Një 42-vjeçar nga Kosova është dënuar me 15 vite burg pasi gjykata e shpalli fajtor për përdhunimin e nipit të tij të mitur para dy vitesh.

Kokollari u shpall fajtor për përdhunimin e nipit të tij, ngjarje e ndodhur në 4 Nëntor 2021 në Prizren,ku i mituri kishte shkuar me pushime.

Gjykata e Shkallës së Parë Berat ka shpallur sot vendimin për shtetasin nga Kosova Belul Kokollari, i akuzuar për kryerjen e veprës penale.

Vendimmarrja e gjykatës u mbështet në provat e shqyrtuara dhe të administruara gjatë shqyrtimit gjyqësor të kësaj çështjeje.

Denoncimi në Komisariatin e Policisë së Beratit u bë nga nëna e të miturit, në 10 Nëntor 2021.

Ajo denoncoi në polici vëllain e saj Belul Kokollari, duke pretenduar se ai kishte abuzuar me djalin e saj të mitur.

Ajo deklaroi asokohe në polici se është shtetase kosovare dhe e martuar në Berat, ku jeton me bashkëshortin e saj në lagjen “28 Nëntori” dhe se çdo 3-muaj shkonte në Kosovë për të vizituar vëllezërit e saj.

Në datën 4 Nëntor 2021 ajo ishte nisur me djalin e saj drejt Kosovës, ku ka qëndruar deri në datën 9 Nëntor dhe kur ishte kthyer në Shqipëri djali i kishte treguar gjithçka.

Shefja e Grupit Parlamentar të VV-së, Mimoza Kusari-Lilës ka folur pas publikimit të pjesës së dytë të përgjimeve me zyrtarin e Listës Serbe, Sllavko Simiq, teksa ka paralajmëruar padi ndaj gazetarit Berat Buzhala.

Ajo ka thënë se në videot e publikuara përpos se “biseda është e cunguar”, përmban edhe interpretime dhe komente të vazhdueshme të gazetarit Buzhala, me të cilin paralajmëron se do të ballafaqohet në gjyq.

“Sot biseda e lëshuar, përveç se është e prerë, e cunguar përmban edhe interpretime dhe komente të vazhdueshme të Berat Buzhalës për të cilat do të ballafaqohemi në gjyq. Si e parë e punës, është incizimi i paautorizuar nga Sllavko Simiq. Si e dytë e punës, është mosmarrja e asnjë konfirmimi nga unë lidhur me këto incizime nga Berat Buzhala, dhe si e treta komentet, nxitja, fyerja dhe cenimi i integritetit-personalitetit”, u shpreh ajo.

Kusari-Lila gjithashtu tha se komentet që Buzhala i thotë gjatë shkëputjeve të videove, sipas saj janë të rrezikshme.

“Komentet që bëhen në mes të shkëputjeve fillon ajo pjesa në të cilën në mënyrë të rrezikshme në raport të fjalës së lirë dhe keqpërdorimit të fjalës së lirë, Berati hynë duke fillu prej asaj çka rithekson e komenton disa herë, e deri te pjesa tjetër”, tha ajo në ATV.

Aleksandar Vulin, është emëruar sot drejtor i BIA-s (Shërbimi Informativ Serb). Vulin është zgjedhur sot në atë pozitë në seancën e Qeverisë së Serbisë, raporton Nova.rs.

Para se të bëhej ministër i Policisë ka qenë ministër i Mbrojtjes, ndërsa para kësaj ka qenë në krye të Ministrisë së Punës dhe Politikës Sociale. Ai ishte edhe drejtor i të ashtuquajturës  Zyrë për Kosovë

Ligji për Agjencinë e Informacionit të Sigurisë e ndalon normalisht marrjen në punë të figurave partiake në BIA, por kjo nuk e pengoi qeverinë aktuale të emërojë në krye të këtij shërbimi Vulin, i cili është edhe president i Lëvizjes Socialiste

Kush është Vulin dhe lidhjet e tij me Moskën dhe Putinin

Aleksandar Vulin jo vetëm që nuk fsheh, por mburret se ka marrëdhënie të mira me zyrtarët rusë, nxit të tjerët, përhap gjuhën të urrejtjes, kjo do të thotë se shërbimi do të abuzohet edhe më shumë dhe do të ndikojë në përçarje dhe përballje me disidentët politikë.

Në një intervistë për “Vreme”, Predrag Petroviq, ekspert i sigurisë që është marrë me shërbimet sekrete dhe ndikimin e tyre në jetën politike, ekonomike dhe shoqërore, konstaton se në dhjetë vitet e fundit shërbimet sekrete kanë filluar të funksionojnë si në vitet nëntëdhjetë, citon Sejdinoviq.

“Që do të thotë se janë nën kontroll të fortë partiak dhe personal, merren me punë në anën tjetër të ligjit, anashkalojnë kompetencat e tyre dhe bashkëpunojnë me grupet kriminale për të arritur interesat e tyre dhe për të financuar punën e tyre. Ai e krahasoi gjendjen aktuale në BIA me periudhën kur shërbimi drejtohej nga Rade Markoviq, pasojat e një abuzimi të tillë mund të jenë katastrofike”, thotë Sejdinoviq.

Ai beson se prandaj është e rëndësishme të hidhet dritë mbi mistifikimin e shërbimeve sekrete, pasi, thotë ai, kultura serbe është e fiksuar pas tyre, veçanërisht ato të huaja.

“Serbia është interesante nga pikëpamja e sigurisë dhe nga ana tjetër ka një rrëfim interesant në mediat e regjimit, ku vihen në dukje vazhdimisht shërbimet e huaja, të cilat bredhin nëpër vend, na kujton vitet nëntëdhjetë, ku tregimi ishte se ne nuk kishim faj për asgjë, por dikush tjetër ishte grindur me ne. SNS kërkon që shërbimi sekret të fajësohet për atë që ka bërë vetë. Aspekti se si funksionon BIA në rajon është gjithashtu i rëndësishëm, është bërë keq, e skualifikojnë Serbinë dhe BIA-n sepse ata njerëz që kanë vepruar nuk kanë punuar profesionalisht, kanë qenë arrogantë, kanë kompromentuar veten dhe gjithë vendin, çfarë kuptimi kanë veprimet e BIA-s në rajon”, tha Sejdinoviq.

Ai thekson se problem madhor është mungesa e kontrollit civil dhe parlamentar të shërbimeve të sigurisë.

“Aty edhe brenda SNS-së shohim divergjencë. Në një periudhë nga viti 2014 deri në vitin 2016, kryetar i Komisionit Parlamentar për Kontrollin e Shërbimeve të Sigurisë ishte një kuadër progresiv, Momir Stojanoviq, ai u përpoq të bënte diçka, por shpejt u zëvendësua dhe u margjinalizua, dhe prej atëherë e deri më sot, s’ka asnjë shenjë e kontrollit civil të shërbimit. Nën kontroll janë vënë edhe dy institucione – komisioneri për informacione të rëndësishme dhe mbrojtësi i qytetarëve. Që nga pensionimi i Sasha Jankoviqit dhe Rodoljub Shabiqit, ato institucione nuk i kontrollojnë shërbimet e sigurisë”, shton ai.

Sejdinoviq thotë se qeveria ka treguar se kur shteti nuk ka përgjigje për pyetje të rëndësishme, prodhon kriza.

“Pjesë e kulturës sonë është të zgjidhim një problem duke e bërë atë më të madh. Mund të shohim që kur qeveria dëshiron të largojë vëmendjen nga çështjet urgjente, prodhon kriza, është në media dhe pastaj mbulohet çështja, që ndodhi një muaj më parë kur u shpall lufta. Për mua, pyetja kryesore është nëse gjërat mund të dalin jashtë kontrollit, kjo është lojë serioze me zjarr. Presidenti i Serbisë ra në grackën klasike në të cilën bien diktatorët, ai u rrethua me një roje pretoriane që tregon atë që dëshiron të dëgjojë, mendoj se ka humbur lidhjen me realitetin shumë kohë më parë”, thotë Sejdinoviq.

Qeveria e Kosovës njoftoi se është pajtuar që të zvogëlojë praninë policore në veri dhe të mbështesë mbajtjen e zgjedhjeve të reja në katër komunat veriore, si pjesë e veprimeve për të shtensionuar situatën.

Ky pajtim u arrit gjatë një takimi joformal që u mbajt në Bratisllavë midis zëvendëskryeministrit të Kosovës, Besnik Bislimi, dhe të dërguarit të posaçëm të BE-së për dialogun Kosovë-Serbi, Mirosllav Lajçak.

Pas takimit të 10 korrikut, Bislimi dhe Lajçak njoftuan se ka pajtim për hapat e parë drejt shtensionimit të situatës në veri të Kosovës, por nuk saktësuan se për çfarë bëhet fjalë.

Bashkimi Evropian kishte paraqitur disa kërkesa për uljen e tensioneve në veri, që nisën në fund të majit, pasi kryetarët e rinj shqiptarë të Zveçanit, Leposaviqit dhe Zubin Potokut hynë në ndërtesat komunale nën përcjelljen e Policisë së Kosovës.

Kërkesat e BE-së për Kosovën dhe Serbin

Përfaqësuesi i lartë i BE-së për politikë të jashtme dhe siguri, Josep Borrell, më 22 qershor ka paraqitur kërkesat e bllokut evropian për Kosovën dhe Serbinë, lidhur me shtensionimin e situatës në veri:

Kosovës i kërkohet që menjëherë të pezullojë operacionet policore në afërsi të ndërtesave komunale në veri dhe që katër kryetarët komunalë përkohësisht të ushtrojnë detyrat e tyre në objekte alternative

Serbisë i kërkohet të sigurojë që protestuesit të tërhiqen nga ndërtesat komunale paralelisht me tërheqjen e Policisë së Kosovës

Të dyja shteteve u kërkohet shpallja e zgjedhjeve të parakohshme lokale, sa më shpejt që të jetë e mundur, në katër komunat në veri të Kosovës, me pjesëmarrjen e pakushtëzuar të serbëve të Kosovës në to

Në të kaluarën, Beogradi ka luajtur rol kyç në pjesëmarrjen e serbëve në zgjedhjet e organizuara në Kosovë

Që atëherë, serbët lokalë po protestojnë në veri, duke kërkuar që përveç kryetarëve, të tërhiqen edhe njësitë speciale policore nga veriu.

Edhe më herët, krerët shtetërorë në Kosovë janë shprehur të gatshëm që të organizojnë zgjedhje të reja në komunat në veri, por kanë kërkuar që ato të përgatiten, në mënyrë që të mos ketë bojkotim.

Zgjedhjet e 23 prillit, nga të cilat dolën kryetarët e rinj shqiptarë në katër komunat në veri, ishin bojkotuar nga partitë dhe popullata serb.

Pas publikimit të incizimeve të shefes së deputetëve të VV-së, Mimoza Kusari-Lila me ish-deputetin e Listës Serbe, Sllavko Simiq, në emisionin “Politiko”, me gazetarin Kushtrim Sadiku, Analisti Nexhmedin Spahiu ka thënë se çdo gabim që e bënë kthehet. Ai tutje ka thënë se nuk është takuar asnjëherë me Radojiçiq.

“Mua nuk po më duket e çuditshme, në Kosovë ndodhin gjëra shumë më të tmerrshme sesa ky diskutim. Nuk është goditje për VV-në sikur të ishte Xhelal Sveçla, ka thënë Spahiu.

“Me qenë Mimoza Kusari që i dëgjon shefat nuk i kish ndërru 5 shefa”, tha Spahiu.

Një ngjarje e rëndë ka ndodhur në Spanjë ku trupi i një fëmije pa kokë është gjetur në një plazh.

Kryebashkiaku i Ronda de Berra Per Virgili ka theksuar se trupi i fëmijës, që besohet të jetë midis dy dhe tre vjeç, u zbulua mëngjesin e kësaj të marte në një plazh në resortin Costa Dorada të Roda de Bará, në bregun lindor të provincës Tarragona.

Sipas tij dyshohet se fëmija mund të ishte në një varkë emigrantësh që u përmbys në Mesdhe. Ndër të tjera në media thuhet se përveç kokës në trup mungojnë edhe pjesë të tjera.

Oficerët e Gardës Civile rrethuan zonën dhe zhvendosën vendasit dhe pushuesit në zona të tjera të plazhit përpara se mjekja ligjore të miratonte heqjen e trupit.

Ndërkohë pritet ekspertiza për të zbuluar dhe shkakun e vërtet të ngjarjes./abcnews.al

Kryetari i Partisë Nisma Socialdemorkate, Fatmir Limaj në një intervistë të gjatë për Gazeta Blic ka folur gjerë e gjatë për zhvillimet politike në vend, incizimet e shefes së grupi parlamentar Mimoza Kusari Lila, sanksionet ndaj Kosovën, marrëveshjen Kosovë- Serbi dhe atë që vendi sipas Limajt mund shpejt të shkojë në zgjedhje të parakohshme.

Ai për audio incizimet ku Kusari Lila flet me zyrtarë të listës serbë për shumë çështje, ka thënë se për të nuk është asgjë befasuese sepse sipas tij njerëzit në qeveri dhe Kuvend nuk janë as më pak e as më shumë sesa një grumbull hipokritësh, populistësh dhe mashtruesish.

“Nuk është asgjë befasuese, besoj që tanimë përditë ata e dëshmojnë kjo nomenklaturë politikë, që është një grumbull hipokritësh, mashtruesish, populista dhe këta dinë me bë më së miri këtë punë. Mos harroni kemi njerëz me dy karaktere, me dy fytyra, një publik, tjetrin privat. Po shohim shumë gjëra që kanë ndodhë dhe po ndodhin, janë thjesht ajo që faktikisht ka qenë e ditur dhe kjo është logjika e funksionimit të hipokritëve dhe populistave dhe servilëve, kështu që ata që e kanë paraqit para qytetarëve si patriot e njerëz me parime, besoj që kjo po ju bën juve përshtypje dhe të tjerëve, se si paska mundësi me ndodhë edhe kjo, besoj që kjo nuk është asgjë, me të tjerat që kanë me ardh në të gjitha drejtimet, janë duke treguar përditë, anise ende ka zëra e mendje indiferente, anise se ka njerëz që nuk duan ta pranojnë realitetin, po në fakt ata çdo ditë po na dëshmojnë atë që e kemi thënë fatkeqësisht ne kemi sjellë në krye të shtetit njerëz hipokrit e mashtrues, që po eksperimentojnë me atdheun e vendin tonë, me ndjenjat e këtyre njerëzve”, tha ai.

Limaj ka thënë se po të dalin edhe incizimet e tjera, ku LVV dhe Lisa Serbe bëjnë ‘pazare’ në kurriz të veteranëve, nuk do të ‘habitej’, meqë vlerëson se qeveria dhe partia në pushtet e kanë në platformë qasjen anti liri – anti UÇK.

“Sa janë të përfshirë duhet ta shohim, por nuk kemi pasur nevojë ta presim këtë video për atë që thoni ju, tani është një politikë e qartë zyrtare e kësaj qeverie, anti liri, anti kategorive që kanë bërë që ata sot me i gëzu këto beneficione, shkoni pyetni shoqatën e veteranëve kur për herë të fundit ka qenë drejtuesit e këtij shteti, shoqatën e invalidëve, veteranëve dhe familjes së dëshmorëve, a kanë marrë ndonjë trajtim, ndihmë apo respekt prej që është kjo qeveri”, ka thënë Limaj.

Sot, Departamenti amerikan i Shtetit, Zyra e Thesarit për Kontrollin e Aseteve të Huaja, ka sanksuar Aleksandër Vulinin, që momentalisht mban pozitën e Shefit të Inteligjencës serbe, raporton Gazeta Express.

Sipas njoftimit të dhënë nga Departamenti amerikan i Shtetit, sanksionimi i Vulinit tregon vendosmërinë e SHBA-së për t’i mbajtur përgjegjës ata që përfshihen në afera korruptive dhe që çojnë përpara agjenda të tyre politike dhe personale, në dëm të paqes dhe stabilitetit në Ballkanin Pernëdimor.

“Veprimi i sotëm mban përgjegjës Aleksander Vulin për veprimet e tij të korruptuara dhe destabilizuese që kanë lehtësuar gjithashtu veprimtaritë keqdashëse të Rusisë në rajon”, ka thënë Nën-Sekretari amerikan i Thesarit, Brian S. Nelson

Në njoftim thuhet se Vulin është përfshirë në krimin e organizuar transnacional, operacionet ilegale të narkotikëve dhe për keqpërdorim të detyrës zyrtare.

“Vulin ka mbajtur një marrëdhënie të ndërsjellë përfituese me tregtarin serb të armëve, Slobodan Tesiq, të sanksionuar nga SHBA-ja, duke ndihmuar që dërgesat e paligjshme të armëve të Tesiqit të lëvizin lirisht përtej kufijve të Serbisë”, thotë njoftimi i DASH.

Vulin tani është drejtor i BIA-s serbe, që më herët ka shërbyer si Ministër i Mbrojtjes dhe Ministër i Punëve të Brendshme. Thesari amerikan thotë se këto institucione nuk preken nga sanksionimi i Vulinit.

Pas publikimit të videos së VV-së, në të cilën përmendet edhe ish presidenti i Kosovës Hashim Thaçi, ka reaguar nënkryetarja e PDK-së, Vlora Çitaku e cila ka thënë se Hashim Thaçi, përveç që ka pasë guxim me i hy luftës për liri, ka pasë guxim edhe me ndërtu paqe. Me ofru e garantu të drejta për komunitetet jo shumicë. E ka bërë atë me Kushtetutë

Ajo tutje ka thënë se Hashim Thaçi disa i tremb edhe nga burgu. “Andaj mundohen t’i bëjnë gjygj publik edhe këtu, në një kohë kur ai nuk mund të përgjigjet”, ka shkruar Çitaku në rrjetin social Facebook.

“E di, ju dhemb. Ai është gjithçka që ju ëndërroni, po nuk jeni. Të mjerë”, ka përfunduar Çitaku.

Mesditën e sotme një punëtor ka vdekur derisa ishte duke punuar në një ndërtesë që ishte në punim e sipër në dalje të Fushë Kosovës, konkretisht në Bresje.

Lajmin e ka konfirmuar zëdhënësi i Policisë Rajonale në Prishtinë, Agron Borovci.

“Sot rreth orës 11:00 është marrë informata se në rrugën “Tahir Zemaj” në Bresje të Fushë Kosovës, një person, mashkull, rreth 38 vjeç, ka rënë nga lartësia, brenda një objekti.  Përkundër përpjekjeve të mjekëve në QKUK,  i njëjti pak kohë më pas, ka ndërruar jetë”, ka thënë Borovci.

Në momentin e rënies, viktima ishte si pjesë e një ekipi që po kryente punime në atë objekt. Policia ka dalë në vendin e ngjarjes dhe ka nisur hetimin e rrethanave që karakterizojnë ngjarjen e rëndë.