Për herë të parë jashtë një prove klinike, një grua ka sjellë në jetë një fëmijë të shëndetshëm të lindur nga një mitër e transplantuar.

Mallory lindi pa mitër, një gjendje e quajtur sindroma Mayer-Rokitansky-Küster-Hauser dhe iu tha se nuk do të mund të mbante kurrë një fëmijë. Duke kërkuar përgjigje, ajo dhe burri i saj Nick morën pjesë në një program transplantimi të mitrës në Universitetin e Alabama në Birmingham Medicine, shkruan CBS News, transmeton Gazeta Shneta

Ajo mori një mitër të dhuruar dhe nëntë muaj më vonë, një transplant embrioni.

Një embrion gjenerohet përmes fekondimit in vitro përpara operacionit të transplantit. Nënës së ardhshme i jepen medikamente imunosupresive pas transplantimit dhe gjatë gjithë shtatzënisë për të parandaluar refuzimin e transplantit. Disa muaj pas transplantimit, mjekët vendosin një nga embrionet e marrësit direkt në mitër. Foshnja lind përmes një seksioni cezarian të planifikuar.

Nëse prindërit duan një fëmijë tjetër, mitra lihet në vend dhe nëna vazhdon të marrë ilaçe imunosupresive. Mitra e transplantuar hiqet dhe medikamentet imunosupresive ndërpriten pasi prindërit të kenë përfunduar me fëmijë.

I gjithë procesi zgjati gati 18 muaj, sipas UAB. Në maj, çifti mirëpriti në botë një djalë

Transplanti i parë i mitrës në SHBA ndodhi në vitin 2016, por dështoi dhe organi duhej hequr. Një vit më pas, një grua në Teksas e cila kishte lindur pa mitër u bë e para që  lindi një fëmijë në SHBA  pas një transplantimi të mitrës.

Nga fundi i vitit 2020, kishte pasur rreth 100 transplantime të mitrës në mbarë botën, sipas Spitalit të Universitetit të Alabama, Birmingham./Gazeta Shneta/

Deri më tani, ekzistojnë tre lloje të infeksioneve që mund të konsiderohen si indikatorë në humbjen e shtatzënisë suaj.

Ekspertët tregojnë se është e rëndësishme që të merrni masa paraprake për të ulur rrezikun nga prekja e një infeksioni gjatë shtatzënisë shkruan Verywell Family, transmeton Gazeta Shneta.

Deri më tani, ata kanë bërë të ditur se shkaku i zakonshëm i humbjes së shtatzënisë janë anomalitë kromozomale.

Ndërkohë që, infeksionet e përmenduara më poshtë mund të mos jenë ndër shkaqet e zakonshme të humbjes së një shtatzënise, mirëpo disa mund të sjellin efekte negative.

Vaginoza bakteriale (BV): Vaginoza bakteriale është prezenca e numrit të lartë të bakterieve, duke përfshirë ureaplazmën dhe mikroplazmën.Simptomat mund të jenë të lehta dhe BV shpesh nuk kërkon trajtim për gratë shtatzëna.

Klamidia: Klamidia është një nga infeksionet e zakonshme që transmetohen seksualisht.Nëse nuk trajtohet, ajo mund të shkaktojë probleme me sëmundjen inflamatore të legenit (PID).

Gonorrea: Edhe pse nuk ka prova të mjaftueshme, dyshohet se gonorrea shkakton humbje të shtatzënisë.Simptomat përfshijnë shkarkim vaginal dhe dhimbje në urinim.

HIpertensioni apo ndryshe i njohur si presioni i lartë i gjakut është një gjendje ekzistuese tek një numër i konsiderueshëm i popullsisë. Me rritjen e vlerave të tij ai mund të rrit shanset për të dëmtuar zemrën e njeriut.

Në qoftë se, hipertensioni nuk monitorohet, atëherë rreziku për goditje në zemër rritet.

Më poshtë, Medical News Today sugjeron disa ushqime, pije dhe aktivitete fizike që mund t’ju ndihmoj në uljen e presionit të gjakut, transmeton Gazeta Shneta.

-Ecja apo ndonjë aktivitet tjetër fizik

Ushtrimet janë një nga gjërat më të mira që mund të bëni për të ulur hipertensionin. Ushtrimet e rregultla ndihmojnë që zemra të bëhet më e fortë dhe efikase në pompimin e gjakut.

-Pini më pak alkool

Pirja e alkoolit mund të rrit presionin e gjakut. Disa hulumtime kanë sugjeruar se sasitë e moderuara të alkoolit mund të mbrojnë zemrën e njeriut

-Hani çokolladë të zezë

Çokollada e zezë është e pasur me flavonoide, të cilat kanë përbërje bimore që shkakton zgjerimin e enëve të gjakut.

-Konsumoni manaferra

Manaferrat janë të mbushura me polifenole, përbërje natyrore bimore që janë të mira për zemrën tuaj. Ato mund të zvogëlojnë rrezikun e zemrës dhe diabetit, si dhe përmirësojnë presionin e gjakut./Gazeta Shneta/

Padyshim se vonesa e ciklit menstrual dhe të vjellurat janë dy nga simptomat që sinjalizojnë për një shtatzëni të mundshme.

Por, a mund të jetë kruarja një simptomë e shtatzënisë së hershme?

Kruajtja e lëkurës gjatë shtatzënisë është mjaft e zakonshme, ku 20% e grave e përjetojnë atë shkruan Belly Belly, transmeton Gazeta Shneta.

Kjo pasi trupi juaj në fillimet e shtatzënisë ndryshon me shpejtësi. Kjo mund të shkaktojë simptoma të çuditshme, e një ndër to është edhe kruajtja.

Mirëpo, kjo nuk është padyshim një simptomë me të cilën duhet të mbështeteni.

Në fillim të shtatzënisë, rritja e niveleve hormonale mund të bëjë që të keni kruarje të lëkurës.

Mes tjerash, kruarja gjatë shtatzënisë ndodh edhe për shkak të:

-Niveleve të rritura hormonale;

-Vëllimi i rritur i gjakut,

-Alergjitë,

-Strijat. /Gazeta Shneta/

Edhe foshnjet, ashtu sikurse të rriturit mund të përballen me aknet gjatë javëve të para të jetës së tyre.

Këto aknet mund të shkaktohen si rrjedhojë e ndryshimeve hormonale të nënës të cilat ajo mund t’i ketë pasur gjatë shtatzënisë së saj shkruan Belly Belly, transmeton Gazeta Shneta.

Këto hormone mund të stimulojnë gjëndrat e vajit në lëkurën e bebit, duke rezultuar që të shfaqen aknet.

Nga 20 deri në 40 përqind e foshnjeve të porsalindura përjetojnë akne.

Pavarësisht nëse ju referohemi si akne neonatale, ato janë të zakonshme dhe nuk kërkojnë trajtim mjekësor. Pas 6-javësh ka gjasa që këto akne të fillojnë të largohen.

Në rast se, aknet vazhdojnë të jenë prezente tek foshnja juaj, kërkoni konsultimin me mjekun tuaj. /Gazeta Shneta/