Tre persona u vranë dhe dy të tjerë u plagosën të premten mbrëma kur një 64-vjeçar hapi zjarr ndaj fqinjëve në një pallat afër Augsburgut, Gjermani.

Burri 64-vjeçar, i cili jetonte vetëm, ka marrë armën rreth orës 19:15 dhe doli jashtë apartamentit të tij. Sipas informacioneve të Bild, pallati ka vetëm katër apartamente, ndaj fqinjët duhet të jenë njohur mirë.

Në vendngjarjen e parë të krimit, autori ka qëlluar fillimisht një grua që po tentonte të ikte. Në total, ai vrau tre persona në vendin e parë të krimit, duke përfshirë një çift të martuar (49 dhe 52).

Vrasësi më pas raportohet se takoi dy viktimat e tjera në shkallë dhe i vrau me armë. Pasi autori vrau tre fqinjë, ai u nis me veturën drejt një adrese tjetër.

Atje qëlloi një grua (32) dhe një burrë (44). Çifti ka pësuar lëndime të rënda trupore dhe janë dërguar në spital. Mësohet se të dy tani janë jashtë rrezikut për jetën.

Sfondi dhe motivi i saktë i aktit të përgjakshëm është ende i paqartë. Aktualisht në vendngjarje janë mjekësia ligjore.

Vrasësi u arrestua pas të shtënave, njoftoi policia gjermane në konsultim me prokurorin publik.

Të premten një vrasje e trefishtë ndodhi në familjen Bekteshi në fshatin Rufc të Komunës së Lipjanit, ku mbetën të vrarë nëna, babai dhe njëri nga djemtë.E djali tjetër i familjes, Genc Bekteshi ka bërë të ditur se varrimi i familjarëve të tij do të bëhet sot në orën 19:00, në fshatin Rufc të vjetër në Komunë të Lipjanit.

“Me rastin e vdekjes së familjarëve tonë: Abedin Bekteshi (baba), Kimete Bekteshi (nëna), Ardit Bekteshi (vëllau), ju njoftojmë se varrimi bëhet sot me datë: 29.07.2023 në ora 19:00 në fshatin Rufc te vjeter, komuna e Lipjanit”, thuhet në postimin e tij.

Konfliktet e familjes së gruas me dhëndrin, janë të shpeshta në vendin tonë. Madje me raste ato nuk marrin fund, as atëherë kur çifti vendos të ndahet dhe për pasojë përfundojnë në Polici. Një rast i tillë ka ndodhur së fundi në Vushtrri dhe është raportuar nga një 47-vjeçar.

Burimet nga Prokuroria kanë bërë me dije se këtë herë në rast janë përfshirë një burrë dhe ish-miku i tij, të cilët dyshohen se fillimisht u përfshinë në një konflikt verbal.

Sipas informacioneve që ka Sinjali, i dyshuari E.B., po dyshohet se e ka kërcënuar vëllain e gruas së tij, me të cilën tashmë janë në proces divorci.

Sipas informacioneve të para, i dyshuari i është drejtuar viktimës me fjalët se “Një gjak borxh ti ma ki, ruju tash…”.

Përballë kësaj situate, viktima ka vendosur që ta denoncojë rastin, ku ka dhënë deklaratën e tij për atë që ka ndodhur mes tyre dhe ka kërkuar ndihmë nga Policia.

Pas përfundimit të procedurave policore, në lidhje me rastin është vënë në dijeni edhe Prokurori i Shtetit, i cili ka urdhëruar që të nisin hetimet për veprën penale, “Kanosje”, teksa veprimet tjera do të merren posa të kapet i dyshuari.

Një ngjarje e rëndë ka ndodhur pasditen e sotme në fshatin Rufc të Lipjanit, ku një person dyshohet se ka privuar nga jeta bashkëshorten dhe djalin e tij e më pas ka vrarë edhe veten.

Sinjali mëson se viktimat janë Abedin Bekteshi rreth 60-vjeç dhe djali i tij, Ardit Bekteshi rreth 24-vjeç.

Ndryshe, zëdhënësja e Policisë për Rajonin e Prishtinës, Flora Ahmeti ka konfirmuar për Gazeta10 se Policia ka hasur në tre trupa të pajetë, vdekja e cilëve është konstatuar nga ana e ekipit mjekësor.

“Rreth orës 16:30 policia ka pranuar informatën për tre persona të pajetë në fshatin Rufc të Lipjanit.

Menjëherë pas marrjes së informatës, Policia ka dalë në vendin e ngjarjes ku janë hasur tre trupa të pajetë.

Vdekja e të cilëve është konstatuar nga ana e ekipit mjekësor. Aktualisht policia ka nisur një hetim për rastin dhe rrethanat që karakterizojnë ngjarjen”, tha Ahmeti.

Konfliktet në trafik janë goxha të shpeshta në vendin tonë dhe jo rrallëherë eskalojnë në kërcënime serioze e përleshje fizike, për çka nevojitet edhe ndërhyrja e Policisë. Në shumicën e këtyre rasteve, mollë sherri bëhen shkeljet e rregullave të komunikacionit, duke i shtyrë kështu shoferët të përfshihen në rrahje, raporton Gazeta Sinjali.

Sherri e ka zënë mbrëmë edhe një person në fshatin Vraniq të Dragashit, ku pas një zënke në komunikacion, shoferi dyshohet se e ka sulmuar fizikisht.

Burimet e Gazetës Sinjali brenda Emergjencës së Qendrës Kryesore të Mjekësisë Familjare në Dragash kanë bërë me dije se 39-vjeçari është dërguar atje me lëndime trupore të rënda dhe për shkak të gjendjes së tij është transferuar në Spitalin Rajonal në Prizren për trajtim të mëtutjeshëm mjekësor.

Pas ekzaminimeve mjekësore është konstatuar se viktima ka pësuar frakturë në hundë si pasojë e goditjeve të forta.

Ndërkohë lidhur me rastin është njoftuar edhe Policia e Kosovës të cilët në kuadër të veprimeve hetimore kanë marrë dëshminë e viktimës.

39-vjeçari ka deklaruar se nuk e njeh të dyshuarin, teksa Policia ka nisur hetimet për të zbuluar identitetin e tij.

Me urdhër të prokurorit, rasti është cilësuar ‘Lëndim i lehtë trupor’, ndërsa veprimet tjera ligjore do merren posa të kapet i dyshuari.

Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik, raporton Gazeta Sinjali.

Një aksident i rëndë ka ndodhur dje pasdite në rrugën ‘Hysni Morina’ në Prizren, ku është përfshirë një motoçikletë në të cilën ndodheshin dy fëmijë të moshës 12-vjeçare.

Sinjali mëson se fëmija i cili ndodhej i ulur prapa ngasësit, në momentin e nisjes është rrëzuar dhe ka pësuar lëndime të rënda.

Ai është dërguar me urgjencë në Spitalin Rajonal në Prizren, por për shkak të gjendjes së tij shëndetësore, është transportuar në Qendrën Klinike Universitare të Kosovës për trajtim të mëtutjeshëm mjekësor.

Burimet e Sinjalit brenda QKUK-së bëjnë me dije se lëndimet e të miturit janë serioze dhe ai ndodhet në rrezik për jetën.

Sinjali do të iu mbajë të informuar me detajet e reja lidhur me rastin.

Mosmarrëveshjet mes qytetarëve shpesh herë përcillen me ofendime e kërcënime ndaj njëri-tjetrit. Madje nuk janë të rralla rastet kur ato shpërthejnë në dhunë, duke u përleshur fizikisht mes vete, raporton Gazeta Sinjali.

Në një sherr janë përfshirë së fundi edhe dy persona në rrugën ‘Mulla Cufa’ në Rahovec, ku si pasojë një 20-vjeçar ka përfunduar në spital, e një i mitur është arrestuar.

Burimet e Gazetës Sinjali brenda Qendrës Kryesore të Mjekësisë Familjare në Rahovec kanë bërë me dije se viktimës i është ofruar ndihma e parë mjekësore dhe më pas është transferuar në Spitalin Rajonal ‘Isa Grezda’ në Gjakovë për trajtim të mëtutjeshëm.

Ndërkohë lidhur me rastin është njoftuar edhe Policia e Kosovës të cilët pas veprimeve hetimore është arritur që ai të identifikohet gjatë ditës së djeshme.

I mituri është shoqëruar në stacion policor ku është intervistuar në prezencën e avokatit të tij mbrojtës dhe të prindit.

Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit policor nën dyshimet për kryerjen e veprës penale ‘Lëndim i lehtë trupor’.

Hykmete Bajrami, deputete e Lidhjes Demokratike të Kosovës (LDK), ka thënë e LDK-ja e ka bërë një matje një javë më parë në Prishtinë dhe kanë dalur 36 për qind.Ajo tha se LDK-ja është e gatshme që nesër të dalë në zgjedhje.

Por ajo në emisionin DPT te Fidani, tha se arsyeje pse nuk i bashkohen iniciativave për mocion mosbesimi është për shkak se opozita nuk i ka numrat në Kuvend.“E kemi bërë një matje para një jave në Prishtinë dhe kemi dalur 36%. Kjo matje ka qenë për nevoja të brendshme”.

Këtë sondazh, Bajrami e tha teksa kritikoi Qeverinë sesi merret çdo ditë me sondazhet teksa e ka pushtetin në të gjitha nivelet.