Krahas ligjit të ri të punëtorëve të kualifikuar, Gjermania po prezanton masa për të inkurajuar më shumë migrim për punëtorët nga Shqipëria, Bosnja dhe Hercegovina, Kosova, Republika e Maqedonisë së Veriut, Mali i Zi dhe Serbia.

Parlamenti gjerman ra gjithashtu dakord të zgjerojë të ashtuquajturën “Rregullorja e Ballkanit Perëndimor”, për ta bërë më të lehtë për më shumë punëtorë nga vende të caktuara jashtë BE-së të vijnë në Gjermani, shkruan The Local.

Çfarë është rregullorja e Ballkanit Perëndimor?

Rregullorja e Ballkanit Perëndimor u prezantua për herë të parë në vitin 2016 dhe u jep shtetasve nga Shqipëria, Bosnja dhe Hercegovina, Kosova, Republika e Maqedonisë së Veriut, Mali i Zi dhe Serbia mundësi në tregun gjerman të punës për çdo lloj punësimi.

Sipas rregullores aktuale, punëtorët kanë nevojë për një ofertë detyruese pune nga një punëdhënës në Gjermani dhe kualifikime të njohura.

Fillimisht, rregullorja duhej të skadonte në fund të vitit 2020, por, për shkak të kërkesës së madhe nga punëdhënësit në Gjermani për punëtorë nga këto vende, rregullorja u zgjat deri më 31 dhjetor 2023.

Rregullorja konsiderohet një model suksesi që ka lejuar punëdhënësit në Gjermani të rekrutojnë deri në 25,000 punëtorë të kualifikuar çdo vit nga këto vende, përcjell albinfo.ch.

Si do të ndryshojë ligji?

Me zgjerimin e ligjit, Rregullorja e Ballkanit Perëndimor do të mbetet e përhershme dhe kuota vjetore e punëtorëve të lejuar nga këto rajone do të dyfishohet në 50,000 në vit. Ata do të lejohen të hyjnë në Gjermani për çdo lloj punësimi pa pasur nevojë të paraqesin dëshmi të kualifikimeve profesionale.

Ky është një lajm veçanërisht i mirë për industrinë e ndërtimit, e cila ka mirëpritur faktin se rregullorja e re nuk kërkon kualifikime nga emigrantët, por përkundrazi u lejon kompanive të vendosin nëse përvoja profesionale afatgjatë është e mjaftueshme për ta.

Përveç zgjerimit të kuotës për punëtorët nga Ballkani, Parlamenti gjerman synon gjithashtu të sjellë një kuotë migrimi për punëtorët e pakualifikuar nga vende të tjera përveç Ballkanit Perëndimor, të cilët mund të tregojnë se kanë një ofertë punësimi në Gjermani, shkruan The Local.

Numri që po diskutohet aktualisht është 30,000, i cili do të përcaktohet nga Agjencia Federale e Punësimit (BA) në bazë të kërkesës.

Këta punëtorë do të lejohen të ndërmarrin çdo lloj punësimi që kërkon pagesa të sigurimeve shoqërore për tetë muaj brenda një viti nëse punëdhënësi është i lidhur me marrëveshje kolektive dhe mbulon plotësisht shpenzimet e udhëtimit.

Ka gjithashtu plane për t’u dhënë asistentëve të huaj të infermierisë nën nivelin e punonjësve të kualifikuar akses në tregun e punës, me synimin për të marrë rreth 1200 kujdestarë shtesë, përcjell albinfo.ch.

Ish-ministri i jashtëm i Kosovës, Enver Hoxhaj, i ka reaguar, Donika Gërvalla, pasi ajo e quajti Bashkimin Evropian “tigër letre”.Hoxhaj ka thënë se ishte e paimagjinueshme që Kosova të shfaqet në konferenca ndërkombetare si kundërshtare e Perëndimit, siç u shpreh ai, duke e zëvendësuar Serbinë dhe autokracitë e Evropës Lindore në këtë rol.

Tutje, Hoxhaj është shprehur se logjika e diplomacisë, siç tha ai, së çajtoreve e sheh Sekretarin Blinken si naiv dhe BE-në si “tigër prej letre”.“Ishte e paimagjinueshme që Kosova të shfaqet në konferenca ndërkombetare si kundërshtare e Perëndimit, duke e zëvendësuar Serbinë dhe autokracitë e Evropës Lindore në këtë rol! Ka ndodhur një ndërrim i roleve: Kosova tash është kundërshtare dhe Serbia shihet si partnere sikurse ndodhi sot në Dubrovnik! Logjika e diplomacisë së çajtoreve e sheh Sekretarin Blinken si naiv dhe BE-në si tigër prej letre”, ka shkruar Hoxhaj.

Analisti politik, Petrit Zogaj i ka reaguar ministres së Jashtme, Donika Gërvalla e cila tha se BE pas SHBA është një tigër prej letre, raporton Gazeta Blic.

Ai ka shkruar Zogaj se nuk na duhet asnjë armik tjetër, përderisa i kemi këtë tanën.

Postimi i plotë i Zogajt:

Ne te njejten dite qe Vuciq flet me Macroon dhe mundohet me lobu qe te kuptohet Serbia nga shteti francez, Gervalla e quan Francen tiger prej letre, shtetin e vetem nuklear ne BE.

S’na duhet asnje armik tjeter, perderisa i kemi keta tanen.

Gazeta Sinjali pak më parë raportoi për një rast të frikshëm që ka ndodhur në Skenderaj, ku një person dyshohet se ka kërcënuar nënën e tij me thikë. I dyshuari është arrestuar dhe i njëjti me vendim të prokurorit ishte dërguar në mbajtje.

Sinjali mëson se brenda afatit ligjor, Prokuroria ka paraqitur kërkesë për caktimin e masës së sigurisë ndaj F.X. [emër i njohur për redaksinë, por që identiteti i tij nuk do të publikohet me qëllim të ruajtjes së privatësisë së viktimës].

24-vjeçari gjatë ditës së sotme ka dalë para Gjykatës dhe të njëjtit i është caktuar masa e paraburgimit në kohëzgjatje prej 30 ditësh.

 Deputeti i Lëvizjes Vetëvendosje, Ardian Gola në një prononcim për Gazeta Blic ka thënë se paralajmërimin e opozitës për rrëzimin e qeverisë e konsideron si një teatër të dobët politik.

Këtë deklaratë e ka bërë duke komentuar paralajmërimin e opozitës për rrëzimin e qeverisë, përkundër që ende nuk i kanë numrat.

Sipas tij, kjo konsiderohet si një lëvizje politike për të aktruar ndaj kërkesave ndërkombëtare.

“E konsideroj teatër të dobët politik. Është përpjekje për të aktruar një opozitarizëm gjoja në vijë me kërkesat ndërkombëtare. Opozitarizëm retorik, pa mendim dhe pa alternativë. Fillon dhe mbaron me fraza për miqësinë me Shba-të, por nuk thotë gjë substanciale për realitetin krijuar”, thotë Gola për Gazeta Blic.

Ai tha se e vërteta për veriun e Kosovës dhe qytetarët serbë shpaloset nga kritikat konstruktive të eurodeputetëve dhe kongresmenëve amerikan. Ai tutje shtoi se opozitarizmi i LVV-së i mungon qeverisjes së LVV-së në raport me Serbinë.

“E vërteta e realitetit për veriun e Kosovës dhe qytetarët serbë më shumë shpaloset nga kritikat konstruktive të eurodeputetëve dhe kongresmenëve amerikanë se sa qasja që sot ka opozita. Fatkeqësisht, sot qeverisjes së Lëvizjes Vetëvendosje në raport me Serbinë po i mungon ndjeshëm një opozitarizëm i Lëvizjes Vetëvendosje”, shtoi Gola.

Bashkësia Islame e Kosovës në njoftimin e fundit ka bërë të ditur se më 9 korrik, të dielën, është planifikuar që të bëhet nisja e parë e haxhinjve drejt Kosovës.

Por, ka haxhi kosovarë që deklarohen ndryshe, duke shprehur edhe shqetësimin se si opsion është përmendur e hëna dhe atë jo si definitive.

Është Elbasan Bequku i cili ka thënë se ajo që thuhet në njoftimin e BIK nuk qëndron.

“Kemi pasë me udhëtu sot në mëngjes, por këta paria nuk po japin kurrfarë date. Thuhet se duhet të presim deri të hënën. Nuk e dimë çfarë po ndodh. Ka hanxhinj që kanë pasë bileta për Zvicër për Angli, tash ato janë të pavlefshme”, shprehet Bequku për KlanKosova.tv.

“Ishalla nuk i ndodh kështu kërkujt më. Shumë të papërgjegjshëm. I kemi bërë valixhet gati. Thonë se të hënën do të nisemi dhe ajo nuk është e sigurt”.

Bequku thotë se nga ajo që shohin, hanxhinj të vendeve të tjera tashmë e kanë lënë qytetin e Medinës.

“Të tjerët janë zhvendosur. Hanxhinjtë kosovarë janë të demoralizuar dhe ka prej tyre që janë të sëmurë, të lodhur. Temperaturat janë të larta. Ne më së largu të hënën duhet t’i lëmë edhe hotelet”.

BIK deri tani nuk është përgjigjur në komunikim.

Federata Ruse i ka dalur në krah kërkesës së Presidentit të Serbisë, Aleksandar Vuçiq, për të thirrur “seancë emergjente” në Këshill të Sigurimit të Kombeve të Bashkuara, për të diskutuar për situatën në pjesën veriore të Kosovës.

Zëdhënësja e Ministrisë së Jashtme të Rusisë, Maria Zakharova, sa the “Moska është shqetësuar nga eskalimi i dhunës” në veri të Kosovës duke i rënë propagandës se “ka rrezik të menjëhershëm për mbijetesën e serbëve në Kosovë”.

Duke folur në konferencë për media, siç e cituan mediat serbe, ajo tha se “gjërat kanë dalur jashtë kontrolli”, kështu duke jehuar fjalë për fjalë pretendimet e Aleksandar Vuçiq.

Ajo godet edhe Perëndimin, Shtetet e Bashkuara dhe Bashkimit Evropian, për mbështetje të Kosovës “në spastrimin etnik, dëbimin, pogromin dhe terrorin ndaj serbëve” në Kosovë.

“Në vend të kësaj, kryeqytetet perëndimore po kërkojnë mënyra të reja për të ushtruar presion mbi Beogradin dhe popullin serb, duke sajuar akuza të paturpshme, duke përfshirë ato kundër përfaqësuesve të Kishës Ortodokse Serbe. Rusia ndan mendimin e Presidentit të Serbisë për situatën aktuale të krizës”, ka thënë Zakharova.

Pas një sëmundje të shkurtër e të rëndë, në orët e para të mëngjesit të sotëm, është ndarë nga jeta pjesëtari i Policisë së Kosovës, Xhevdet Thaçi, raporton Gazeta Sinjali.

Varrimi i të ndjerit do të bëhet sot në fshatin Muqivërc të Kamenicës.

Ndërsa, për vdekjen e tij kanë reaguar edhe familjarët, të cilët kanë shprehur me disa fjalë dhimbjen e tyre.

“Shum e randë qenka me shkru per ty babush. Shok miqë dhe dashamirë, sod u nda nga Jeta babi Jonë Thaqi Xhevdet duke na lënë të pikëlluar përgjithmonë. Krenar që te patëm dhe te pikëlluar përgjithmonë qe na le.

Katër profesorë e biznesmenë janë konvertuar në katolikë në Drenas.

Këtë e ka konfirmuar vetëm para pak çastesh Famullia “Shën Abrahami” në Llapushnik.

Nga kjo famulli gjithashtu kanë publikuar edhe pamjet, ndërsa uruan besimtarët e rinj për rrugëtimin që do të ndjekin tash e tutje.

Postimi i plotë:

Një këngë kushtuar vajzës së dëshmorit, në ditën e martesës së saj, u bë virale në rrjete sociale, raporton Lajmi sot.

Ajo u këndua në ceremoninë e martesës së vajzës së dëshmorit, në një nga restaurantet e vendit.

Kjo këngë e kënduar nga këngëtarët Fatmir dhe Erblin Hoxha përloti dashmorët e pranishëm. /Lajmi Sot/