Një punëtor 44-vjeçar ka ndërruar jetë ditën e djeshme në Itali për shkak të vapës teksa po punonte në sinjalistikën rrugore të një terreni ekologjik në Lodi.

44-vjeçari ishte duke lyer me bojë sinjalistikat e rrugës kur u rrëzua në tokë. Temperatura 40 gradë bëri që ai të rrëzohej në asfalt dhe të pësonte atak në zemër. Punëtori u transportua me urgjencë në spital, por ai ndërroi jetë edhe pse tentativat për ta ringjallur vazhduan për një kohë të gjatë.

Mjekët thanë se shkaku i vdekjes, një atak në zemër, lidhej me valën e nxehtësisë afrikane që ka prekur Italinë prej disa ditësh.

Sekretari kombëtar i së majtës italiane, Nicola Fratoianni tha se duhet të merren masa të menjëhershme që raste të tilla mos të përsëriten për shkak të vapës

Nuk mund të vdesësh në punë, nuk mund të vdesësh nga nxehtësia e madhe. Në këto ditë po përballemi me një valë të nxehti anormale dhe nivele të padurueshme. Ndoshta është rasti që në orët më të nxehta merren të gjitha masat e dobishme për të shmangur tragjedi si ajo që ndodhi në Lodi.

Është publikuar pjesa e tretë të audio-incizimeve të Mimoza Kusari-Lilës, shefe e grupit parlamentar të VV-së dhe Slavko Simiq, ish-deputet i Listës Serbe.

Në të Kusari e akuzon Ramush Haradinajn, kryetar i AAK-së, për fryerje të listave të veteranëve të UÇK-së dhe e ofendon rëndë Uran Ismailin e PDK-së, duke e quajtur idiot patetik.

Përveç këtyre qëndrimeve ofenduese, Kusari-Lila ka bërë edhe një deklaratë skandaloze.

Ajo e uli veprën e Enver Zymberit, heroit të Kosovës, që ishte shpallur nga presidentja Atifete Jahjaga, i cili ra në krye të detyrës gjatë aksionit në veri në korrik të vitit 2011, që kishte për qëllim vënien nën komandë të pikave doganore 1 dhe 31.

Kusari e cilësoi rënien heroike të Zymberit si “atë policin Enver Zymberi që e kanë vrarë”

“Aq ma bën për Uran Ismailin. Ai është… Ka vdekur ai lajm. Ai është idiot patetik, të them. Urani ka qenë shok i imi. Me Uranin kemi qenë në Qeveri, kur unë kam qenë Ministre. Me Uranin kemi pasur shoqëri të mirë. Urani ka qenë një nga djemt urbanë që kanë shkuar në PDK”.

“Kemi pasur marrëdhënien më të mirë. Urani, dy herë, jo një herë, dy herë, publikisht, më ka sulmuar në mënyrën më të ultë. As të tjerët nuk kanë bërë çfarë ka bërë ai. Herën e parë e ka bërë, e di atë policin Enver Zymberi që e kanë vrarë, po flisnim për gjendjen në energji në Komision, ai ende ishte deputet atëherë, dhe ai ka thënë pse ende po presim atë gjendjen tjetër dhe implementimin e marrëveshjen për energjinë. Dërgojeni policinë dhe le të rregullohet. E di atë që keni thënë ju që të mos bëhet në veri”, deklaron Kusari-Lila.

E krejt diçka tjetër kishte deklaruar Kusari-Lila në vitin 2011, kohë kur ajo ishte pjesë e Qeverisë së Dytë të Hashim Thaçit, ish-kryeministër i Kosovës.

Komisioni Qeveritar për Persona të Zhdukur ka njoftuar se të mërkurën, 12 korrik, janë hasur mbetje mortore të së paku tre personave që sipas ekspertëve mjekoligjorë mund t’i përkasin luftës së fundit në Kosovë.

Krahas gërmimeve në lokacione të ndryshme si në Prishtinë, Podujevë dhe Kamenicë, ekipet e IML-së dhe Policisë së Kosovës, kanë vazhduar gërmimet në lokacionin e quajtur “Vidimiriq”, në veri të Kosovës.

“Pas ekzaminimit më të hollësishëm, dhe pas konfirmimit të ADN-së, do t’iu njoftojmë me saktësi për rezultatet e këtyre gjetjeve”

Ndërsa, ministrja e Drejtësisë, Albulena Haxhiu, ka thënë se pas pranimit të rezultateve të ADN-së, trupat do t’iu dorëzohen familjarëve.

“Ekspert nga IML, përfaqësues nga KQPZH të shoqëruar nga policia, EULEX dhe ICRC, kanë arritur të bëjnë zhvarrimin e tre trupave në Vidimiriq të Mitrovicës së Veriut, persona të zhdukur nga lufta e fundit ne Kosovë”, ka shkruar Haxhiu në Facebook.

Janë publikuar tashmë edhe incizimet e reja mes Mimoza Kusarit dhe Sllavko Simiqit nga gazetari Berat Buzhala. Në këto incizime të reja, shefja e deputetëve të VV-së heshtet më pak se sa në pjesët paraprake duke provuar ta bindë deputetin e atëhershëm të Listës Serbe për konstruktivitetin e saj derisa fyen kolegët e tij shqiptarë.

Kusari i flet Sllavko Simiqit në veten e parë, dhe i shpreh në këto incizime keqardhjen e saj që duhet të takohen në mënyrë të fshehtë.

“Dëgjo Sllavko, më vjen vërtet keq për gjithçka që po ndodh. Unë, nga të gjithë njerëzit këtu, do të dëshiroja që së pari Kuvendi të funksionojë si duhet. Ti e di që unë nuk kam qenë me Vetëvendosjen kur kanë bërë atë çfarë kanë bërë…” – dëgjohet duke i thënë Kusari politikanit Simiq qysh në nisje të incizimeve të sotme.

Kujtojmë që Kusari kishte qenë mjaft kritike ndaj mënyrës se si protestonte Vetëvendosje në vitet 2015 dhe 2016, e ku përfshihej edhe gazi lotsjellës në seancat e Kuvendit gjë që e pamundësonte funksionalizimin e tij.

Deputetja nga Gjakova më pas provon ta bindë Simiqin se ajo nuk ka dhe nuk ka pasur “agjendë destruktive.”

Më pas, znj. Kusari provon të shfajësohet për disa deklarata që i ka bërë në lidhje me Listën Serbe sa i përket çështjes së veteranëve të luftës. Në atë kohë veteranët po protestonin kundër vendimit të qeverisë për të mos i përfshirë në ligjin për pagë minimale. Kusari flet për veteranët me z. Simiq, përkundër deklaratave në të cilat pretendon se nuk flet për veteranët me z. Simiq.

Mimoza Kusari më pas e akuzon te Sllavko Simiqi ish-kryeministrin Haradinaj dhe “këta të PDK-së” për fryrjen e listave të veteranëve të luftës. Në një moment, derisa po flisnin për TRUST-in pensional, ajo i drejtohet Simiqit me fjalët: “…a e din bre ti kush është Bekim Haxhiu?” në mënyrë pezhorative.

Ajo fjalë të këqija para Simiqit flet edhe për Uran Ismailin, të cilin e quan “idiot patetik” megjithëse e pranon se me të kishte pasur dikur shoqëri.

“Aq ma bën për Uran Ismailin. Ai është… Ka vdekur ai lajm. Ai është idiot patetik, të them. Urani ka qenë shok i imi. Me Uranin kemi qenë në Qeveri, kur unë kam qenë Ministre. Me Uranin kemi pasur shoqëri të mirë. Urani ka qenë një nga djemt urbanë që kanë shkuar në PDK.” – dëgjohet derisa i thotë shefja e grupit parlamentar të VV-së.

Kujtojmë se në incizimet e publikuara dje dhe pardje evidentohej pranimi që Mimoza Kusari e bënte se kishte folur me Millan Radojiçiqin, të dyshuarin për krime të ndryshme në Kosovë.

Janë bërë më shumë se një vit nga votimi në lexim të parë i projektligjit për pagën minimale. Në ditët kur pritej vendimi në lexim të dytë, ka ndodhur e papritura.

Burime të Indeksonline bëjnë të ditur se projektligji për pagën minimale do të tërhiqet në tërësi.

Me projektligjin që kaloi gjysëm e punës në Kuvend, paga minimale në Kosovë do të bëhej 264 euro bruto, apo 250 euro neto.

Burime të Indeksonline bëjnë të ditur se Qeveria e Kosovës e ka në plan që në diskutimin e ri paga minimale të jetë më e madhe se 300 euro.

Në seancën parlamentare që do të mbahet nesër, shqyrtimi i pagës minimale do të jetë temë diskutimi në pikën e 15 të diskutimit.

Por, Qeveria e Kosovës nesër pritet ta tërheqë këtë pikë për ta plotësuar në diskutimet e ardhshme.

“Shqyrtimi i dytë i Projektligjit nr.08/L-142 për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale, procedurat e caktimit të pagës minimale dhe shkallët tatimore në të ardhurat personale vjetore” është njoftimi i Kuvendit për pikën e nesërme që me shumë gjasë do të tërhiqet në seancën e nesërme.

Prokuroria Speciale e Republikës së Kosovës (PSRK), ka ngritur sot aktakuzë në Gjykatën Themelore në Prishtinë – Departamentin Special, kundër të pandehurit me inicialet S.T, i nacionalitetit serb.

Burime të Indeksonline thonë se bëhet fjalë për Sllagjan Trajkoviq, ish-pjesëtari i Policisë së Kosovës.

Më poshtë njoftimi i plotë i Prokurorisë Speciale:

Prokuroria Speciale njofton se aktakuza kundër të pandehurit të lartcekur është ngritur për shkak të dyshimit se gjatë kohës së luftës në Kosovë, në periudhën kohore 1998-1999, në fshatin Reznik, komuna e Vushtrrisë dhe në fshatrat përreth të rajonit të Vushtrrisë, individualisht dhe në bashkëkryerje me persona të tjerë, duke shkelur rëndë rregullat e të Drejtës Ndërkombëtare si pjesëmarrës i forcave policore dhe ushtarake serbe ka kontribuar në vrasje, bastisje, rrahje, maltretimit, arrestimit, torturë, trajtim në mënyrë mizore dhe çnjerëzore, mbajtja në kushte skllavërie, dëbimin dhe depërtimin të mijëra civileve shqiptarë si dhe masat e plaçkitjes, djegies dhe shkatërrimit të shtëpive të popullsisë civile të nacionalitetit shqiptarë që nuk kanë marrë pjesë drejtpërdrejtë në konflikt me ç’rast ka shkelur rëndë rregullat e të drejtës ndërkombëtare gjatë kohës së luftës, konkretisht nenin 3 paragrafin 1 shkronja a, b, c, të përbashkët me katër konventa (1a dhe b) të përbashkët për katër Konventat e Gjenevës të datës 12 Gusht të vitit 1949 dhe Protokollet shtesë (protokollin I).

Me këto veprime i pandehuri S.T. në bashkëkryerje me pjesëtarë të tjerë të panjohur të njësisë së përmendur të policisë serbe dhe persona tjerë të armatosur dhe të uniformuar ka kryer veprën penale ‘’Krimet e luftës kundër popullatës civile’’, e paraparë dhe e dënueshme sipas nenit 142 dhe 22 të Ligjit Penal të ish Republikës Socialiste Federative të Jugosllavisë aktualisht i inkriminuar si krime kundër njerëzimit nga nenin 143 paragrafi 1 nënparagrafi 1.4, 1.6 dhe 1.7 lidhur me nenin 31 të Kodit Penal të Republikës së Kosovës.

Kryetari i NISMA-s, Fatmir Limaj duke folur për zhvillimet e fundit politike në vend në një intervistë për Gazeta Blic, ka komentuar edhe rolin e presidentes së vendit Vjosa Osmani.

Sipas tij, roli i Osmanit në këtë krejt situatën e dy tre muajve të fundit, është i pamjaftueshëm në raport me përgjegjësitë kushtetuese e ligjore që ka e para e vendit.

Limaj, ka thënë se nuk e ka parë në asnjë moment ndonjë adresim të presidentes ndaj popullit për situatën në veri, sanksionet nga SHBA dhe BE dhe çështja të tjera.

Kukull për gjynah e patericë e Qeverisë, e ka quajtur Limaj presidenten e vendit.

Limaj, ka thënë se qasja e Vjosa Osmanit dhe kryetarit të Kuvendit të Kosovës Glauk Konjufca është më e ‘rrezikshme’ se vet ajo e kryeministrit të Kosovës Albin Kurti.

“Si një kukull për gjynah si, një patericë e kësaj qeveria si një. Unë e di që një pjesë e madhe kështu do t`i largohen Albin Kurtit kur ta shohin që po fundoset do të bëjnë përpjekje që të mbahen, të grithen kështu e shoh Osmanin, por jo në shërbim të vendit. Rolin e presidentes, kryeministrit, kryetarit të kuvendit e sheh në raport me vendin, qëndrimin e tyre në raport më të vërteten ndaj vendit, jo me të huaj”, thotë ai.

Sipas tij, cili është raporti i vërtet me vendin dhe sa është sinqertë ky raport, ata nuk kanë raport me vendin.

“S`kanë sinqeritet në raport me vendin e tyre, ata çka po tentojnë është lënia e një përshtypje që kinse ka do njerëz pak më të kuptueshëm, ama mesazhi është për të çuar në disa zyre diplomatike, por jo ndaj vendit të tyre. Kur i është drejtuar kombit presidentja për gjendjen e krijuar, jo vetëm në Kuvend se ajo është protokollare, është formalitet. A e dini sa zhvillimet kanë qenë në Kosovë që presidentja është dashur ta ketë qëndrimin e saj dhe t`i drejtohet kombit para mediave, kur ju ka drejtuar asnjëherë, që i bie se këta njerëz nuk kanë raport me shtetin, këqyrni këto raporte, disa prej tyre që për mua janë me të këqija se të kryeministrit, të paktën kryeministri është ky që është, këtu ka hipokrizi më shumë. Drejtuesi i vendit shihet dhe vlerësohet raporti i tij me të vërtetën këtë rast të shtetit, këta nuk kanë asnjë raport me shtetin e tyre , këta nuk lodhen për shtetin e tyre, nuk kanë kurrfarë raporti me shtetit, tentojnë ta çojnë ndonjë mesazh “nuk jam krejt si Albini” kështu që unë i shoh të dytë kukulla mjerana”.

Ministrja e Drejtësisë, Albulena Haxhiu, ka folur për publikimin e audioincizimeve të bisedës së shefes së Grupit Parlamentar të Lëvizjes Vetëvendosje, Mimoza Kusari Lila dhe nënkryetarit të Listës Serbe, Sllavko Simiq, raporton Gazeta Sinjali.

Në një konferencë për media, Haxhiu ka thënë se audioincizimet janë të montuara dhe të paligjshme.

 “Zonja Kusari-Lila e ka sqaruar edhe mbrëmë në tërësi tendencën për të shpërfaqur të deformuar një komunikim që ishte i prerë, i montuar dhe i redaktuar sipas tendencave të tyre. Ju duhet ta kuptoni që Lista Serbe është një parti politike që përfaqëson komunitetin serb në Kuvendin e Kosovës, por fatkeqësisht jo në mënyrën më të keqe”, tha ajo.

Ministrja e Drejtësisë tutje ka thënë se Lista Serbe në vend që të përfaqësojë qytetarët serbë që jetojnë në Kosovë, ajo po i bindet presidentit serb, Aleksandar Vuçiq dhe po merret me shantazhe e kërcënime.

Në vend që të përfaqësojë qytetarët serbë që jetojnë në Kosovë, Lista Serbe e cila është formuar nga partitë opozitare me marrëveshjen e vitit 2013, i bindet Vuçiqit dhe merret me shantazhe e kërcënime. Ato që janë publikuar kanë një arsye – efekti i tyre ka qenë zero. Lista Serbe nuk ka mundur ta shantazhojë e as t’i bëjë presion Mimoza Kusari-Lilës sepse po të shkonin përpara kërkesat e tyre, ato s’do të publikoheshin”, ka deklaruar Haxhiu.

Policia mbrëmë në ora 19:30 minuta në vendkalimin kufitar “Bllacë e Poshtme” kanë privuar nga liria SH.K. (38) nga Kosova.

Sip kumtoi MPB-ja, gjatë kontrollit të automjetit “Mercedes” me targa nacionale kosovare, të cilin ai po e drejtonte, është konstatuar se automjeti është i vjedhur dhe se për të ekziston kërkim ndërkombëtar nga Interpoli i Holandës.

Automjeti është sekuestruar, kurse SH.K. është në mbajtje në stacion policor.

Pas dokumentimit të plotë të rastit kundër tij do të parashtrohet kallëzim adekuat.

Albert Karaxha, miku i Elvis Halilaj, 55-vjeçarit që u mbyt së bashku me dy djemtë e tij të mitur në plazhin Vilë Bashtovës, ishte këtë të mërkurë në emisionin e Good Mornings Albanians ku apeloi  për mbledhjen e fondeve për të ndihmuar familjen e të ndjerit e cila është në kushte të vështira ekonomike.

Karaxha publikoi dhe foton e fundit të 50-vjeçarit të shkrepur prej tij. Ai tha se Halilaj ishte një personazh shumë i dashur në komunitet, pozitiv dhe që kurrë nuk ankohej për situatën e vështirë ekonomike.

“E kisha shumë mik, zoti e mëshiroftë edhe fëmijët e tij. Jetonim në lagje dhe rinim shpesh. Kjo është fotoja e fundit që i kam bërë. Ne shkrepnim foto duke bërë shaka, se ai ishte njeri që nuk i donte fotot.

Nuk është gjetur asnjë foto për të ndaj dhe publikuam dhe këtë foto. Ne kemi themeluar një fondacion që po i shërben, mikut tim, familjes së tij, pasi tani ai nuk është më.

Ne nuk e dinim gjendjen e tij pasi ai kurrë nuk u ankua.

Unë u njoftova nga efektivët e policisë, kur ndodhi tragjedia, pasi kishte makinën e bashkëshortes time. Ne ia kishim dhënë që ta paguante me këste, për ta ndihmuar. Kemi filluar një bashkëpunim me postën tonë, më pas mori motorin dhe ngriti klientelën e vetë dhe klientët kishin shumë dashuri për të”, tha Karaxha.

Albert Karaxha themeluesi i fondacionit “Për njerëzit në nevojë”, tha gjithashtu se kanë hapur një llogari në GOFUNDME, që shqiptarët që kanë mundësi të kontribuojnë për mbledhjen e të ardhurave për familjen e të ndjerit.

VIDEO