Mesditën e sotme një punëtor ka vdekur derisa ishte duke punuar në një ndërtesë që ishte në punim e sipër në dalje të Fushë Kosovës, konkretisht në Bresje.

Lajmin e ka konfirmuar zëdhënësi i Policisë Rajonale në Prishtinë, Agron Borovci.

“Sot rreth orës 11:00 është marrë informata se në rrugën “Tahir Zemaj” në Bresje të Fushë Kosovës, një person, mashkull, rreth 38 vjeç, ka rënë nga lartësia, brenda një objekti.  Përkundër përpjekjeve të mjekëve në QKUK,  i njëjti pak kohë më pas, ka ndërruar jetë”, ka thënë Borovci.

Në momentin e rënies, viktima ishte si pjesë e një ekipi që po kryente punime në atë objekt. Policia ka dalë në vendin e ngjarjes dhe ka nisur hetimin e rrethanave që karakterizojnë ngjarjen e rëndë.

Deputeti i Vetëvendosjes Armend Muja dhe ai i AAK-së janë përplasur sot mes vete në mbledhjen e Komisionit për Buxhet dhe Financa.

Muja dëgjohet duke i thënë Lekajt: “Turp je ti”.

Kësaj Lekaj iu përgjigj me fjalë ofenduese.

“Turp je ti edhe mshele. Mos ta nin, ti je bo shpifës i madh. Tepër je ka i etikon njerëzit. Duhet me të ardhë turp. Nuk je ka folë me fëmijë. Mshele meçkën. Idiot. Se ke dashtë me etiketu njerëz pa kon hiç je msue me lapera”, i tha Lekaj, Mujës, duke dalë nga salla.

Deputeti i AAK-së, Bekë Berisha, ka thënë se VV dhe Lista Serbe janë dakorduar për t’i lënë jashtë ligjit veteranët e UÇK-së, raporton Gazeta Blic.

Ai përmes një postimi në Facebook, ka thënë se ata e kanë votuar shumë Jugosllavinë.

Postimi i tij i plotë:

VV dhe lista serbe dakordohen per te lene jasht ligjit veteranet e UCK së.

Kogja fort i kemi pase thy dhembet tu i mbrojte veteranet.

Boll shume e kishit pase votu Jugosllavine.

Anakronike, mashtrim, apo realitet i hidhur…

Ndonëse ka përfunduar doktoratën dhe aktualisht punon si mësimdhënës në Universitetin Teknik të Vjenës, Ilir Murturi, nuk është pranuar në pozitën profesor asistent në Fakultetin e Inxhinierisë Elektrike dhe Kompjuterike (FIEK), Universiteti i Prishtinës (UP).

Në një reagim publik, Murturi, ka ndarë lajmin se i është refuzuar aplikimi nga komisioni recensues, për pozitën profesor asistent në Fakultetin e UP-së.

Murturi thotë se dëshiron të kthehet në Kosovë për të ushtruar profesionin e tij hulumtuesit shkencor edhe pse për këtë duhet ta lërë universitetin i cili rangohet në mesin e institucioneve më prestigjioze në botë.

“Me keqardhje kam pranuar lajmin se komisioni recensues paska refuzuar aplikimin tim në pozitën Profesor Asistent në Fakultetin e Inxhinierisë Elektrike dhe Kompjuterike (FIEK), Universiteti i Prishtinës (UP). Ndjej obligim moral të ndaj këtë lajm me kolegët dhe studentët që kanë studiuar dhe studiojnë jashtë dhe mendojnë të kthehen në Kosovë.
Për mua gjithmonë ka qenë dhe mbetet mision në jetë të kthehem në Kosovë dhe të kontribuoj duke ushtruar profesionin tim të hulumtuesit shkencor që tani e 8 vite e mbajë. Natyrisht, për kolegët në Vjenë asnjëherë kjo nuk është mirëpritur sepse për ta është e pakuptimt kalimi nga një universitet e cila rangohet në mesin e universiteteve më prestigjioze në botë në një institucion që nuk gëzon reputacion të mirë në komunitetin shkencor ndërkombëtar. Sepse për ta kjo është thjeshtë sakrifikim i karrierës akademike që kam ndërtuar përgjatë 6 viteve të fundit në Universitetin Teknik të Vjenës. Dhe të mos flasim as për anën financiare dhe kushtet që ofrohen në Universitetin Teknik të Vjenës në dallim me UP. Pavarësisht nga të gjitha disavantazhet, unë i kam besuar iniciativës/misionit të Universitetit të Prishtinës për kthimin e trurit nga jashtë – që inkurajon emrimin e aplikantëve që kanë fituar doktoratën e tyre në njërin nga 500 universitetet më të mira në botë. Prandaj edhe kam aplikuar në këtë pozitë. Por realiteti në terren, fatkeqësisht, është krejtë ndryshe!
Unë kam të përfunduar doktoratën në Universitetin Teknik të Vjenës, Fakulteti Informatikës. Universiteti Teknik i Vjenës rangohet në vendin e 184 në botë, përderisa për drejtimin e Informatikës rangohet në vendin e 1 në Austri dhe në vendin e 73 në botë. Tema ime e doktoratës është mentoruar nga njëri ndër shkencëtarët më të cituar në fushën e shkencave kompjuterike, njëherit është Anëtar i Akademisë Europiane dhe Kryetar i Seksionit të Informatikës. Përgjatë këtyre viteve kam punuar si mësimdhënës në Universitetin Teknik të Vjenës, kam publikuar në konferenca, revista shkencore më me renome në fushën e shkencave kompjuterike që askush nga stafi i FIEK-ut nuk i posedon. Përkundër moshës së re, posedoj më shumë publikime shkencore sesa profesorët e rregullt dhe të asocuar të FIEK-ut. Dhe përkundër një portofoli të shkëlqyeshëm të punimeve shkencore, komisioni recensues propozon kandidatin tjetër me doktoratë nga një universitet i rajonit i cili nuk rangohet nga asnjë institucion ndërkombëtar si dhe me një numër konsiderueshëm më pak të punimeve. Ndërsa, pjesa më e tmerrshme e këtij vendimi është që komisioni recensues për kanditatin e përzgjedhur ka pranuar si kontribute “shkencore” punimet e botuara në “RICOH” (fotokopje/botues në Prishtinë), skripta me detyra, si dhe përkthime – pa bërë asnjë analizë në lidhje me cilësinë, impaktin e tyre në fushën e studimit përkatës apo përdorimin e tyre nga ndonjë institucion arsimor vendor apo ndërkombëtar! Pranimi i publikimeve të tilla është një shkelje e rëndë e të gjitha normave dhe etikës akademike. Thjeshtë, PA KOMENT!
Pa e zgjatur këtë temë më shumë, ky vendim i tyre aspak nuk do të ndikon në karrierën time akademike. Unë do të vazhdoj punën në Universitetin Teknik të Vjenës dhe sigurisht se më të lumturit për këtë do të jenë kolegët e mi nga Vjena. Ndërsa ndaj këtij vendimi skandaloz do të ankohem dhe do të ndjek të gjitha rrugët ligjore deri në fund. Arsyeja e ankesës time do të jetë vetëm dhe vetëm për ta bllokuar këtë proces dhe për ta ndalur edhe më tutje shkatërrimin e vazhdueshëm që po i bëhet Universitetit të Prishtinës. Le të mbetet në ndërgjegjen e anëtarëve të Senatit të Universitetit, Rektoratit, Ministrisë së Arsimit Teknologjisë dhe Shkencës, si dhe Qeverisë së Republikës së Kosovës për të adresuar këtë çështje me integritet dhe drejtësi” shkruan Murturi në reagim.

Deputeti i VV-së, Besim Muzaqi, ka reaguar ndaj publikimit të përgjimeve të djeshme, ku në qendër është shefja e grupit parlamentar të VV-së, Mimzoa Kusari, e cila thuhet të ketë komunikuar disa herë me kriminelin e veriut, Milan Radojçiq.

Në një postim në Facebook, Muzaqi ka thënë se mediat në Kosovë “energjinë” e marrin nga Fondet Soros dhe Fondet e Rusisë dhe Serbisë.

Shikoni postimin e Muzaqit:

Kanë kaluar vetëm pak ditë nga aksidenti i tmerrshëm në Itali, ku humbi jetën 22-vjeçari shqiptar, Arnold Selishta. Ndërkohë, janë publikuar në rrjetet sociale pamjet nga momenti i aksidentit.

Në video shihet që makina ‘Range Rover’ brenda së cilës ndodheshin 4 të rinj, shpërthen menjëherë në flakë pas përplasjes. Kujtojmë se nga ky aksident mbetën të plagosur 2 pasagjerët e tjerë në mjet, të moshës 18 dhe 23 vjeç.

Autoritet italiane tregojnë se pas një mbrëmje në një lokal të zonës, grupi i të rinjve të moshës 18-23 vjeç, hipën në dy makina, një ‘Range Rover’ dhe një ‘BMW M8’. Rrugës dyshohet se nisën të bënin garë me njëri-tjetrin, me shpejtësi të madhe. Në një moment, shoferi i Range-it humbi kontrollin dhe u rrotullua disa herë në rrugë duke shpërthyer më pas në flakë.

22-vjeçari shqiptar mbeti i bllokuar brenda në mjet derisa mbërritën shërbimet e zjarrfikëses. Ai u dërgua në gjendje të rëndë në spital ku dhe ndërroi jetë.

Policia kanë ndaluar shoferin e Range-it, i cili u largua nga vendi i ngjarjes për t’u identifikuar disa orë më pas. Mediat italiane shkruajnë se ai ishte kushëri me viktimën Selishta.

Nenad Rashiq, ministër për Komunitete dhe Kthim, ka komentuar përgjimin e Mimoza Kusari-Lilës, e cila dëgjohet teksa e pranon se ka komunikuar 2-3 minuta me Milan Radoiçiqin, i dyshuar për vrasjen e Oliver Ivanoviqit e në listë të zezë të ShBA-së.

Rashiq tha se Slavko Simiq, që ishte pjesë e përgjimi, ka mundur ta inçizojë të njëjtën.

“Simiqi ka qenë aty me qëllim, duke po supozoj që ai ka pasur një rol, një detyrë për të bërë një incizim, këhstu bile po më duket kisha thënë, sepse kjo shihet që është dikund në zyre dhe ju mundeni sa i përket fuqisë së zërit ta vlerësoni kush është më afër, kush më larg mikrofonit. Kështu dhe fatkeqësisht nuk është diçka që më befason si koncept, sepse dihet që në politike ka metoda të ndryshme por disa janë morale, disa sikurse kam pritë prej tyre nuk janë normale dhe çfarëdo lloj komunikimi që bëhet në aspektin e tillë, është për mua keqpërdorim kështu të një besimi politik”, tha ai në Tëvë 1.

Tutje, Rashiq e përmendi se edhe Ramush Haradinaj, ish-kryeministër i Kosovës, deklaronte se e ka mik shtëpie Radojçiqin.

“Dhe po ua rikujtoj se para Mimozes ose me thënë shumë më herët Mimozes prej vitit 2017, 2018, 2019 e ka lloj lloj të ndryshëm të përfaqësimit të lartë që unë do ti citoj tash, psh ish-kryeministri ka thënë bukfalisht ka qenë mysafir në televizionin në Çagllavicë është “Slobodno Srbski”, i cili ka thënë që Radoiqiqin e ka mik të shtëpisë, kryeministri zoti Haradinaj, dhe kjo është një info e vjetër. Prandaj jo vetëm ajo që ai është i vetmi që ka pasë guxim të tregoj një gjë të tillë por ju e dini që në forma të ndryshme dhe duke nisur nga zotëri Thaçi deri te tjerët, kanë deklaruar se kanë një bashkëpunim dhe kjo ka qenë jo vetëm në formën verbale por në formën politike.” – shtoi ai.

Një rast i rëndë ka ndodhur të hënën pasdite në Spitalin Rajonal në Prizren, ku vdiq një grua, e cila fillimisht ishte transferuar nga Emergjenca e Suharekës, në gjendje të rëndë shëndetësore. Përkundër intervenimeve mjekësore në këto dy qendra, viktima nuk arriti të mbijetojë dhe vdiq pas më pak se një ore, raporton Gazeta Sinjali.

Kështu kanë bërë me dije burimet brenda spitalit, me ç’rast njoftuan se bëhet fjalë për një 54-vjeçare nga Semetishti e Suharekës, e cila dyshohet se ka pasur shenja të depresionit dhe ka qenë në gjendje të rënduar emocionale.

Sinjali mëson se posa Policia është njoftuar për vdekjen e saj, njësitë përkatëse kanë dalë në vendin e ngjarjes, për të marrë informacionet e para për rrethanat e rastit.

Lidhur me rastin, është vënë në dijeni edhe Prokurori i Shtetit, i cili ka urdhëruar me t’u përfunduar ekzaminimet e nevojshme, trupi i pajetë të tërhiqet për t’u dërguar në Institutin e Mjekësisë Ligjore për obduksion.  

Me vendim të tij, rasti është iniciuar si “Vdekje e dyshimtë” dhe kanë nisur hetimet për të zbardhur në plotni të gjitha rrethanat në të cilat ka vdekur 54-vjeçarja.

Sinjali do të iu mbajë të informuar për detajet e reja të rastit.

Deputeti i pavarur Haki Abazi ka deklaruar se biseda e shefes së deputetëve të VV-së Mimoza Kusari-Lila me Milan Simiqin e Listës Serbe është bërë në pajtueshmëri të kryeministrit Kurti e koordinatores për Komitet në këtë parti, Dejona Mihali.  

Abazi në Prime Time ka kritikuar Kusari-Lilën se e ka vendosur vetën si një mashë të mesazheve të manipulimit me grupet tjera parlamentare, transmeton Gazeta10.

“Ka filluar të bëhet publike ajo që është e ditur qe sa kohë. E ashtuquajtur shefja e GP kundër statutor, e ka vendosur vetën në përdorim si një mashë e punëve, mesazheve e manipulimit të grupit parlamentar sa i përket edhe me grupet tjera parlamentare.”, tha Abazi.

Sipas tij, roli i Kusari-Lilës ka qenë gjithmonë jashtë asaj çfarë ka pretenduar Kurti e VV-ja.

“Ka punuar jashtë  koncensusit e informacionit që ka pasë grupi parlamentar i VV-së.”, shtoi Abazi në Prime Time.