Prej tre muajsh, Prishtina ka marrë një pamje të re dhe më dinamike falë pranisë së Wolt, platformës inovative për shpërndarjen e ushqimit dhe produkteve të tjera. Kosova është bërë vendi i 30-të në botë ku kjo kompani ka zgjeruar operacionet e saj, duke sjellë përfitime të mëdha për bizneset, punëtorët dhe ekonominë e vendit.
Përveç motorëve blu të Wolt që tashmë janë bërë pjesë e përditshmërisë në rrugët e kryeqytetit, një element tjetër i veçantë ka qenë edhe partneriteti i kësaj kompanie me Selmans Network.
Nëpërmjet këtij bashkëpunimi, Prishtina ka fituar një freski dhe shumë ngjyra të reja në mënyrën e të ushqyerit. Platformat dhe reklamat innovative të vendosura në pika kyçe të qytetit, kanë sjellë një dimension të ri të komunikimit vizual dhe marketingut të brendeve lokale dhe ndërkombëtare që operojnë përmes Wolt.
Ky inovacion nuk ka ndikuar vetëm në mënyrën se si qytetarët porosisin ushqimin, por edhe në mënyrën se si bizneset prezantohen dhe lidhen me konsumatorët. Bizneset lokale kanë gjetur një platformë të fuqishme për të zgjeruar klientelën e tyre, ndërsa ekonomia vendase ka marrë një impuls të ri me krijimin e vendeve të reja të punës për shpërndarësit dhe punonjësit e tjerë të përfshirë në këtë ekosistem.
Në një qytet që po ecën me ritme të shpejta drejt modernizimit, Wolt po kontribuon në transformimin e mënyrës së jetesës, duke e bërë Prishtinën një qytet më inovativ, më të lidhur dhe më të gjallë. Ky është vetëm fillimi i një rrugëtimi të ri për teknologjinë dhe gastronominë në Kosovë.
