Veprimi SEED+, në bashkëpunim me Zyrën e Marrëdhënieve Ndërkombëtare të Agjencisë Italiane të Doganave dhe Monopoleve (ADM) dhe Drejtorinë Rajonale të Sicilisë, organizoi një seminar për ekspertët e menaxhimit të rrezikut doganor të CEFTA-s.

Seminari u fokusua në finalizimin e Strategjisë së Menaxhimit të Rrezikut Doganor të CEFTA-s për periudhën 2025-2028, duke integruar praktikat më të mira në nivel evropian dhe ndërkombëtar. Theksi u vendos në shfrytëzimin e teknologjisë për të rritur efikasitetin dhe sigurinë në lehtësimin e tregtisë, ndërkohë që administratat doganore të CEFTA-s harmonizohen me standardet e BE-së dhe avancojnë integrimin e CEFTA-s me Bashkimin Evropian.

“Menaxhimi i rrezikut doganor luan një rol thelbësor në lehtësimin e tregtisë. Misioni ynë është të sigurojmë që, me burimet dhe mjetet në dispozicion, të mbështesim administratat doganore në rritjen e sigurisë, përmirësimin e efikasitetit dhe lehtësimin e tregtisë së ligjshme, duke minimizuar rreziqet. Së bashku, mund të vlerësojmë më mirë sfidat dhe, më e rëndësishmja, të kuptojmë se si t’i adresojmë ato. Ky është pikërisht qëllimi i Strategjisë që po zhvillojmë,” deklaroi Danijela Gacevic, Drejtoreshë në Detyrë e Sekretariatit të CEFTA-s.

“Integrimi doganor i Ballkanit Perëndimor është një element kyç për të nxitur stabilitetin dhe përparimin ekonomik,” deklaroi Drejtori i Zyrës së Marrëdhënieve Ndërkombëtare, Ministri Plenipotenciar Andrea Mazzella, duke theksuar se ADM është e përkushtuar të koordinojë këtë proces.

Si pjesë e programit, pjesëmarrësit vizituan Zyrën Doganore të Palermos, ku panë nga afër përdorimin praktik të pajisjeve skaner dhe laboratorin kimik të operuar nga ADM, duke marrë njohuri të vlefshme mbi teknikat e avancuara të kontrollit doganor dhe inspektimet e bazuara në rrezik.

Tregu i kriptovalutave po përballet sërish me një periudhë luhatshmërie, ku Bitcoin dhe asetet e tjera digjitale kanë pësuar rënie të ndjeshme të çmimeve. Ndërsa disa investitorë e shohin këtë si një sinjal alarmi, drejtori ekzekutiv i Binance, Richard Teng, thotë se bëhet fjalë për një “tërheqje taktike, jo për një rënie strukturore”.

Duke komentuar situatën aktuale në treg, Teng theksoi se sektori i kriptos ka treguar më parë aftësi të mëdha për rimëkëmbje pas goditjeve makroekonomike, shpeshherë duke dëshmuar më shumë qëndrueshmëri sesa tregjet tradicionale. “E kemi parë këtë skenar më parë,” tha ai. “Kur Rezerva Federale rriti agresivisht normat e interesit në vitin 2022, Bitcoin ra përkohësisht nën 20,000 dollarë. Por sapo situata u stabilizua, tregu u rikuperua.”

Luhatjet afatshkurtra nuk ndikojnë në perspektivën afatgjatë të kriptovalutave

Sipas Teng, faktorë si inflacioni, shitjet e mëdha dhe ciklet e adoptimit nga korporatat kanë ndikuar në çmimet e kriptovalutave, por asnjë prej tyre nuk ka minuar themelet afatgjata të industrisë. “Çdo rënie vetëm sa e vërteton edhe më shumë qëndrueshmërinë e këtij sektori, në vend se të tregojë për fundin e tij,” shtoi ai.

Pavarësisht këtyre luhatjeve afatshkurtra, Teng mbetet optimist për bazat e tregut të kriptovalutave. Ai veçoi interesin në rritje të investitorëve institucionalë, duke theksuar flukset e fuqishme të kapitalit në fondet e tregtuara në bursë (ETF) dhe përparimin e vazhdueshëm rregullator në tregje kyçe si Shtetet e Bashkuara. “Pjesëmarrja institucionale po vazhdon të rritet, një tregues i fortë i besimit në të ardhmen e aseteve digjitale,” tha ai. “ETF të reja po aplikohen rregullisht, ndërsa Binance po regjistron një numër të lartë përdoruesish të rinj. Kjo na tregon se themeli afatgjatë i këtij sektori po forcohet.”

Politikat monetare dhe ndikimi në tregun e kriptos

Një pjesë e madhe e luhatjeve të fundit lidhet me pasigurinë rreth politikës monetare të Rezervës Federale, shpjegoi Teng. “Qëndrimi i fundit i Rezervës Federale për normat e interesit ka shkaktuar volatilitet të përkohshëm. Edhe pse ulja e normave në mars duket më pak e mundshme tani, duhet të kemi parasysh se politika monetare bazohet gjithmonë në të dhëna,” theksoi ai.

Nëse inflacioni bie më tej ose tregu i punës dobësohet, ka gjasa që Rezerva Federale të ndryshojë qasje dhe të ulë normat e interesit, çka do të çlironte kapital të ri për asetet me rrezik të lartë – përfshirë kriptovalutat. “Historikisht, kur politika monetare kalon në një fazë lehtësimi, shohim një rritje të investimeve në sektorë me rritje të shpejtë si kripto,” tha Teng.

Tregu i kriptos mbetet i qëndrueshëm

Pavarësisht turbulencave aktuale, Teng është i bindur në perspektivën afatgjatë të industrisë së kriptovalutave dhe i inkurajon investitorët që të kenë një qasje më të gjerë. “Rëniet e tregut mund të jenë shqetësuese, por njëkohësisht përfaqësojnë mundësi. Investitorët me përvojë i shfrytëzojnë këto korektime për të akumuluar asete të nënvlerësuara. Investitorët me pakicë duhet të mendojnë afatgjatë në vend që të reagojnë emocionalisht ndaj luhatjeve të çmimeve,” këshilloi ai.

Ai theksoi se tregu i kriptovalutave është shndërruar në një klasë të integruar globale të aseteve, duke dëshmuar vazhdimisht aftësinë për t’u rikuperuar nga periudhat sfiduese. “Volatiliteti është pjesë e natyrës së kriptos, por gjithashtu edhe forca e saj,” përfundoi ai. “Për ata që e shohin pamjen e madhe, pasiguria e sotme mund të jetë mundësia e nesërme.”

Kripto mbetet një sektor dinamik me potencial të madh

Perspektiva e Richard Teng sjell një mesazh të qartë për investitorët: kriptovalutat vazhdojnë të jenë një sektor dinamik, ku luhatjet afatshkurtra nuk duhet të errësojnë potencialin e tij afatgjatë. Me rritjen e pranimit institucional, forcimin e rregulloreve dhe ndryshimet në politikat monetare, tregu mund të jetë pranë një faze të re të rimëkëmbjes së fuqishme.

Për Teng, kjo rënie nuk është fillimi i fundit – por një moment përshtatjeje para fazës së radhës të rritjes.

Për të tetin vit radhazi, Coca-Cola HBC është renditur si kompania më e qëndrueshme në industrinë e pijeve për vitin 2024, sipas klasifikimit Dow Jones për më të mirët në këtë kategori.

Ky klasifikim, i njohur më parë si Indeksi i Qëndrueshmërisë Dow Jones, realizohet nga korporata S&P Global, e cila ka konfirmuar pozicionin udhëheqës të Coca-Cola HBC në nivel global.

Coca-Cola HBC Group, e cila përfshin edhe Coca-Cola HBC Kosovën, është e përkushtuar ndaj praktikave të qëndrueshme të biznesit, ndër to edhe luftën kundër ndryshimeve klimatike dhe mbrojtjen e burimeve ujore. Falë këtyre përpjekjeve, kompania është renditur gjithashtu si lidere në listën CDP (Carbon Disclosure Project, e cila mat ndikimin e kompanisë në ndryshimet klimatike), duke arritur një vlerësim të dyfishtë A për Klimën dhe Ujin në vitin 2024.

CEO i Coca-Cola HBC, Zoran Bogdanovic, deklaroi:

“Ne vazhdimisht zhivllojmë modelin tone biznesor për të siguruar rritje të suksesshme dhe njëkohësisht të qëndrueshme duke ndjekur një qasje të qartë dhe strategjike ndaj qëndrueshmërisë gjë që e bën biznesin tonë më të qëndrueshëm. Çdo vit kemi përparime të mira drejt objektivave tona ambicioze dhe të matshme në qëndrueshmëri. Në vitin 2025, iniciativa Science Based Targets (SBTi) miratoi objektivin tonë NetZero by 2040, i cili për herë të parë përfshin edhe Egjiptin.

“E dimë se iniciativat e qëndrueshmërisë janë gjithnjë e më të rëndësishme për klientët dhe konsumatorët tanë. Klientët tanë na tregojnë se vlerësojnë ekspertizën tonë në qëndrueshmëri dhe se iniciativat tona të përbashkëta ndihmojnë në rritjen e biznesit të tyre, gjë që në këmbim forcon edhe biznesin tone”.

“Faleminderit kolegëve tanë, klientëve, furnitorëve dhe partnerëve që po na ndihmojnë të vazhdojmë këtë rrugëtim drejtë një të ardhme më të qëndrueshme,” deklaroi Boganovic.

Lexoni më shumë rreth rrugëtimit dhe përkushtimit tonë në qëndrueshmëri.

Klasifikimi bazohet në performancën e kompanisë në Vlerësimin e Qëndrueshmërisë Korporative (CSA).

Në Kosovë, Coca-Cola HBC mbetet e përkushtuar ndaj qëndrueshmërisë dhe përgjegjësisë korporative, duke integruar këto parime në çdo aspekt të operacioneve biznesore. Si pjesë e strategjisë sonë afatgjatë, ne synojmë të krijojmë dhe të ndajme vlerë për të gjithë partnerët tanë, duke përfshirë konsumatorët, klientët, komunitetet, punonjësit dhe aksionarët.

Angazhimi ynë për një ndikim pozitiv reflektohet në tri objektiva kryesore: promovimi i një stili jetese të shëndetshëm, reduktimi i ndotjesmjedisore dhe mbështetja e komuniteteve tona. Përmes programeve dhe angazhimeve tona në Kosovë, ne po kontribuojmë në një mjedis më të pastër, një komunitet më të fortë dhe një kulturë të përgjegjshme biznesi që sjell ndryshim të qëndrueshëm.

Pikërisht për ditën e Shën Valentinit, Wolt prezanton “Aktivizimin e Dhuratave”, duke e bërë të mundur që klientët në Kosovë të dërgojnë dhurata unike dhe të personalizuara për më të dashurit e tyre.

Qoftë një buqetë me lule, çokollata të zgjedhura apo një vakt i preferuar ushqimi nga një restorant i dashur, Wolt e bën të thjeshtë t’i surprizoni njerëzit tuaj të dashur me vetëm disa klikime.

Dita e Shën Valentinit është një moment i veçantë për të shprehur dashuri, mirënjohje dhe afërsi. Tani, përdoruesit e Wolt në Kosovë mund të dërgojnë dhurata nga një gamë e gjerë restorantesh lokale, dyqanesh ushqimore dhe dyqanesh të ndryshme duke e bërë më të lehtë se kurrë festimin me njerëzit që kanë rëndësi në jetën tuaj.

Me “Aktivizimin e Dhuratave për Ditën e Shën Valentinit”, përdoruesit mund të shtojnë një kartolinë dixhitale të dizajnuar bukur dhe një mesazh personal për t’i bërë dhuratat e tyre vërtet të veçanta. Qoftë një mesazh “ti e meriton këtë“, “një ëmbëlsirë “po mendoj për ty“, apo një darkë nostalgjike “të kujtohet kjo?”, janë vetëm disa pjesë të funksionit të ri që ofron pafundësi mënyrash për të ndarë dashurinë dhe për të krijuar momente të paharrueshme për Ditën e Shën Valentinit.

“Ky Aktivizim i Dhuratave për Ditën e Shën Valentinit është më shumë se thjesht dërgimi i dhuratave—bëhet fjalë për forcimin e lidhjeve dhe krijimin e kujtimeve të veçanta,” tha Bachir Bennani, Drejtor i Produktit për Konsumatorët në Wolt. “Me Aktivizimin e Dhuratave, po e bëjmë edhe më të lehtë për njerëzit të festojnë, të lidhen dhe të ndajnë gjeste domethënëse në një mënyrë vërtet personale.”

Si funksionon Aktivizimi i Dhuratave për Ditën e Shën Valentinit?

✅ Shkruaj adresën e marrësit: Vendosni vendndodhjen e dorëzimit për personin tuaj të dashur.

✅ Gjej dhe zgjidh një dhuratë: Shfletoni Wolt, zgjidhni dhuratën perfekte dhe klikoni “Dërgo si Dhuratë” gjatë blerjes. Pastaj, shtoni një mesazh personal dhe një kartolinë dixhitale.

✅ Gjurmo dhuratën: Konfirmoni porosinë dhe marrësi do të marrë një SMS për të ndjekur detajet e ndjekjes dhe për të parë mesazhin—pa pasur nevojë për një llogari Wolt!

Dita e Shën Valentinit në Kosovë ka qenë gjithmonë një ditë për të ndarë dashurinë dhe mirënjohjen—jo vetëm mes çifteve, por edhe midis miqve dhe familjarëve.

Të dhënat globale të Wolt për vitin 2024 pasqyrojnë këtë prirje drejt dhuratave më personale dhe më të veçanta.

Aktivizimi i Dhuratave për Ditën e Shën Valentinit nga Wolt është i përsosur për të gjitha momentet e jetës. Qoftë për një ditëlindje, një përvjetor apo thjesht një surprizë “po mendoj për ty“,

Aktivizimi i Dhuratave në Wolt shton një kujdes më shumë për çdo dhuratë të përditshme.

Për më shumë informacion rreth Aktivizimit të Dhuratave për Ditën e Shën Valentinit, vizitoni linkun: https://life.wolt.com/sq/alb/howto/gifting

Binance, lideri global në industrinë e kriptovalutave, është krenar të njoftojë takimin e parë të “Komunitetit Binance” në Bosnje dhe Hercegovinë, i cili do të mbahet me 12 shkurt 2025, në Hotel Hills në Sarajevë.

Pjesëmarrësit do të kenë mundësinë të marrin informacionet më të fundit mbi produktet dhe iniciativat e Binance, të marrin pjesë në lojëra shpërblyese emocionuese dhe të përfitojnë supriza ekskluzive. Kjo ngjarje do të lidhë ekspertët e industrisë me anëtarët e tjerë të komunitetit të kriptovalutave, duke krijuar një platformë për rrjetëzim dhe shkëmbim njohurish.

Pas Sarajevës, takimi i radhës do të mbahet në Shkup.

“Përdoruesit dhe komuniteti ynë janë në qendër të vlerave tona. Ne organizojmë rregullisht takime me komunitetin anembanë botës dhe jemi të entuziazmuar të njoftojmë se javën e ardhshme do të mbajmë takimin tonë të parë me komunitetin në Shkup. Qëndroni të informuar,” tha Sandro Slukan, Udhëheqës për Ballkanin në Binance.

💡Është FALAS, por kërkohet regjistrim përmes LINKUT

🌍 Takimi është i hapur për studentët nga Bosnja dhe Hercegovina, por gjithashtu mirëpret mysafirë nga vendet fqinje dhe më gjerë.

⚠️ Vendet janë të kufizuara – siguro vendin tënd tani!

Mos e humb këtë mundësi për të qenë pjesë e komunitetit Binance dhe për të zbuluar çfarë ofron e ardhmja e kriptovalutave!

📢 Bashkohuni me grupin tonë në Telegram për pyetje shtesë.

📩 Kontakti për media: [email protected]

Richard Teng, CEO i kompanisë lidere të kriptovalutave, Binance, komentoi mbi rënien e fundit të çmimeve të kriptovalutave nën 95,000 dollarë. Në një postim në platformën X, ai pranoi se ndryshimet e tregut janë të kuptueshme gjatë periudhave të paqëndrueshmërisë dhe shitjeve të papritura.

Ai gjithashtu theksoi se kjo nuk është hera e parë që ndodhin rënie të tilla—dhe sigurisht nuk do të jetë as e fundit.

Teng ndau me ndjekësit e tij tre këshilla kryesore për të përballuar këto situata: – Kjo do të kalojë – Teng theksoi se rëniet e tregut janë të përkohshme dhe se, ashtu si tregjet tradicionale, edhe tregu i kriptovalutave kalon nëpër cikle rritjeje dhe rënieje. Edhe pse rënia aktuale mund të duket shqetësuese, ai beson se trajektorja e përgjithshme e tregut të kriptovalutave mbetet pozitive, me rritje të pritshme.

– Shfrytëzoni periudhat më të qeta për të mësuar dhe ndërtuar – Teng këshillon që periudhat më pak të lëvizshme të përdoren për zhvillimin e produkteve, përmirësimin e aftësive teknike, eksplorimin e projekteve të reja dhe angazhimin me komunitetet. Kjo është koha e duhur për të ndërtuar një bazë të fortë për mundësitë e ardhshme.

 – Paqëndrueshmëria do të zvogëlohet me maturimin e tregut! – Teng është optimist se paqëndrueshmëria do të ulet me kalimin e kohës, duke vënë në dukje se tregjet me kapitalizim më të vogël janë më të prirura ndaj luhatjeve. Me rritjen e përdorshmërisë së aseteve dixhitale, paqëndrueshmëria do të bëhet një faktor më pak shqetësues.

Edhe pse rënia aktuale mund të shkaktojë pasiguri, perspektiva e Teng mbi tregun e kriptovalutave mbetet optimiste, duke forcuar bindjen se një qasje afatgjatë do të vazhdojë të jetë e favorshme pavarësisht luhatjeve të herëpashershme.