Vendkalimet kufitare të Kosovës vazhdojnë të jenë të lira për qarkullim, përkundër numrit të madh të ardhjes se bashkatdhetarëve.

Sipas të dhënave të fundit të publikuar nga Qendra Kombëtare për Menaxhim Kufitar, dalja dhe hyrja në territorin e Kosovës mund të bëhet nga tre deri në pesë minuta, përveç pikës kufitare te Dheu i Bardhë, ku janë krijuar kolona 30 metra, hyrja në Kosovë përmes kësaj pike mund të bëhet deri në 10 minuta.

Qytetarët mund të informohen në kohë reale për gjendjen në vendkalimet kufitare duke klikuar KËTU.

Zëdhënësi i Qeverisë së Republikës së Kosovës, Përparim Kryeziu e ka konfirmuar që Kurti nuk do të marrë pjesë sot në drekën joformale në Tiranë.

Ai tha se për këtë është njoftuar edhe kryeministri i Shqipërisë Edi Rama, pasi Kurti e kishte konfirmuar muaj më parë pjesëmarrjen në një konferencë në Greqi.

Dhuna e fisit Rraja për guroren, lirohen nga detyra drejtuesit e komisaria…

Kryeziu ka bërë të ditur se kryeministri Kurti do të marrë pjesë në Samitin e Procesit të Berlinit që do të mbahet më 16 tetor në Tiranë.

“Para një jave Kryeministri i Kosovës Albin Kurti është ftuar nga Kryeministri i Shqipërisë Edi Rama për një drekë joformale me Komisionerin Evropian Oliver Varhelyi në Tiranë e ku janë ftuar të marrin pjesë edhe kryeministrat e tjerë të Ballkanit Perëndimor. Kryeministri Kurti e ka njoftuar Kryeministrin Rama që nuk do të mund të shkojë kësaj radhe meqë muaj më parë e ka konfirmuar pjesëmarrjen në një konferencë në Kretë të Greqisë e ku paneli për Ballkanin Perëndimor është saktësisht në ditën e njëjtë e në kohën e njëjtë. Natyrisht Kryeministri Kurti do të marrë pjesë në Samitin e Procesit të Berlinit që do të mbahet në Tiranë, data e të cilit dihet: 16 tetor 2023”, ka shkruar Kryeziu në Facebook.

Kryeministrja serbe Ana Bërnabiq ka reaguar pas përleshjeve në Kuvendin e Kosovës, duke shtuar se ajo frikësohet se incidenti mund të rezultojë në një politikë edhe më radikale të kryeministrit të Kosovës Albin Kurti ndaj serbëve në Kosovë.

Bërnabiq tha në emisionin “Hit Tweet” në TV Pink se kjo ngjarje do të shkaktojë edhe më tej destabilitet.

“Kurti nuk është i interesuar të bëjë ndonjë gjë konkrete, është ideologji, mbledhja e pikëve politike për retorikën e luftës, kam frikë se kjo ndodh, sado që dikush pëlqen t’i shohë ato skena, do të rezultojë në politikë edhe më radikale, është sa shumë dëshiron të tolerojë Perëndimi”, tha Bërnabiq.

Ajo bëri të ditur se presidenti i Serbisë, Aleksandar Vuçiq, këtë javë do të shkojë në Bruksel dhe se do të vazhdojë luftën për ruajtjen e paqes.

Tutje Bërnabiq ka deklaruar se nuk beson në planin e Kurtit për deeskalim të situatës në veri të Kosovës.

Ajo shprehet se do të dëshironte të kishte dikë me të cilin mund të fliste dhe të dialogonte realisht.

“Kur keni një dialog të vërtetë, sado i vështirë, i pakëndshëm dhe i tmerrshëm që të ishte, ju përsëri keni njëfarë stabiliteti dhe parashikueshmërie për njerëzit që jetojnë në Kosovë. Deri më tani nuk kam parë te Kurti që ai dëshiron deeskalim dhe kam frikë se humbja e besueshmërisë së tij politike do ta detyrojë atë të sulmojë sërish serbët”, shton Bërnabiq.

Ajo shprehet se në qendrat perëndimore të pushtetit kanë shumë mirëkuptim ndaj Kurtit, gjë që për të është e pakuptueshme.

“Vuçiq arrin ta zbusë situatën, më parë ishte e paimagjinueshme që Kosova të kishte sanksione nga SHBA-ja apo BE-ja, tani ka ndodhur. Ishte një situatë e paimagjinueshme, por politika e mençur dhe durimi i pakufi i serbëve nga Kosova çoi në të. Nga ana tjetër, duhet të jeni gati në çdo moment që t’i mbroni fizikisht serbët në Kosovë. Një ‘stuhi’ e re nuk do të ndodhë”, theksoi Bërnabiq.

Aliu është njëri nga lypsarët që dalin rrugëve të Mitrovicës për të mbledhur para për familjen e tij.

Mirëpo një ditë ai është sulmuar nga një person deri më tani i panjohur deri sa ai po kërkonte para.

Lajmi.net ka qëndruar në familjen e Aliut për të mësuar detajet e sulmit ndaj tij.

Familja e Alitu thotë se nuk do të ndalen deri sa ta zbulojnë se kush e sulmoi djalin e tyre dhe për këtë arsye ata do të drejtohen tek organet e rendit.

https://fb.watch/lPZlLKqw4f/?mibextid=jf9HGS

Një video mjaftë emocionuese është bërë virale në rrjetin social “Tik Tok”, ku motra e vogël i bënë surprizë motrës së madhe në martesën e saj.

Ajo me zërin e bukur të saj i këndon motres së madhe dhe emocionon të gjithë dasmorët.

Adoleshenti i akuzuar për hakerimin dhe më pas shantazhimin e një sërë kompanish, duke përfshirë Uber, Nvidia dhe zhvilluesin e GTA 6 Rockstar, është një 18-vjeçar shqiptar, i identifikuar si Arion Kurtaj.

Mediat e huaja bëjnë me dije se ai ishte pjesë e grupit të hakerave Lapsus$, kur publikuan pamjet e video-lojës që është ende në prodhim e sipër, Grand Theft Auto 6.

Por megjithëse shqiptari është duke u gjykuar për 12 vepra penale, duke përfshirë tre akuza për shantazh, dy akuza për mashtrim dhe gjashtë akuza sipas ligjit të keqpërdorimit kompjuterik, ai mund të shpëtojë paq.

Sipas agjencisë mediatike Reuters, i riu shqiptar i është nënshtruar ekzaminimeve nga psikiatrit, dhe sipas tyre është i papërshtatshëm për t’u gjykuar. Ndaj një juri do të vendosë vetëm nëse është ai që i ka kryer krimet, dhe jo nëse është apo jo fajtor.

Përveç GTA 6, Kurtaj akuzohet se ka hakuar kompanitë Uber dhe Nvidia, si dhe i ka kërcënuar ata se do të publikojë kodet source në internet.

Kryeministri i Kosovës, Albin Kurti është i vetmi lider i vendeve të Ballkanit Perëndimor që nuk ka konfirmuar pjesëmarrjen në takimin joformal të së nesërmës në Tiranë, të ftuar nga kryeministri, Edi Rama.

Kështu kanë bërë të ditur sot mediat në Shqipëri, të cilat theksojnë se presidenti i Serbisë, Aleksandër Vuçiq, kryeministri në detyrë i Malit të Zi, Dritan Abazoviq, kryeministri i Maqedonisë së Veriut, Dimitar Kovaçevski, si dhe kryetarja e Këshillit të Ministrave të Bosnjë-Hercegovinës, Borjana Kristo, kanë konfirmuar pjesëmarrjen. Ndërkohë, sipas burimeve të RTSH-së, Kosova do të përfaqësohet nga një zëvendëskryeministër.

Liderët e rajonit së basku me komisionerin për Zgjerimin, Oliver Varhelyi, do të drekojnë në mesditën e të hënës, në takimin joformal, ku do të diskutohet për Procesin e Berlinit.

E sipas një komunikate të Qeverisë së Kosovës, kryeministri, Albin Kurti nga sot po merr pjesë në edicionin e 25-të të Simpoziumit Ndërkombëtar SYMI, që mbahet në Greqi e ku po marrin pjesë politikanë progresistë e akademikë të shquar.

Sipas komunikatës, Simpoziumi Ndërkombëtar SYMI është themeluar nga ish-Kryeministri i Greqisë, George Papandreou dhe organizohet çdo vit. Ky edicion i sivjetëm titullohet “Cila botë në vitin 2030? Trajtimi i Sindromws Icarus” (Which World in 2030? Addressing the Icarus Syndrome).

Aty theksohet se kjo është hera e gjashtë që kryeministri Kurti është pjesëmarrës në këtë organizim.

Përndryshe, kryeministri i Shqipërisë, Edi Rama pak ditë më parë kishte një vizitë në të gjitha vendet e rajonit, në përpjekje për të dal me një deklaratë të përbashkët, si dhe të dakordimit për kërkesat e përbashkëta drejt BE-së, për investime në rajonin tonë.

Rama nuk është pritur vetëm nga kryeministri Kurti, për shkak të anulimit të mbledhjes së përbashkët të paraparë të mbahet në Gjakovë. Kurti ka thënë se me Ramën takohet vetëm në një mbledhje të dy qeverive shqiptare.

Por çfarë është Procesi i Berlinit

Iniciativa synon rritjen e bashkëpunimit rajonal në Ballkanin Perëndimor. Kjo është një nismë e vitit 2015 për të mbështetur integrimin në Bashkimin Evropian të vendeve të Ballkanit Perëndimor: Bosnje Hercegovina, Mali i zi, Kosova, Maqedonia e Veriut, Serbia dhe Shqipëria.

E prezantuar me 28 gusht nga kancelarja Anglea Merkel, Procesi i Berlinit po zhvillohet me mbështetjen e Komisionit Evropian, institucioneve financiare ndërkombëtare dhe shteteve anëtare, bazuar në miratimin e akuis komunitar, apo tërësia e të drejtave dhe e detyrimeve të përbashkëta që i bashkon të gjitha shtetet anëtare të Bashkimit Evropian.

Një 25 vjeçar është arrestuar nga policia e Tiranës për vjedhje dhe abuzim seksual. I riu ka vjedhur me dhunë një shumë parash dhe një aparat celular në banesën e fqinjit.

25 vjeçari nga Tirana gjithashtu ka marrë me forcë të dashurën e 49 vjeçarit dhe pasi e ka dërguar në banesën e tij, ka kryer marrëdhënie seksuale pa dëshirën e saj.

Njoftimi i policisë:

Specialistët për Hetimin e Krimeve të Komisariatit të Policisë Nr. 3 arrestuan shtetasin J. O., 25 vjeç, banues në Tiranë. 25-vjeçari ditën e djeshme ka shkuar në banesën e shtetasit A. B., 49 vjeç, (fqinji i tij), të cilit i ka vjedhur me dhunë një shumë parash dhe një aparat celular, si dhe ka marrë me forcë të dashurën e 49-vjeçarit, dhe pasi e ka dërguar në banesën e tij, ka kryer marrëdhënie seksuale me të, pa dëshirën e saj.

Një oktapod i është ngjitur në kurriz një pushuesi e nuk e lëshon, pavarësisht tentativave për ta larguar. Videoja po bën xhiron e rrjetit në Tik Tok është parë nga miliona përdorues.

“Nëse do të kisha qenë unë do të kisha bërtitur me të madhe”, thotë një përdorues i Tik Tok teksa i bën share.

Ndërsa videoja që është publikuar nga CristianCastagna7 është shoqëruar me mbishkrimin: Kur okotapodi bie në dashuri e nuk do të të lëshojë”.

VIDEO 

Edhe aktori dhe shkrimtari Çun Lajçi, ka komentuar lidhur me përleshjen që ka ndodhur mes deputetëve të Partisë Demokratike të Kosovës dhe atyre të Lëvizjes Vetëvendosje, në Kuvendin e Kosovës.

Ai ka thënë se në parlamentin e Kosovës, ka deputetë të blerë dhe të shitur.

Sipas Lajçit, opozitën e ka kapur tmerri se “më nuk jep para serbi”, ndaj për këtë e kanë shkaktuar rrahjen me grushte në Kuvend.

“Njëherë deshtën me helmua Oson që s’po koordinohej me Amerikën, por tani që pranoi të del nga ngujimi e policinë ta largoi nga komunat, tash i kapi tmeri tjetër, – ma s’jep pare serbiani! Tash i prishi me Krajlin! – Turruni t’ia marrim kuletën me grushta, bërtitën, – dhe ikën dritat”, ka shkruar ai në një postim në Facebook.

Postimi i tij i plotë:

Mjerë Parlamenti që ka deputetë të blemë e t’shitun

Knjaz Nikolla i kishte mbledhë cubat e Malit Zi, dhe n’fushat e Cetisë po ulëronte!

– Thonë ka dalë nji burrë shkodran! – e flet e flet për Oso Kukën. E çon të qielli! E zbret të deti! E fut n’zjarm e hudhë n’det! As nuk mbytet as nuk digjet! Mustakun leqe-leqe e dredha-dredha, deri n’sylah! Synin gacë! T’kuq si gjaku!

– Me këmishë e ka ba nana, ulëron! S’po m’len me u kapë dora-dora me vëllaun serbian n’Kishë Deçane!

Mbreti i Stambollës ma ka falë deri të Drini. Andej Drinit ia ka lanë vllaut serbian, po ky turk shkodran s’po len!

Flet e flet Krajl Nikolla e cubat po e ndëgjojnë! Njeni prej tyne prajshëm ia kthen: – nëse s’e han plumbi, siç po thua e s’e pret shpata, e brenë parja! Kallxoje kuletën Krajl Nikolla, fute fitmën ndër shqiptarë n’daç me u kapë dora-dora n’kishë Deçane me serbianë!

Seç mu kujtua kjo kangë e Kasnecit, këto vargje të At Fishtës tek sa po e shikoja nji skenë filmi amatoresk, në nji Kuvend, ku paret kishin hy si grejzat n’xhepat e deputetëve e po i pickonin mes kofshëve burra e gra!

U mundova me lexua emnin e regjisorit, por ikën dritat!

Qenka ngjallë Krajl Nikolla thashë. Vuçiqi e paska çelë kuletën e fitmet i paska futë ndër deputetët me tru gomari! Dashka me u lidhë dora-dora me Cetinën n’Kishë Deçane!

Njiherë deshtën me helmua Oson që s’po koordinohej me Amerikën, por tani që pranoi të del nga ngujimi e policinë ta largoi nga komunat, tash i kapi tmeri tjetër, – ma s’jep pare serbiani! Tash i prishi me Krajlin! – Turruni t’ia marrim kuletën me grushta, bërtitën, – dhe ikën dritat.

M’tregoni ju që keni pasë drita, kush fitoi; – Xhon Vejn apo Mistër Bini? Kënd e vrau fjala e kënd e tërboi parja? Cilën prej atyne nuseve që turreshin si korbat i pickoi grethi ku s’duhet?

M’duhet mu takua me rregjisorin, se kishte gabime të mëdha në përzgjedhjen e artistëve! Ishin diletant!

Mjerë populli çfarë filmash shikojnë!

Mjerë Parlamenti që ka deputetë të blemë e t’shitun, të krymbun e t’qelbun!

Era po iu vjen edhe këtu n’Shëngjin!

Shëngjin, 15.07.2023