Shtëpia e familjes Bekteshi në Rufc të Lipjanit pasditen e së premtes u shndërrua në skenë krimi. Kryefamiljari, Abedin Bekteshi, dyshohet se privoi nga jeta bashkëshorten dhe djalin e tyre, Arditin e më pas edhe veten, raporton Gazeta Sinjali.

Burimet e Gazetës Sinjali brenda Prokurorisë kanë bërë me dije se dyshohet që dorasi në fund ka bërë vetëvrasje.

Sipas informacioneve të para, i gjithë akti makabër dyshohet se u krye me armë zjarri.

Nga Policia kanë deklaruar për Sinjalin se vdekjen e viktimave e ka konstatuar ekipi mjekësor që doli ne vendin e ngjarjes.

Në vendin e ngjarjes është gjetur një armë, ndërsa edhe pas kontrollimit të shtëpisë është gjetur edhe një armë tjetër me dy fishekë.

“Raportohet se i dyshuari mashkull kosovar ka vrarë bashkëshorten dhe djalin e tij e më pas ka kryer vetëvrasje. Njësitë relevante policore dhe prokurori i shtetit kanë dalë në vendin e ngjarjes. Në vendin e ngjarjes janë gjetur dhe sekuestruar një revole e cila dyshohet se janë përdorur në rast dhe 4 gëzhoja. Gjatë kontrollit në një dhomë të shtëpisë është gjetur dhe sekuestruar edhe një revole tjetër me dy fishekë. Me urdhër të prokurorit trupat e pajetë janë tërhequr nga zyrtarët e IML-së.”, ka informuar Policia.

Kurse, zëdhënësja e Prokurorisë Themelore të Prishtinës, Laureta Ulaj, tha se janë duke u ndërmarrë të gjitha veprimet hetimore për zbardhjen e rastit.

“Lidhur me rastin i cili ndodhi sot në fshatin Rufc të Lipjanit, ju njoftojmë se prokurorja kujdestare nga Departamenti i Krimeve të Rënda, ka dalë në vendin e ngjarjes dhe bashkë me njësitë relevante janë duke i ndërmarrë të gjitha veprimet hetimore nga vendi i ngjarjes, me qëllim të ndriçimit të rrethanave të këtij rasti.

Sipas informatave nga vendi i ngjarjes, dyshimet çojnë drejt vrasjes së dy viktimave nga arma e zjarrit, si dhe një vetëvrasjeje (brenda familjes)”, tha Ulaj.

Kujtojmë se Komuna e Lipjanit ka marrë vendim për t’i pezulluar të gjitha aktivitetet që ishin të dedikuara për mërgatën, për shkak të tragjedisë.

Tre persona u vranë dhe dy të tjerë u plagosën të premten mbrëma kur një 64-vjeçar hapi zjarr ndaj fqinjëve në një pallat afër Augsburgut, Gjermani.

Burri 64-vjeçar, i cili jetonte vetëm, ka marrë armën rreth orës 19:15 dhe doli jashtë apartamentit të tij. Sipas informacioneve të Bild, pallati ka vetëm katër apartamente, ndaj fqinjët duhet të jenë njohur mirë.

Në vendngjarjen e parë të krimit, autori ka qëlluar fillimisht një grua që po tentonte të ikte. Në total, ai vrau tre persona në vendin e parë të krimit, duke përfshirë një çift të martuar (49 dhe 52).

Vrasësi më pas raportohet se takoi dy viktimat e tjera në shkallë dhe i vrau me armë. Pasi autori vrau tre fqinjë, ai u nis me veturën drejt një adrese tjetër.

Atje qëlloi një grua (32) dhe një burrë (44). Çifti ka pësuar lëndime të rënda trupore dhe janë dërguar në spital. Mësohet se të dy tani janë jashtë rrezikut për jetën.

Sfondi dhe motivi i saktë i aktit të përgjakshëm është ende i paqartë. Aktualisht në vendngjarje janë mjekësia ligjore.

Vrasësi u arrestua pas të shtënave, njoftoi policia gjermane në konsultim me prokurorin publik.

Një ngjarje e rëndë ka ndodhur sonte në rrugën ‘Bajram Kelmendi’ në Prishtinë, ku një person është gjetur pa shenja jete, raporton Gazeta Sinjali.

Rastin për Gazetën Sinjali e ka konfirmuar zëdhënësi i Policisë së Kosovës për Rajonin e Prishtinës, Agron Borovci.

Borovci tha se në vendin e ngjarjes kanë dalë të gjitha njësitë relevante, me ç’rast ekipi mjekësor i Emergjencës ka konstatuar vdekjen e viktimës.

“Sot rreth orës 19:00, nga një ekip mjekësor kemi pranuar informatën për një person pa shenja jete në rrugën “Bajram Kelmendi” në Prishtinë.  Policia menjëherë ka dalë në vendin e ngjarjes dhe në koordinim me prokurorin  ka nisur hetimin e rastit si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit”, tha ai.

Një ngjarje e rëndë ka ndodhur mbrëmjen e sotme në Zemblak Maliq, ku një person dyshohet se ka privuar nga jeta bashkëshorten e tij, raporton Gazeta Sinjali.

Sipas Policisë, viktima është, Luiza Mullalli [46-vjeçare], trupi i së cilës u gjet në një gropë skeptike pranë banesës së saj.

Ndërsa dorasi dyshohet të jetë bashkëshorti i të ndjerës, Gjergji Mullalli, i cili ende s’është arrestuar.

“Më datë 29.07.2023, rreth orës 20:40, në fshatin Zëmblak, Maliq, në një gropë septike pranë banesës së saj, është gjetur e pajetë, shtetasja Luiza Mullalli, 46 vjeçe. Nga hetimet paraprake të kryera dyshohet se autori i dyshuar i kësaj ngjarjeje është bashkëshorti i saj shtetasi Gjergji Mullalli”- njofton Policia.

Një ngjarje e rëndë ka ndodhur mbrëmjen e sotme në Prishtinë, ku një person është gjetur pa shenja jete në shtëpinë e tij në rrugën ‘Abdurrahman Shala’, raporton Gazeta Sinjali.

Sinjali mëson se viktima është Art Hasku, 22-vjeçar.

Burimet e Gazetës Sinjali brenda Emergjencës kanë bërë me dije se të ndjerin e kanë gjetur të shtrirë në shtrat në shtëpinë e tij dhe pas ekzaminimeve për shenjat vitale, mjeku ka konstatuar se ai ka ndërruar jetë.

Sipas informacioneve të para, i riu dyshohet se ka humbur jetën si pasojë e abuzimit me lëndë narkotike.

Në vendin e ngjarjes kanë dalë edhe njësitë policore, të cilët kanë kryer ekzaminimet e nevojshme që ndihmojnë në zbardhjen e rrethanave të rastit.

Me urdhër të prokurorit, rasti është cilësuar ‘Hetim i vdekjes’ dhe trupi i pajetë i viktimës është dërguar në Institutin e Mjekësisë Ligjore për obduksion.