Banorët e fshatit Makresh po përballen me probleme të shumta për shkak të tensionit të ulët të rrymës, gjë që po dëmton rëndë pajisjet e tyre shtëpiake. Sipas raportimeve të banorëve, tensioni aktual në këtë zonë arrin vetëm deri në 175 KW në orë, ndonëse sipas standardeve të KEK-ut, ky tension duhet të jetë në nivelin 220W.
Si pasojë e këtij tensioni jo adekuat, banorët raportojnë se shumë nga pajisjet elektrike të tyre janë dëmtuar. Një ndjekës i portalit tonë thekson se ankesat e tyre janë dërguar në KEK, por ende nuk është marrë asnjë masë konkrete për të përmirësuar situatën. Banorët kërkojnë nga institucionet përkatëse të ndërhyjnë sa më shpejt për të rregulluar këtë problem të rëndësishëm që po ndikon në përditshmërinë e tyre.
“Kjo situatë nuk është e pranueshme dhe duhet të zgjidhet sa më shpejt,” shprehet një banor i revoltuar.
