeshme dhe ai ndërroi jetë nga një emboli pulmonare në orën 14:15. Vëllai i tij 32-vjeçar, duke mësuar se i vëllai i madh nuk mund t’i mbijetonte plagëve ndërroi jetë disa orë më vonë pasi mori vesh lajmin e trishtë.
38-vjeçari ndërroi jetë nga infarkti i miokardit. Si një skenar tragjik i mitologjisë të dy vëllezërit që ndanin çdo moment me njëri tjetrin, ndërruan jetë në po të njëjtën ditë.
“Ishin shumë të dashur, shumë, nuk kam fjalë. Djali i vogël ishte një fëmijë që kujdesej edhe për vëllanë edhe për të atin”, thotë daja i dy burrave
Ai shtoi: “Ai goditi anën e djathtë, këmbën e djathtë. E mbajtën 10 ditë në ‘Gennimatas’, u operua, i vunë hekurat dhe në datën 8 të muajit e çuan në ‘Armonia’ ”, thotë daja i familjes.
Disa ditë pas aksidentit ra telefoni i vëllait të vogël dhe mjeku nga qendra e rehabilitimit i kërkoi atij që të takoheshin nga afër, pasi vëllai i tij kishte shenja përkeqësimi.
Dhe aty fillon tragjedia familjare. Në certifikatën e vdekjes së 38-vjeçarit Thodori shkruan se shkaku i vdekjes ka qenë embolia pulmonare dhe ora e vdekjes është 14:15.
Vëllai i tij 32-vjeçar, me të dëgjuar vdekjen, nuk e duroi dot dhe gjashtë orë më vonë, pikërisht në orën 20:12, u largua nga jeta nga infarkti i miokardit”

Kryeministri Albin Kurti u ka uruar mirëseardhje mërgimtarëve, ndërsa i njoftoi ata për punimet e nisura në rrugën Prishtinë-Podujevë.
“Kjo në të të vërtetë është rruga e mërgatës”, tha Kurti, duke shtuar se kur të kalojnë andej, mërgimtarët do të shohin se “edhe këtu mund të bëhet mirë”, raporton Gazeta Express.
“Shumë shpejt kur të kaloni nga Merdarja në Prishtinë e nëpër shtëpitë tuaja gjithandej vendit, rruga do të jetë vetëm njëra prej gjërave që do e shihni se si edhe këtu mund të bëhet mirë e drejt njësoj sikurse edhe në vendet ku ju jetoni e veproni”, tha Kurti.
Shefi i Qeverisë tha se Ministria e Punëve të Jashtme ka hartuar një listë të aktiviteteve për mërgimtarët, që përfshijnë aktivitete në sport, kulturë, kampe verore, etj.

Një deklaratë e Kryetares së Komisionit për Politikë të Jashtme në Parlamentin britanik, Alicia Kearns bëri bujë dhe vuri KFOR-in e Kishën Ortodokse serbe në lëvizje.
KFOR ka thënë se janë duke verifikuar faktet dhe se do të japin një përgjigje sa më shpejt që të jetë e mundur, lidhur me deklaratën e cila ka thënë se ka armë që po kontrabandohen nga Serbia në Kosovë, përmes autoambulancave dhe po shkarkohen në kishat ortodokse.
“Ne jemi duke verifikuar faktet dhe do të japim një përgjigje gjithëpërfshirëse sa më shpejt të jetë e mundur”- kanë thënë shkurt nga KFOR-i për Kallxo.
Kerns tha se KFOR-i britanik është në dijeni për këtë.
“Qeveria është e vetëdijshme, me Fusilierët që sapo janë kthyer nga shërbimi në KFOR, se ka armë që kontrabandohen përtej kufirit nga Serbia në kishat ortodokse me ambulanca. Kur trupat tona janë vënë në dijeni për këtë dhe janë përpjekur të marrin leje për të shkuar dhe për t’i marrë ato, procesi i lejes zgjati shumë. Në momentin kur kishte leje– ndodhi e papritura– një ambulancë veçse kishte shkuar në kishë dhe i kishte nxjerrë jashtë përsëri të gjitha armët”- ka deklaruar Kearns.
Deputetja britanike këto deklarata i kishte thënë dje gjatë një diskutimi në kuadër të “Javës së Përkujtimit të Srebrenicës”
Dioqeza Rashkë-Prizren (KOS) thotë se e ka pranuar me shqetësim të thellë deklaratën e deputetes britanike, Alicia Kerns, të bërë në Parlamentin Britanik
“…Qeveria është e vetëdijshme, me Fusilierët që sapo janë kthyer nga shërbimi në KFOR, se ka armë që kontrabandohen përmes kufirit nga Serbia në kishat ortodokse me ambulanca. Kur trupat tona bëhen të vetëdijshme për këtë dhe përpiqen të marrin leje për të shkuar dhe për t’i marrë ato, lejet zgjasin shumë. Deri në momentin që ka leje – çuditërisht – një ambulancë është paraqitur në kishë dhe ka nxjerrë përsëri të gjitha armët”.
Sipas Dioqezës Rashkë-Prizren, kjo deklaratë e deputetes britanike “paraqet një akuzë tejet të rrezikshme që kriminalizon Kishën Ortodokse Serbe dhe tashmë po shfrytëzohet nga disa media kosovare me qëllim të nxitjes së urrejtjes fetare dhe etnike”.
“Këto akuza përbëjnë gjithashtu një kërcënim të drejtpërdrejtë për klerin, manastiret dhe vendet fetare”, thuhet në këtë reagim.
Dioqeza Rashkë-Prizren (KOS) thotë më tej se “ka kundërshtuar qartë çdo formë të dhunës përmes veprimeve dhe deklaratave të saj gjatë tridhjetë viteve të fundit, si para dhe pas” luftës në Kosovë.
Dhuna, thuhet më tej në deklaratë, “është në kundërshtim me parimet themelore të Ungjillit dhe me misionin e Kishës. Prandaj, dëshirojmë ta trajtojmë këtë çështje me seriozitet dhe përgjegjësi të plotë”.
Tutje, thuhet se akuzat e deputetes Kearns duhet të verifikohen urgjentisht.
“Prandaj, ne kërkojmë publikisht, përmes kësaj deklarate, që misioni i KFOR-it, në të cilin ishte vendosur njësia e lartpërmendur britanike (Royal Fusiliers), t’i bëjë të ditur publikut nëse mund të konfirmojnë pretendimet e deputetit të MB-së. Është e pamundur që ushtarët e Mbretërisë së Bashkuar në KFOR ta kenë këtë informacion dhe të mos ua komunikojnë eprorëve të tyre në komandën e KFOR-it. Nëse këto pretendime rezultojnë të vërteta, çdo zyrtar(ët) i kishës që zbulohet se është i përfshirë në keqpërdorimin e supozuar të ambienteve të KOS-it dhe shërbimit kishtar për transportin ose ruajtjen e armëve do të përballet me dënimet më të rënda të kishës dhe nuk do të jetë në gjendje të vazhdojë shërbimin e tyre publik. Mirëpo, nëse KFOR-i nuk mund të konfirmojë vërtetësinë e këtyre pretendimeve, Dioqeza Rashkë-Prizren do të kërkojë një falje publike nga deputetja e lartpërmendur përmes ambasadës britanike në Prishtinë, për shkak të pretendimeve të saj nxitëse dhe të pasakta që kanë pasoja të rënda”, thuhet në deklaratën e Dioqezës Rashkë-Prizren.
Në videon e siguruar nga The Geopost shihet qartë një autoambulancë duke iu afruar , Civilna Zastites dhe duke iu treguar se ku jane armët.
Ndryshe, tensionet në veri të Kosovës nisën më 26 maj 2023, kur kryetarët e rinj të Zveçanit, Leposaviqit dhe Zubin Potokut, hynë në ndërtesat komunale me asistimin e Policisë.
Për të kundërshtuar këtë, qytetarë të komunitetit serb kanë mbajtur protesta. Më 29 maj, nga përplasja e protestuesve me pjesëtarët e KFOR-it kanë mbetur të lënduar dhe plagosur 30 pjesëtarë të KFOR-it.Po ashtu, protestuesit kanë sulmuar edhe policët, gazetarët dhe qytetarë.

Kryetari i Komunës së Pejës, Gazmend Muhaxheri, ka folur rreth ndërtimeve pa leje në këtë komunë.
Në intervistën për emisionin “Kallxo Përnime”, ai ka thënë se shumica e këtyre ndërtimeve janë

Ai ka folur edhe për shtëpinë në të cilën humbën jetën 2 persona para një jave si pasojë e vërshimeve, duke thënë se shtëpinë kjo familje e ka ndërtuar shumë afër kanalit dhe sipas tij ajo është pjesë që nuk mund të shihet.
“Atë shtëpi e ka ndërtuar pasi që ne e kemi ndërtuar kanalin. Dhe ajo pjesë nuk shihet kurrsesi, duhet me hy në shtëpi tij për me pa çka ka ndodhur. Nuk mundesh me i pa ato shtëpi. Inspektori s’mund të hyjë shtëpi për shtëpi me pa çka ka ndodh” – tha kryetari i Komunës së Pejës.
Lagjja “Asllan Qeshme” vazhdon të përballet me pasojat infrastrukturore të vërshimeve të 24 qershorit.
“Ne kemi vendosur që kjo lagje të ketë një kanalizim modern sepse të gjitha ujërat e zeza janë derdhur në kanalin e ujërave atmosferike, as uji këtu nuk është në rregull, qytetarët kanë kërkuar, është zgjatur që 2 vjet për shkak të procedurave të prokurimit” – ka thënë ai.
Si pasojë e vërshimeve në Pejë, nënë e bir humbën jetën përderisa mbetën të lënduar edhe disa persona të tjerë.
Shumë shtëpi kanë mbetur të pabanuara ndërsa edhe infrastruktura rrugore është dëmtuar.

Juristi Kreshnik Spahiu tha në një intervistë për Euronews Albania se Bill Klinton nuk e shet Kosovën për para. Për të disatën herë, ai insistoi se shteti i Kosovës është si një fëmijë për ish-presidentin e Shteteve të Bashkuara të Amerikës.
“Një gjë është e qartë, Bill Klinton nuk kishte ardhur për t’i bërë reklamë Edi Ramës sepse në fjalimin e tij nuk i bëri asnjë kompliment nga ato të zakonshmit që kemi parë që t’ia bëjë Scholz, Macron, gjithë kryeministrat apo presidentët e Europës. Bill Klinton ishte shumë i kujdesshëm. Kishte një objektiv tjetër në vizitën e tij, një mesazh për zgjidhjen e krizës në Kosovë
“Klinton nuk shitet dhe blihet me para sepse i bie të pështyjë në veprën dhe krijesën e vet. Kosova është bebi i Bill Klintonit, është fëmijë, e ka krijuar, jo si komb se për ne juristët ka shumë dallim, të jesh popull, të jesh komb dhe të jesh shtet,” – u shpreh Spahiu.

“Personalsiht kam folur me disa deputetë të Vetëvendosjes dhe realisht janë çuditë edhe vet me sjelljen e Albinit dhe me mos-koordinimin me bashkësinë ndërkombëtare. Nuk dua të përmedni emrat, janë mbi dhjetë deputetë që ndoshta e presin vetëm ditën të largohen Vetëvendosja”.
Kështu ka thënë Mërgim Lushtaku nga PDK në “Debat Plus”.
Sipas tij, të njëjtit deputetë që e kanë bindur elektoratin e vet për të mbështetur partinë në pushtet, tani i kanë rënë pishman.
“Sepse e kanë pa që ai (Kryeministri Kurti) nuk përfaqëson atë që ka deklaruar para tyre si përfaqësues i qytetarëve”, ka shtuar ai.