Sot është bërë një javë nga nisja e protestave të qytetarëve serb në komunat veriore të Kosovës. Java është përshkuar me incidente të ndryshme ku nuk janë kursyer as ushtarët e KFOR-it.

Burimet e Indeksonline bëjnë të ditur se së shpejti në komunat veriore pritet të stacionohen ushtarët e KFOR-it turk.

Qindra ushtarë të KFOR-it turk janë bërë gati për mbajtjen e rendit në komunat e “nxehta” ku edhe pas një jave po vazhdojnë protestat e serbëve.

Aktualisht në komunat veriore janë të vendosur trupat e KFOR-it amerikan, hungarez, polak dhe italianë.

30 ushtarë të kontigjentit hungarez kanë mbetur të lënduar të hënën që lamë pas nga sulmet e organizuara të protestuesve serbë.

VIDEO:

Profesori Sulejman Mehazi ka vlerësuar qëndrimin e kryeministrit të Kosovës, Albin Kurti përballë Vuçiqit, SHBA-së dhe BE-së.

Ai tha se Kurti është shembull i intelegjencës politike, guximit dhe dashurisë ndaj Republikës së Kosovës.

“Arma më e pamposhtur e Albin Kurtit, para fuqive të mëdha është mençuria e tij. Mbani mend, guximi politik dhe mençuria e lidhur me intelegjencën e Albin Kurtit, do përvetësojë e rrikthejë SHBA-në dhe BE-në favor të Kosovës”, u shpreh Mehazi, përcjell “Bota sot”.
Postimi i plote:
Albin Kurti me armën e mençurisë dhe guximit politik do përmbysë Vuçiqin para SHBA-së dhe BE-së

Albin Kurti është shembull i intelegjencës politike, guximit dhe dashurisë ndaj Republikës së Kosovës, shembull i botës moderne politike, mençuria e tij politike do t’i mposhtë të korruptuarit e SHBA-së dhe BE-së, burrështetasit e mençur, intelegjentë dhe të guximshëm në historinë politike kanë mundur dhe shtetet më të fuqishme në botë, Arma më e pamposhtur e Albin Kurtit, para fuqive të mëdha është mençuria e tij. Mbani mend, guximi politik dhe mençuria e lidhur me intelegjencën e Albin Kurtit, do përvetësojë e rrikthejë SHBA-në dhe BE-në favor të Kosovës

Në debatin parlamentar për situatën në veri, kanë debatuar ashpër edhe deputeti i PDK-së, Rashit Qalaj me deputetin e LVV-së, Mefail Bajqinovci.

Për këtë të fundit, deputeti Qalaj tha se kishte bërë intervenime për t’u takuar me ish-kryetarin e PDK-së, Kadri Veseli për të intervenuar për dikë të vetin.

Ani se Qalaj nuk bëri të ditur se për çfarë qëllimi ka kërkuar të takohet me Veselin.

Një gjë të tillë e ka mohuar Bajqinovci, i cili ia përmendi një rast, ku sipas tij, janë numëruar para në emër të krimeve ekonomike gjatë kohës sa ai ka qenë në krye të policisë.

Deputeti i PDK-së, Rashit Qalaj ia ka përmendur me emrin, personin për të cilin tha se Bajqinovci kishte dërguar intervevenca.

“Mos rrej, qetësohu. Ke dërguar te zotëri Kadri Veseli për ta pranuar Avniun që është në New York, pse po gënjen Mefail. Pranoje kur të gënjesh. Bëhu burrë. E di që të bërtasin, të rrahin, por më fal. Mefail të lutëm, a të kujtohet?”, e ka pyetur Qalaj Bajqinovcin.

Deputeti i Lëvizjes Vetëvendosje, Mefail Bajqinovci ka mohuar një gjë të tillë, duke thënë se nëse nuk është e vërtetë një rast i krimit ekonomik, ai do të kërkojë falje.

“Këta e kanë stil me thënë, a e mban mend kur kemi takuar, kur ke dashur të vish me Hashimin. Unë ju siguroj dhe ju garantoj që kjo është e pavërtetë. A”, ka vijuar ai.

Deputetë po vazhdojnë të diskutojn në Kuvend për situatën në veri.

VIDEO

Kryetari i Zubin-Potokut, Izmir Zeqiri, ka thënë se ende nuk ka ndonjë arsye se pse duhet të shpallen zgjedhjet e reja në katër komunat me shumicë serbe.

Zeqiri ka deklaruar se zgjedhjet e reja mund ta prodhojnë një situatë edhe më të tensionuar.

“Një herë për një herë nuk mendoj në atë drejtim, sepse e do një analizë më të zgjeruar se a ka nevojë të shkohet në zgjedhje dhe pse të shkohet në zgjedhje. Akoma nuk ka ndonjë element të arsyes se pse duhet hyrë në zgjedhje dhe pse duhet tërhequr dhe se çfarë mund të prodhojë ajo. Mund ta prodhojë një situatë edhe më të komplikuar, kështu që nuk po mendoj për këto gjëra”, tha Zeqiri për Klanin.

“Normal se do të konsultohem me partinë edhe me të gjithë votuesit do të konsultohem për të parë ndonjë arsye se pse duhet të tërhiqem. Unë nuk kam hyrë për t’u tërhequr, por t’i analizojmë rrethanat”, tha ai.

Në kohën kur Veriu i Kosovës është në krizë mes qytetarëve serb, KFOR-it dhe Policisë së Kosovës, kryetari i Leposaviqit, Lulzim Hetemi duket se nuk e ka fare mendjen tek tensionet e larta atje.

Hetemi sot duket se u mallëngjye nga modelja kosovare, Mejreme Hajdaraj e cila u zgjodh “Miss Elite World 2023” në Egjipt.

Ai nuk nguroi aspak të lë një koment për modelen në Facebook.

“Respekt për Bukuroshen”, ka komentuar Hetemi në fotografinë e modeles të publikuar nga një medium lokal.

Konfliktet mes vëllezërve në qytetet e ndryshme të vendit, shpesh herë përfundojnë me sharje e ofendime ndaj njëri-tjetrit. Ata madje shpesh herë eskalojnë në kërcënime e përleshje fizike, duke u dashur kështu intervenimi i Policisë për të zgjidhur telashet, raporton Gazeta Sinjali.

Në një sherr janë përfshirë mbrëmë pas mesnate edhe dy vëllezër në rrugën ‘Vilsoni’ në Pejë, ku njëri nga ta dyshohet se në gjendje të dehur ka sharë e ofenduar tjetrin.

Sinjali mëson se 57-vjeçari kishte shkuar i dehur te shtëpia e vëllait të tij dhe pasi ky i fundit ka tentuar që ta fus brenda që të mos dëgjojnë të tjerët, i dyshuari e ka ofenduar me fjalë ‘m*t e rrugaç’ dhe e ka sharë me fjalë banale.

Për më tepër ai dyshohet se ka tentuar edhe ta sulmojë fizikisht, gjë e cila ka bërë që 46-vjeçari të kërkojë ndihmën e Policisë.

I dyshuari është arrestuar dhe është shoqëruar në stacion policor ku pas testit të alkoolit, ka rezultuar në gjendje të dehur.

Me urdhër të prokurorit, rasti është cilësuar ‘Dhunë në familje’.

Ministri i Punëve të Brendshme, Xhelal Sveçla ka bërë sot një vizitë në veri. Ministri ka vizituar pendën e ujmanit dsi dhe urën e Bisticës. Pamjet e vizitës së tij ngjasojnë me pamjet e filmave aksion.

“Sot në Jasenovik, në pendën e Liqenit të Ujmanit, në Zubq, në Junake e në Urën e Bistricës. Me vajzat dhe djemtë e Policisë së Kosovës që nuk kursejnë asgjë në mbrojtje të sovranitetit, kushtetutshmërisë dhe ligjshmërisë në vendin tonë.
Në shoqëri normale demokratike, Republika është e veshur me sovranitet. Sovraniteti është i patjetërsueshëm” shkruan Sveçla në njoftim./Indeksonline/