Të martën ka vazhduar seanca gjyqësore ndaj Dardan Krivaqës dhe Arber Sejdiut që akuzohen për dhunimin dhe vrasjen e Marigona Osmanit.

Ky shqyrtim gjyqësor është destinuar për fjalën përfundimtare.

I pari ka folur prokurori i rastit Valdet Avdiu i cili ka bërë një përmbledhje nga seancat e kaluara, dëshmitarët dhe provat.

Pas tij fjalën përfundimtare e pati avokati i familjes Osmani, Gazmend Rexhepi, i cili ka thënë se të akuzuarit Dardan Krivaqa e Arbër Sejdiu të dënohen me burgim të përjetshëm.

Rexhepi ka thënë se deklaratat e Sejdiut nuk përputhen me provat e gjetura në vendin e ngjarjes ku u vra dhe u dhunua Marigona Osmani.

Avokati theksoi se në video-incizimet e siguruara pamjet janë të tmerrshme.

“E përkrahu fjalën përfundimtare të prokurorit, dhe mendoj se ky rast është sqaruar mjaftueshëm. Në kuptimin e provave, dëshmitarëve, raporteve të mjekësisë ligjore. Në fjalën hyrëse Krivaqa ka deklaru, se nuk jam i pafajshëm po jo bash krejt qysh po thotë prokurori. E pastaj me administrimin e provave e kemi pa se jo qysh po thotë prokurori po edhe  ma keq edhe ma e vrazhdë, edhe ma e rëndë se që po thotë prokurori. Ne video incizim ka dalë shumë ma tmerr. Nuk përputhen deklaratat e Sejdiut me provat e gjetura. Ai thoshte kemi pi kokainë, aty është gjetur [tavadoll]. Tu i pa lëndimet e viktimës sipas raporteve, aty ka qenë vrasje mizore. Besoj se janë plotësuar kushtet që të akuzuarit të shpallën fajtorë dhe të dënohen siç e parasheh ligji me dënim kapital, të përjetshëm”, tha ai.

Dhuna në familje vazhdon të mbetet një nga damkat më të mëdha të shoqërisë kosovare. Çdo ditë në Polici raportohen raste ku gratë dhunohen në forma të ndryshme nga personat të cilët i kanë zgjedhur të ndajnë jetën me ta, por edhe me anëtarët  e tjerë të familjes. Në shumë raste, viktima janë edhe nënat, të cilat përjetojnë dhunë nga fëmijët e tyre.

Një ngjarje e rëndë ka ndodhur edhe së fundmi në Vitomiricë të Pejës, ku një person dyshohet se ka ushtruar dhunë ndaj nënës së tij, raporton Gazeta Sinjali.

Burimet nga Prokuroria bëjnë me dije se i dyshuari 20-vjeçar e ka sulmuar fizikisht nënën e tj, duke i shkaktuar lëndime trupore, por edhe shqetësim e frikë të madhe.

Kjo ka bërë që viktima ta njoftojë Policinë dhe si rezultat i denoncimit, Policia është aktivizuar për kapjen e të dyshuarit.

Pas arrestimit dhe shoqërimit në stacion policor, i riu është intervistuar dhe ndaj tij, Prokurori i Shtetit ka nxjerrë aktvendim për ndalim dhe inicimin e rastit si “Dhunë në familje”.

Ambasadori i Serbisë në Shtetet e Bashkuara të Amerikës, Marko Gjuriq ka thënë se prej disa kohësh është vërejtur periudha e akullnajave në marrëdhëniet mes SHBA-së dhe Kosovës.

Sipas tij, ftohja e raporteve mes tyre nuk është rezultat i dëshirës së askujt në qeverinë amerikane, por i veprimeve të qeverisë së Albin Kurtit.

“Prej disa kohësh kemi vërejtur se periudha e akullnajave në marrëdhëniet mes Uashingtonit dhe Prishtinës vazhdon. Ky nuk është rezultat i dëshirës së askujt në qeverinë amerikane, por i veprimeve të qeverisë së Albin Kurtit. Në dy vitet e kaluara, Kurti sulmoi të gjitha vlerat, rezultatet dhe institucionet në Kosovë e Metohi, në krijimin e të cilave taksapaguesit amerikanë dhe evropianë investuan miliarda dollarë. Ka shumë muaj që nuk keni parë asnjë ministër nga Prishtina në Uashington. Kjo është e paprecedentë. Në anën tjetër, derisa jemi duke bërë këtë intervistë, Lista Serbe është pritur dhe pritur në kryeqytetin amerikan me vëmendjen dhe respektin më të madh. Ne si shtet vetëm në dy javët e fundit patëm pjesëmarrjen e kryeministres Ana Brnabiq në forumin e biznesit në Nju Jork, si dhe vizitat e rëndësishme të ministres Tanja Miščević dhe ministres Jelena Begoviq në Uashington. Një situatë e tillë faktike flet shumë për qëndrimin e SHBA-së.

I pyetur se çfarë mendon administrata amerikane për Albin Kurtin dhe deri në çfarë mase e perceptojnë ende si fëmijën e tyre, ai shtoi:

“Se çfarë mendojnë ata personalisht për Kurtin varet nga çfarë pyesni, për politikën e tij, megjithatë, pothuajse të gjithë mendojnë më të keqen. Nuk do të them se nga kush e kam dëgjuar mendimin se me Kurtin kemi më të keqen e të dy botëve – demagog dhe shovinist. Bazuar në gjithçka që kemi parë, jam dakord me këtë pikëpamje.

“SHBA-të nuk janë të vetmet në dënimin e Kurtit dhe politikës së tij ekstreme, shumë shtete perëndimore ndajnë të njëjtin qëndrim edhe pse e kanë përkrahur deri dje. Duke mos qenë i gatshëm për kompromis, me lëvizje tejet provokuese që zgjasin me muaj, duke marrë armë, e sidomos duke shkelur të drejtat elementare njerëzore të serbëve në Kosovë e Metohi, Kurti është vënë në një situatë ku i gjithë komuniteti ndërkombëtar ka ngritur një alarm i kuq për të. Problemi, megjithatë, nuk është vetëm Kurti, por ideja që ai propagandon, e cila mund të jetë vdekjeprurëse edhe kur ai është larguar prej kohësh. Më duket se shpesh e harrojmë këtë”, ka përfunduar ai.

Dhuna në familje, kushtet e jetesës, rrethanat ekonomike, e depresioni shpesh janë vlerësuar shkaktarë që kanë çuar drejt vetëvrasjes e tentimit për ta kryer këtë akt. Familjet janë ato që i përjetojnë jashtëzakonisht rëndë këto raste dhe janë me fat kur arrijnë t’i shpëtojnë familjarët, raporton Gazeta Sinjali.

Kështu ka ndodhur edhe në një familje në Prizren ku një 31-vjeçar deshi t’i jap fund jetës së tij, duke konsumuar një sasi të madhe të medikamenteve.

Për pasojë, viktimës i është përkeqësuar gjendja shëndetësore dhe është dërguar me urgjencë në spital, kështu kanë bërë të ditur burimet e Gazetës Sinjali brenda Emergjencës.

Sinjali mëson se Policia është njoftuar për rastin nga spitali dhe më pas një njësi policore ka dalë në vendin e ngjarjes për të marrë informacionet e para se si ka ndodhur ngjarja.

Me urdhër të Prokurorit të Shtetit, rasti është iniciuar ‘Vetëvrasje në tentativë’ dhe kanë nisur hetimet që zbardhin motivet dhe rrethanat e rastit.