Prishtinë, 12 gusht – Wolt në Kosovë po krijon mundësi reale për të rinjtë, duke ndikuar pozitivisht në ekonominë lokale me mundësi fleksibile për të siguruar të ardhura. Ndërsa shumë të rinj kosovarë përballen me zgjedhjen e vështirë për t’u larguar nga vendi në kërkim të perspektivave më të mirë, Wolt ofron një alternativë shtesë: punë fleksibile dhe të përshtatshme. Kjo mundësi e re po u ndihmon të rinjve t’i mbështesin studimet e tyre ashtu edhe vendimin për të qëndruar – duke u dhënë një shans të vërtetë për ta ndërtuar të ardhmen në Kosovë.

Muhamedi, 20 vjeç, një nga shpërndarësit e Wolt në Prishtinë, thotë se puna i ka dhënë një perspektivë të re jetese. “Kam punuar edhe më herët në shpërndarje, por përvoja me Wolt është krejtësisht ndryshe dhe e jashtëzakonshme. Kam menduar edhe të largohem nga Kosova për një jetë më të mirë, si shumë të rinj, por puna në Wolt këto muaj më ka bërë të qëndroj. Përvoja e lehtë, fleksibiliteti, qasja në teknologji dhe ambienti shumë i mirë i punës, me ekipin që kujdeset shumë për secilin shpërndarës, më bindën se ia vlen ta ndërtoj të ardhmen këtu,” shpjegon ai.

Për Albanin 19 vjeç, Wolt përfaqëson punën e tij të parë — dhe një rrugë drejt studimeve universitare. “Jam jashtëzakonisht i lumtur që kam gjetur një punë që më pëlqen, me orar fleksibil dhe, mbi të gjitha, një punë që do të më ndihmojë të mbuloj shpenzimet e studimeve kur të filloj universitetin në Prishtinë këtë vjeshtë. Përdorimi i aplikacionit Wolt për të menaxhuar porositë dhe klientët, dhe sigurimi i të ardhurave të mia, është diçka unike që më ka lidhur shumë me këtë punë,” thotë ai.

Përtej sigurimit të të ardhurave, Wolt Kosova po jep një shtytje më të gjerë në ekonominë lokale duke rritur mundësitë e fitimit për të rinjtë dhe duke mbështetur bizneset vendore që bëhen pjesë e platformës së saj.

Duke ofruar punë me fleksibilitet dhe të përshtatshme për të rinjtë, Wolt u mundëson atyre të kombinojnë punën me shkollimin dhe të planifikojnë të ardhmen e sigurtë dhe të dinjitetshme — pa u ndjerë të detyruar të emigrojnë.

Këtë verë, ndërsa diaspora ka mbushur qytetet e Kosovës, Wolt ka lansuar gjithashtu oferta të veçanta për të mirëpritur klientët e rinj. Përdoruesit e rinj që instalojnë aplikacionin Wolt dhe regjistrohen do të marrin automatikisht 14 ditë shpërndarje falas për porositë e përshtatshme, plus 30% zbritje për dy porositë e para pas regjistrimit — pa pasur nevojë për kod promocional. Këto oferta vlejnë ekskluzivisht për klientët e rinj që bashkohen për herë të parë me platformën, duke ofruar një mirëseardhje të ngrohtë për diasporën.

Wolt mbetet e përkushtuar për të fuqizuar të rinjtë, për të forcuar ekonominë lokale dhe për të ndihmuar komunitetet të zhvillohen në Kosovë. Duke ofruar mundësi fitimi dhe fleksibilitet që mbështet ambicien dhe ndjenjën e përkatësisë, Wolt po mundëson që brezi i ri ta ndërtojë të ardhmen e tij — jo jashtë, por pikërisht këtu në shtëpi.

Drejtori i Përgjithshëm i kompanisë Binance, Richard Teng, ka komentuar nismën më të re të Komisionit Amerikan për Letrat me Vlerë (SEC), të quajtur Project Crypto, duke shprehur mbështetje të fortë për këtë hap rregullator. Teng përshëndeti përpjekjet e autoriteteve amerikane për të vendosur rregulla më të qarta dhe bashkëkohore për tregun e aseteve digjitale, duke theksuar se Project Crypto mund të vendosë një standard global për një rregullim të përgjegjshëm dhe miqësor ndaj inovacionit në industrinë e kriptos.

“Shtetet e Bashkuara më në fund po kalojnë nga faza e përpjekjeve për të përshtatur ligjet për letrat me vlerë, të vjetra mbi 80 vjet, me teknologjinë e blockchain-it. Efekti i kombinuar i nismës Project Crypto, ligjit GENIUS Act dhe propozimeve për strukturën e tregut që aktualisht po shqyrtohen në Kongres, po vendos një qasje modulare dhe me shtresa ndaj mbikëqyrjes së aseteve digjitale. Kjo nënkupton standarde të qarta për klasifikimin e tokenëve, kuadro të kontrolluara për inovacion në përputhje me rregulloret, si dhe licenca që pasqyrojnë mënyrën reale të funksionimit të tregut të kriptovalutave.

Parimet e propozuara të safe harbor brenda Project Crypto mund të jenë një pikë kthese. Ato u mundësojnë ekipeve zhvilluese të punojnë me siguri rregullatore (me kushte që përfshijnë detyrime raportimi dhe përmbushje të kërkesave ligjore), pa frikën e sanksioneve të menjëhershme. Ky ndryshim do të ulë ndjeshëm rrezikun ligjor që deri tani ka penguar zhvilluesit amerikanë dhe ka shtyrë talentet të largohen nga vendi.

Sqarimi i rregullave mbi ruajtjen e aseteve digjitale, përfshirë staking-un dhe vetë-ruajtjen, adreson një nga kufizimet kryesore për aktorët institucionalë. Menaxherët e aseteve, institucionet kastodi dhe kompanitë e pagesave kanë hezituar prej kohësh të zhvillojnë infrastrukturë kripto për shkak të paqartësive mbi përgjegjësitë e ruajtjes dhe rregullat e ndarjes së fondeve. Këto paqartësi tani po adresohen drejtpërdrejt.

Qasja unike ndaj licencimit, që pasqyron të ashtuquajturat modele full-stack të platformave (“licenca super-aplikacionesh”), njeh konvergjencën e shërbimeve kripto – tregtimi, pagesat, huadhënia dhe ruajtja e fondeve nën një çati. Ky regjim licencimi u ofron platformave një rrugë të qartë drejt përputhjes ligjore, ndërsa forcon mbrojtjen e përdoruesve. Kjo është mënyra për të nxitur inovacionin pa cenuar mbikëqyrjen rregullatore.

Nëse zbatohet, Project Crypto mund të vendosë një standard global. Autoritetet rregullatore anembanë botës prej kohësh e kanë parë SHBA-në si udhëheqëse – tani mund të shohin një përkushtim serioz për të ndërtuar një rregullore të përgjegjshme që mbështet inovacionin. Ky është një hap i rëndësishëm përpara për të gjithë ekosistemin.

Në Binance kemi kohë që mbështesim rregulla të qarta për ruajtjen e fondeve, transparencën dhe luftën kundër pastrimit të parave. Project Crypto konfirmon shumë nga këto prioritete. Ne japim mbështetje të plotë për Kryetarin e SEC-ut Atkins dhe ekipin e tij për hapjen e dialogut me industrinë dhe njohjen e nevojës për mjete moderne rregullatore,” – tha Teng.

Binance është shpallur një nga kompanitë kryesore fintech në botë për vitin 2025, sipas listës prestigjioze të CNBC-së, në kategorinë e aseteve digjitale. Kjo kategori përfshin blockchain, kriptovalutat dhe platformat NFT, duke vlerësuar inovatorët që po formësojnë të ardhmen e sistemit financiar global. Lista, e cila publikohet për të tretin vit me radhë, njeh 300 kompani nga shtatë sektorë të fintech-ut që kanë ndikim të rëndësishëm në peizazhin financiar botëror.

Lista e kompanive më të mira fintech hartohet në mënyrë të pavarur nga CNBC dhe Statista – lider global në kërkime të tregut dhe renditje. Procesi i përzgjedhjes bazohet në kritere të pavarura gazetareske dhe një vlerësim rigoroz, duke ofruar për konsumatorët dhe komunitetin e biznesit njohuri të besueshme mbi aktorët kryesorë të industrisë. Statista, me mbi 100 analistë ekspertë dhe bashkëpunim me 45 marka kryesore mediatike në mbarë botën, garanton që renditja të jetë transparente dhe e besueshme, duke i dhënë mirënjohje kompanive si Binance për kontributin e tyre real në hapësirën fintech dhe blockchain.

Për përzgjedhjen e 300 kompanive, CNBC dhe Statista analizuan një kombinim të të dhënave publike dhe informacioneve të ofruara nga vetë kompanitë, të mbledhura midis shkurtit dhe majit të vitit 2025. Në procesin e vlerësimit, 40% e peshës iu dha metrikeve të lidhura me rritjen, ndikimin dhe reputacionin, ndërsa 60% e mbetur iu kushtua faktorëve specifikë për secilin sektor, të cilët matin inovacionin dhe performancën. Ky qasje siguron që në krye të listës të renditen kompani që shkëlqejnë si në shkallë, ashtu edhe në inovacionin e specializuar.

Ky vlerësim në kategorinë e Aseteve Digjitale konfirmon pozitën lidere të Binance dhe veprimtarinë e saj të përgjegjshme në industrinë e teknologjive blockchain. Çmimi thekson përkushtimin tonë për përputhje me rregulloret, edukimin mbi blockchain dhe zhvillimin e produkteve që fuqizojnë përdoruesit. Gjithashtu, ai nënvizon praninë tonë globale dhe angazhimin për ta bërë pasurinë digjitale më të arritshme, më të sigurt dhe më të dobishme për njerëzit në mbarë botën.

Java e kaluar, e njohur nga komuniteti i kriptovalutave si “Java e Kriptos” në Uashington, shënoi një moment historik për krijimin e politikave mbi monedhat digjitale në Shtetet e Bashkuara. Kjo javë u pa si një pikë kthese jo vetëm për tregun amerikan, por edhe për ekosistemin global të kriptos, pasi ligjvënësit amerikanë miratuan paketa ligjore që vendosin bazat e një kornize të qartë rregullatore.

Një nga hapat më të rëndësishëm ishte miratimi i ligjit GENIUS, i cili për herë të parë rregullon stablecoin-et në mënyrë të veçantë, duke kërkuar mbështetje të plotë 1:1 me dollarë ose obligacione shtetërore, publikime mujore mbi rezervat dhe përputhje të rrepta me ligjet kundër pastrimit të parave. Ky ligj pritet të rrisë besimin e përdoruesve dhe të nxisë përdorimin e stablecoin-eve në pagesat e përditshme, duke u hapur rrugë bankave dhe kompanive të licencuara për t’i emetuar ato.

Një tjetër zhvillim ishte ligji CLARITY, që për herë të parë përcakton qartë kompetencat mes Komisionit për të Ardhmet e Mallrave (CFTC) dhe Komisionit për Letrat me Vlerë (SEC), duke i dhënë fund pasigurisë së gjatë rreth kategorizimit të tokenëve të kriptos. Ky ligj dypartiak shihet si një bazë e qëndrueshme për zhvillimin afatgjatë të industrisë.

Në të njëjtën kohë, ligji Anti-CBDC kufizoi fuqinë e Rezervës Federale për të lëshuar një dollar digjital të kontrolluar nga shteti, duke i hapur rrugë inovacioneve në sektorin privat përmes modeleve të stablecoin-eve. Ndërkohë, Senati prezantoi një draft-ligj të ri për tregjet digjitale, duke sinjalizuar vazhdimin e përpjekjeve për një kornizë të plotë ligjore.

Reagimi i tregut ishte i menjëhershëm dhe pozitiv: kapitalizimi global i tregut të kriptos kaloi për herë të parë 4 trilionë dollarë, ndërsa Bitcoin arriti rekorde të reja mbi 123.000 dollarë. Edhe aksionet e kompanive si Coinbase, Circle dhe Ripple u rritën, të nxitura nga pritjet për rregulla më të qarta.

Me këto zhvillime, përdoruesit fitojnë qasje më të sigurt në monedhat digjitale, ndërsa industria përfiton nga një sinjal i qartë se respektimi i rregullave do të shpërblehet me mundësi më të mëdha në tregun më të madh të botës.

Në këtë kontekst, Binance mirëpriti përpjekjet e dypartiake për një kornizë të drejtë dhe transparente. Si një nga platformat më të mëdha globale, kompania theksoi se tashmë përmbush standardet kryesore të parashikuara nga ligji CLARITY, përfshirë ndarjen e aseteve të përdoruesve, raportimin transparent dhe masat kundër pastrimit të parave. Binance e vlerësoi ligjin GENIUS si një nxitje për një sektor digjital të sigurt e konkurrues, që respekton privatësinë dhe garanton mbrojtjen e konsumatorëve.

Ndërsa SHBA vazhdon të përcaktojë rregullat e lojës për kriptovalutat, Binance nënvizon përkushtimin e saj për të bashkëpunuar me rregullatorët anembanë botës, duke theksuar se e ardhmja e financave ndërtohet përmes pjesëmarrjes aktive, të besueshme dhe globale.

Pavarësisht tensioneve gjeopolitike dhe pasigurive ekonomike globale, tregu i kriptomonedhave ka arritur të mbajë një rritje modeste dhe të forcojë besimin institucional. Raporti i fundit i Binance Research për gjysmën e parë të vitit tregon se kapitalizimi i përgjithshëm i tregut është rritur me 2.6% gjatë muajit qershor, duke dëshmuar elasticitetin e industrisë edhe në kushte të vështira.

Në fillim të muajit, tregjet u tronditën nga tensionet në Lindjen e Mesme dhe shqetësimet për furnizimet energjetike, duke sjellë luhatje të forta në vlerën e aseteve digjitale. Bitcoin, si udhëheqësi i tregut, pësoi një rënie mbi 11% në vetëm disa ditë. Megjithatë, në pjesën e dytë të muajit u shënua një rikuperim i dukshëm, duke treguar se interesi për kripto mbetet i qëndrueshëm, sidomos nga investitorët institucionalë që vazhdojnë të injektojnë kapital përmes ETF-ve spot.

Dominimi i Bitcoin-it arriti 65% – niveli më i lartë që nga viti 2021 – duke e konsoliduar rolin e tij jo vetëm si një aset digjital, por si një instrument makroekonomik me ndikim të gjerë. Ndërkohë, stablecoin-et kapërcyen pragun e 250 miliardë dollarëve në kapitalizim, me volumin on-chain që u rrit mbi 7.5 trilionë dollarë krahasuar me vitin e kaluar. Kjo rritje u mbështet fuqishëm nga hyrja në fuqi e ligjit GENIUS Act në SHBA dhe nga zbatimi i rregullores MiCA në Bashkimin Evropian, të cilat forcuan sigurinë ligjore dhe besimin e investitorëve.

Një tjetër zhvillim i rëndësishëm ishte rritja e tregtisë së decentralizuar (DEX), e cila në qershor arriti një nivel rekord duke zënë 27.9% të tregut të përgjithshëm spot. Platforma PancakeSwap u shqua si lider, duke rritur pjesën e saj të tregut nga 16% në 42% falë përmirësimeve teknologjike dhe ofrimit të një përvoje më efikase për përdoruesit.

Raporti nënvizon gjithashtu se pavarësisht sfidave të momentit, trendet afatgjata mbeten pozitive. Interesi i lartë institucional, zhvillimet në stablecoin-e dhe zgjerimi i tregtisë në platformat e decentralizuara tregojnë se industria e kriptomonedhave po hyn në një fazë më të pjekur dhe më të qëndrueshme.

“Përkundër sfidave të tregut global, sektori i aseteve digjitale ka treguar stabilitet dhe aftësi për t’u përshtatur. Kjo është një shenjë e qartë se kripto po konsolidohet si pjesë thelbësore e financave moderne,” thuhet në raportin e Binance Research.

Teksa futemi në pjesën e dytë të vitit 2025, të dhënat sugjerojnë se kriptomonedhat do të vazhdojnë të luajnë një rol qendror në ekonominë globale, duke u bërë gjithnjë e më të lidhura me tregjet tradicionale financiare dhe me zhvillimet institucionale.

Investimi në Bitcoin dhe në kriptovalutat e tjera mund të jetë një mënyrë e mirë për të diversifikuar portofolin tuaj, por sjell gjithashtu edhe rrezik të lartë. Para se të investoni, është thelbësore të kuptoni termat bazë dhe parimet kryesore.

Një vendim i mençur kërkon hulumtim, analizë dhe një strategji të qartë të përshtatur me nivelin tuaj të tolerancës ndaj rrezikut. Mos investoni kurrë më shumë sesa jeni të gatshëm të humbni.

Bitcoin apo altcoin-e?

Për fillestarët, Bitcoin është zakonisht hapi i parë në botën e kriptovalutave, pasi është më i njohuri dhe me vlerën më të madhe në treg.

Megjithatë, ekzistojnë shumë kriptovaluta të tjera, të njohura si “altcoin-e”. Disa kanë rrjetin e tyre të pavarur, ndërsa të tjerat përdorin rrjete ekzistuese si Ethereum apo BNB Smart Chain. Secila ka objektivat, përfitimet dhe rreziqet e saj.

Ju mund të zgjidhni të investoni vetëm në Bitcoin ose të shpërndani investimet në disa kripto-asete. Diversifikimi mund të ulë rrezikun, pasi nuk jeni të varur nga performanca e vetëm një valute. Megjithatë, altcoin-et janë më të paqëndrueshme dhe tregu përmban edhe mashtrime të shumta.

Prandaj, është jashtëzakonisht e rëndësishme që të analizoni mirë çdo valutë para se të vendosni të investoni.

Të investosh apo të tregtosh?

Para se të blini, duhet të vendosni nëse doni të bëheni investitor afatgjatë apo tregtar afatshkurtër.

Investimi nënkupton blerjen e kriptovalutës dhe mbajtjen e saj për një periudhë të gjatë kohore. Kjo strategji kërkon më pak kohë dhe është më pak e rrezikshme. Luhatjet afatshkurtra të çmimeve nuk kanë ndikim të madh në këtë rast.

Tregtia, përkundrazi, përfshin blerje dhe shitje të shpeshta me qëllim fitimin e shpejtë. Kjo kërkon më shumë kohë, dije dhe tolerancë më të lartë ndaj rrezikut. Gjithashtu, duhet të llogaritni edhe tarifat e transaksioneve.

Tregjet e kriptovalutave janë jashtëzakonisht të paqëndrueshme. Edhe pse kjo mund të sjellë përfitime të shpejta, njësoj mund të çojë edhe në humbje të mëdha. Për fillestarët, investimi është një alternativë më e sigurt.

Analiza themelore vs. analiza teknike

Kur vendosni në cilën valutë të investoni, analiza është çelësi i suksesit. Nëse jeni investitor afatgjatë, rekomandohet analiza themelore, e cila përqendrohet në qëllimin, ekosistemin, ekipin dhe planin e zhvillimit të kriptovalutës.

Për tregtarët afatshkurtër, analiza teknike është më e rëndësishme. Ajo analizon të dhënat historike të çmimeve dhe volumit të tregtisë për të parashikuar lëvizjet e ardhshme. Përdoren mjete si grafikët, mesataret lëvizëse dhe vijat e trendeve.

Shumë investitorë dhe tregtarë përdorin të dyja llojet e analizës për të marrë vendime më të informuara.

Blerja e Bitcoin-it të parë në Binance

Bitcoin dhe altcoin-et mund të blihen shumë lehtë në platformën Binance.

1. Hapni një llogari në faqen zyrtare të Binance duke klikuar “Regjistrohu”.
2. Verifikoni identitetin tuaj përmes procesit KYC për siguri dhe pajtueshmëri ligjore.
3. Mënyra më e lehtë për të blerë është me kartë krediti ose debiti përmes aplikacionit Binance.
4. Në aplikacion, shkoni teBinance Pro → Shto fonde → Bli përmes.
5. Zgjidhni valutën (p.sh. EUR) dhe klikoni “Bli”.

Gjithmonë kontrolloni detajet përpara se të konfirmoni transaksionin.

Alternativat: Transfer bankar dhe Binance P2P

Përveç kartës, ju mund të transferoni para nga llogaria bankare dhe të blini kripto përmes “Spot trading”. Një tjetër mënyrë e sigurt është Binance P2P – një platformë ku tregtoni direkt me përdorues të tjerë. Ju zgjidhni çmimin, mënyrën e pagesës dhe partnerin e tregtisë. Transaksionet janë të mbrojtura me sistemin e sigurisë së Binance. Mund të përdorni edhe opsionin Express, ku Binance ju propozon një shitës të besueshëm automatikisht.

Blerja e altcoin-it të parë në Binance

Për të filluar diversifikimin e portofolit tuaj, mund të blini një altcoin si BNB, tokeni zyrtar i Binance.

1. Hyni në aplikacion → Binance Pro → Shto fonde → Bli përmes.
2. Zgjidhni valutën (p.sh. EUR) dhe altcoin-in që dëshironi (p.sh. BNB).
3. Plotësoni të dhënat e kartës dhe konfirmoni.

Altcoin-et mund të blihen gjithashtu përmes metodave të ndryshme të pagesës, përfshirë edhe me monedhën tuaj lokale.

Çfarë bëhet më pas me kriptovalutat tuaja?

Pasi të blini kripto, ju mund:

• T’imbani në llogarinë tuaj në Binance.
• T’itransferoni në një portofol të jashtëm për ruajtje afatgjatë.
• Të përfitoni përmesBinance Earn, që ju lejon të gjeneroni të ardhura pasive – njësoj si kursimet bankare.

Në fund, mbani mend: mos investoni kurrë më shumë sesa mund të përballoni të humbni. Edukimi dhe kujdesi janë çelësi për sukses afatgjatë në botën e kriptovalutave.

Në kuadër të Akademisë Verore të Fakultetit Shkenca Kompjuterike dhe Inxhinieri, pjesë e Global UBT Fest 2025, në hapësirat e Parkut Shkencor, Inovativ dhe Teknologjik të UBT-së u organizua një aktivitet i veçantë me Binance, që mblodhi së bashku studentë, profesorë, profesionistë të fushës dhe të interesuar të tjerë për të diskutuar dhe mësuar më shumë rreth temave aktuale në teknologjinë Blockchain dhe kriptovaluta.

Hapjen solemne të ngjarjes e bëri Presidenti dhe Rektori i UBT-së, Prof. Dr. Edmond Hajrizi, i cili theksoi rëndësinë e integrimit të teknologjive të reja si Blockchain në arsim, ekonomi dhe sektorë të tjerë strategjikë të zhvillimit.

Në vijim, eksperti Sandro Slukan mbajti një prezantim tematik rreth “Themeleve të Kriptovalutave, sigurisë në kripto dhe mënyrave për mbrojtjen e vetes në botën digjitale”, duke ofruar njohuri të rëndësishme praktike për të rinjtë që duan të angazhohen në këtë fushë.

Pjesë e programit ishte edhe paneli diskutues me temën “Integrimi i Blockchain në institucione”, i udhëhequr nga Rektori Hajrizi, ku morën pjesë Sandro Slukan dhe Polina Brottier, përfaqësuesë nga kompania globale Binance. Paneli solli perspektiva konkrete për aplikimin institucional të teknologjisë Blockchain në administratë, arsim dhe biznese.

Ngjarja vazhdoi me një prezantim të veçantë nga Polina Brottier, me temën “Karriera dhe vullnetarizmi në Binance: Qasjet më të mira”, ku ajo ndau me studentët përvojat dhe mundësitë që ofron Binance për të rinjtë e pasionuar pas teknologjisë dhe inovacionit.

Gjithashtu u prezantua edhe Angels Program Binance, ku Betim Cakiqi nga Kosova tregoi përvojën e tij si vullnetar në këtë platformë ndërkombëtare, duke dëshmuar se të rinjtë tanë mund të bëhen pjesë aktive e skenës globale të inovacionit.

Ky aktivitet ishte një mundësi unike për pjesëmarrësit që të kuptojnë më thellë potencialin transformues të Blockchain-it dhe të krijojnë lidhje të drejtpërdrejta me ekspertë të industrisë.

Binance Research zbulon trendet kryesore, luhatshmërinë dhe rrjedhat institucionale në raportin gjashtëmujor për 2025

Binance Research ka publikuar raportin e tij gjashtëmujor për vitin 2025, duke ofruar një pasqyrë gjithëpërfshirëse të zhvillimeve kryesore në tregun e kriptovalutave – nga turbulencat makroekonomike, te rrjedhat institucionale dhe inovacionet teknologjike. Raporti mbulon periudhën janar-qershor 2025 dhe është një udhëzues i besueshëm për të gjithë ata që duan të kuptojnë drejtimin që po merr industria e kriptos.

Pas një rritjeje të jashtëzakonshme prej 96.2% gjatë vitit 2024, tregu i kriptovalutave ka shënuar një rritje më të moderuar në gjysmën e parë të vitit 2025. Kapitalizimi i përgjithshëm i tregut u rrit me 1.99% që nga fillimi i vitit. Tremujori i parë solli një rënie prej 18.61%, ndërsa në tremujorin e dytë tregu u rikuperua me një rritje prej 25.32%. Luhatshmëria në treg ishte në rritje, e nxitur nga tarifa të reja doganore dhe tensione gjeopolitike.

Ekonomitë e mëdha kishin qasje të ndryshme gjatë kësaj periudhe. Ekonomia amerikane ngadalësoi, ndërkohë që Kina shënoi një rritje të papritur të PBB-së prej 5.4%, falë masave të fuqishme stimuluese. Oferta monetare e kombinuar në SHBA, Kinë, Evropë dhe Japoni u rrit me 5.5 trilionë dollarë – rritja më e madhe në katër vitet e fundit. Tregjet u tronditën gjithashtu nga një luftë tregtare e shkurtër por intensive mes SHBA-së dhe Kinës, me tarifa që arritën deri në 145%, përpara se të zbuteshin gradualisht.

Në këtë kontekst, Bitcoin tregoi një natyrë të ndryshueshme – duke vepruar më shumë si një aset i rrezikshëm sesa si “strehë e sigurt”, megjithatë shënoi një rritje prej 13% që nga fillimi i vitit, duke lënë pas shumicën e treguesve tradicionalë të bursës. Cikli i çmimeve të tij po bëhet gjithnjë e më shumë një tregues i besueshëm i ciklit global të prodhimit, duke sugjeruar që gjysma e dytë e 2025 mund të sjellë mundësi të reja.

Disa nga gjetjet kryesore të raportit përfshijnë:

• Bitcoin:Dominimi në treg arriti në 65.1% – niveli më i lartë në më shumë se 4 vite. Interesi institucional mbetet i fuqishëm, falë ETF-ve të BTC, rregullave të reja kontabël dhe rritjes së pronësisë korporative (848.100 BTC në mbi 140 kompani).
• Protokollet Layer 1:Ethereum vazhdon të jetë lider me përmirësime teknike dhe flukse institucionale, ndërsa Solana, BNB Chain, Avalanche, Sui dhe të tjerë ndjekin rrugë të ndryshme rritjeje.
• Zgjidhjet Ethereum Layer 2:Po përballen me ngopje tregu, fragmentim dhe sfida në decentralizim. Base dhe Arbitrum udhëheqin për nga të ardhurat, ndërsa ZK rollup-et po avancojnë teknikisht por ende kërkojnë përdorim më të gjerë.
• Sektori DeFi:Fokusimi po zhvendoset drejt vlerave reale dhe përdorimit institucional. TVL është stabilizuar në 151.5 miliardë USD, ndërsa numri i përdoruesve aktivë është rritur me 240% krahasuar me vitin e kaluar.
• Stablecoin-et:Kapitalizimi total tejkaloi 250 miliardë USD. USDC po rritet më shpejt, ndërsa USDT mbetet lider. Aktiviteti “on-chain” arriti në 7 trilionë USD.
• Web3 për konsumatorët:Produktet e kriptos të fokusuara te përdoruesit theksojnë gjithnjë e më shumë përdorshmërinë, kulturën dhe përvojën. Memecoins, Web3 gaming dhe super-aplikacionet po formësojnë sjelljen e konsumatorëve.
• AI dhe decentralizimi:DeFi po përqafohet me inteligjencën artificiale përmes konceptit DeFAI, ndërsa infrastruktura fizike po tokenizohet përmes modeleve DePIN dhe DeSci.
• Rregulloret:SHBA po tregon sinjale pozitive pas inaugurimit të Donald Trump, BE po ashpërson kuadrin ligjor, ndërsa Azia ndjek dy drejtime – Hong Kong nxit inovacionin, ndërsa Singapori vendos masa më të rrepta.

Raporti i Binance Research për gjysmën e parë të vitit 2025 paraqet një fazë të pjekur por dinamike në zhvillimin e industrisë blockchain. Integrimi institucional, risitë teknologjike dhe ndryshimet rregullatore po hapin rrugën për mundësi të reja gjatë pjesës së dytë të vitit.

📌 Për të lexuar raportin e plotë, klikoni këtu: Binance Research Half-Year Report 2025

Tetë vite pas themelimit të saj, Binance mbetet lider global në botën e kriptovalutave, me gati 280 milionë përdorues dhe një prani në mbi 100 vende të botës. Me një rritje të qëndrueshme dhe adaptim të vazhdueshëm ndaj teknologjive të reja, platforma e shënoi këtë përvjetor me një sesion të drejtpërdrejtë AMA (Ask Me Anything) me CEO-n e Binance, Richard Teng, ku u theksuan arritjet më të rëndësishme dhe planet për të ardhmen.

“Çdo gjë që bëjmë, e bëjmë për komunitetin tonë,” tha Teng, duke shtuar: “Ne nuk e marrim besimin e tyre si të mirëqenë. Komuniteti është zemra e Binance.”

Në një kohë të paqëndrueshmërisë së madhe dhe rënies së besimit në tregun e kriptos, Binance ka qëndruar e përkushtuar ndaj transparencës. Platforma publikon çdo muaj dëshminë e rezervave duke përdorur teknologjinë e avancuar zk-SNARK, e cila u mundëson përdoruesve të verifikojnë në mënyrë të pavarur fondet në platformë.

“Nuk mjafton të flasësh për besim – duhet ta ndërtosh atë. Iniciativa jonë ‘Proof-of-Reserves’ është shembulli më i mirë i transparencës së vërtetë,” tha Teng.

Gjatë vitit 2024, Binance ka ridizajnuar edhe mënyrën profesionale të tregtimit (Pro mode), duke ofruar një përvojë të personalizuar për përdoruesin, të mbështetur nga inteligjenca artificiale. Qëllimi është i qartë – të thjeshtohet tregtimi dhe të rritet qasja për të gjitha nivelet e përdoruesve. “Dëshirojmë që Binance të jetë intuitiv dhe i dobishëm për të gjithë – nga fillestarët te investitorët institucionalë”, shtoi ai.

Binance nuk ndalet vetëm me përdorues individualë. Vetëm në një vit, numri i klientëve institucionalë është rritur me gati 100%, me kërkesë të lartë për zgjidhje si llogaritë e fondeve dhe Binance Wealth – të dizajnuara për menaxhimin profesional të aseteve digjitale. “Interesi institucional është më i larti ndonjëherë – dhe ne jemi të gatshëm ta përkrahim atë”, deklaroi Teng.

Për më tepër, me krijimin e fondit prej 1 miliard dollarësh për sigurinë e aseteve (Secure Asset Fund), Binance dërgon një mesazh të qartë – siguria e fondeve nuk është e diskutueshme. Platforma ka krijuar gjithashtu një sistem mbrojtjeje në nëntë nivele kundër mashtrimeve dhe bashkëpunon ngushtë me institucionet relevante në të gjithë botën. “Dëshirojmë që përdoruesit tanë të ndihen të sigurt – por edhe të jenë të edukuar, që të mbrohen vetë nga mashtrimet,” theksoi ai.

Duke folur për të ardhmen, Richard Teng theksoi se inteligjenca artificiale do të luajë një rol të rëndësishëm në mbështetjen e tregtarëve dhe në funksionimin e brendshëm të platformës – por njeriu do të mbetet në qendër të vendimmarrjes. “Inteligjenca artificiale është një aleate e fuqishme – jo një zëvendësim i gjykimit njerëzor. Ne përdorim teknologjinë për të fuqizuar përdoruesin, jo për ta zëvendësuar atë,” u shpreh ai.

Në mesazhin përmbyllës, Teng falënderoi të gjithë ata që e kanë mbështetur Binance gjatë tetë viteve të fundit: “Kjo nuk është thjesht rruga jonë – është rruga jonë e përbashkët. Faleminderit secilit prej gati 280 milionë përdoruesve tanë – ju jeni forca që na shtyn përpara çdo ditë.”