Shtetet e Bashkuara të Amerikë

Më 27 shtator në Serbi u shpall ditë zie për tre serbët e vrarë në Banjskë. Ky vendim u kritikua edhe nga Bashkimi Evropian.

, Mathew Miller, në pyetjen lidhur me atë se si SHBA-ja i cilëson personat që sulmuan Policinë e Kosovës në Banjskë të Zveçanit më 24 shtator.

Një rast i rëndë ka ndodhur mëngjesin e sotëm në veri të Kosovës, ku një polic me gradën e rreshterit ka mbetur i vrarë si pasojë e sulmeve në fshatin Banjskë të Leposaviqit, ndërsa një tjetër zyrtar policor kufitar është plagosur.

Siç raportohet polici i vrarë është rreshteri Afrim Bunjaku, nga fshati Samadrexhë e Vushtrrisë.

Kryeministri Albin Kurti e ka dënuar rastin tragjik, duke thënë se ky sulm u krye nga krimi i organizuar që po mbështetet nga Beogradi zyrtar.

“Ne e dënojmë këtë sulm kriminal e terrorist. Krimi i organizuar me mbështetje politike, financiare dhe logjistike nga Beogradi zyrtar po e sulmon shtetin tonë. Në këtë betejë ne mbrojmë dhe zbatojmë ligjin, mbrojmë dhe ruajmë qytetarët pa dallim dhe Kosovën e pavarur. Kriminelët ekzekutorë dhe urdhërdhënësit e tyre do të dështojnë, do të kapen, gjykohen e dënohen. Qeveria e Republikës së Kosovës dhe institucionet e shtetit janë të gatshme dhe të bashkërenduara për t’iu përgjigjur krimit dhe kriminelëve, terrorit dhe terroristëve.”

Në 25 vjetorin e rënies heroike të ish Komandantit të Brigadës 114, Fehmi Lladrovci dhe bashkëshortes së tij, heroines Xhevë Krasniqi-Lladrovci, është publikuar dokumentari “Një jetë kushtuar Lirisë”, i cili dokumenton jetën dhe kontributin e jashtëzakonshëm që nga vitet e 80-ta e deri në rënien e tyre në altarin e Lirisë.

Fehmi Lladrovci lindi më 15 maj 1956 në fshatin Shkabaj (ish-Gllanasellë) të komunës së Drenasit. Ishe i biri i Muhamet dhe Shefkie Lladrovcit.

I rritur në një familje atdhetare dhe patriotike Fehmi Lladrovci qysh në rini ishte aktivizuar në çështjen kombëtare, duke qenë afër familjes Muja, në shtëpinë e së cilës qendroi gjatë shkollimit të mesëm, shtëpi kjo e cila ishte çerdhe e veprimtarëve të lëvizjes.

Ish-Anëtari i Këshillit të Përgjithshëm të LPK-së, Shaban Muja rrëfen se si në vitin 1985 ishte arrestuar Fehmi Lladrovci dhe kohën që kishte kaluar deri në lirimin e tij nga burgu.

“Nga Fehmia jam nda një ditë më herët dhe me tha shtroma vendin se kam me ardhë me bujt te ju, Fehmia nuk ka ardhë te na me bujt dhe kur kanë ardhë me arrestu e kanë pa vendin shtrut por Fehmia nuk ishte aty. Ai bjen në burg në shtator 1985”, tha Muja.

Bashkëveprimtari dhe bashkëluftëtari i Fehmiut, ish komandanti i batalionit të parë në Brigadën 121, Idriz Hyseni rrëfën për maltretimet që kanë pasur nga koha e paraburgimit e deri në dergimin e tyre në Kroaci.

“Pasi vritet Rexhepi e Nuhiu ne detyrohemi të vazhdojmë organizimin edhe pa ta dhe me 4 nëntor burgosemi rreth 300 veta brena një nate”, tha Hyseni.

Veterani Hyseni  përmend torturat dhe presionet që kanë përjetuar nga policia serbe.

Ai tutje i emocionuar kujton kohën kur heroina Xhevë Krasniqi Lladrovci kishte vizituar heroin në burg për t’i dhënë lajmin e madh që kishte vendosur të shkojë në shtëpinë e Fehmiut për ta pritur derisa të lirohet nga burgu.

“Fehmia kur është dënuar i ka thënë Xhevës që do ta lirojë dhe ajo mërzitet shumë dhe kur shkon të babai i saj Avdyli i thotë , “bab du me u martu, me shku te familja e Fehmiut. Shkon atje dhe hyn nuse pa dhanderr. Për ne ka qenë krenari e madhe një vendim i tillë i Xhevës”, tha Hyseni.

Idriz Hyseni tregon tutje për respektin e madh që kishte për Fehmiun, veprimtari i madh i çështjes kombëtare Adem Demaçi.

“Fati jonë ka qenë që ne jemi takuar në burg me bacën Adem i cili e ka respektua e ka dashtë shumë Fehmiun për idetë e tij që liria nuk arrihet ndryshe veq me luftë”, tha Hyseni.

Pas lirimit të tij nga burgu Fehmi Lladrovci ishte pjesë e luftës në Kroaci dhe nga atje solli armatim edhe në Kosovë.

Pas masakrës që kriminelët serb bënë mbi popullaten civile në Qirez e Likoshan, pas rënies së Komandantit Legjendar Adem Jashari dhe familjes heroike Jashari, falë përvojës ushtarake të Komandant Fehmi Lladrovci dhe organizimit të mirëfilltë të Brigades 114, nga marsi e deri me 22 shtator 1998 zona e fshatrave përreth Qyqavicës ishte zonë e lirë dhe forcat serbe nuk kishin arritur të depertonin me gjithë përpjekjet e mëdha.

Ish komandanti i pikes së Shavarinës “Shkaba 2”, Prof. Dr, Islam Krasniq, rrëfën takimin e parë që pati me Komandant Fehmi Lladrovci pasi ishte bashkuar në radhet e ushtrisë çlirimtare për tu hakmarrë për ish nxënësit e tij nga familja Ahmeti në Likoshan të masakruar nga forcat serbe.

3 javë para se të niste ofensiva e shtatorit komandant Idriz Hyseni bashkë me shokë kishin vizituar heroin Fehmi Lladrovci në Shavarina për të parë nga afër përgatitjet që kishte bërë ai për të zbrapsur forcat serbe.

“Kemi shkuar bashkë me Agim Çela  dhe në një çast ai e ka pyetur për kanalin e tërheqjes, Fehmia tha nuk ka kanale të tërheqjes”, vazhdon tutje rrëfimin Idriz Hyseni.

Me 22 shtator 1998 forcat serbe ishin nisur në drejtim të fshatit Shkabaj për të depertuar në fshatrat ku ishin strehuar popullata civile.

Komandant Fehmi Lladrovci ishte vënë në mbrojtje të popullates civile dhe kishte filluar mobilizimin për t’i zbrapsur çetnikët serb.

Veterani i UÇK-së, Islam Krasniqi tregon se çfarë iu kishte thënë Fehmiu ushtarëve para se të fillonin luftimet.

“Jemi takuar në pozicione të Shavarinës dhe aty na ka thanë që urdhëri është në 50 metra distancë me i sulmu serbët, jemi përshendet dhe i kam thënë që kurrë nuk tërhiqna pa urdhërin tend”, tha Krasniqi.

Ai tutje rrëfen për luftimet që u bënë nga mëngjesi e deri në pasdite në zbrapsjen e forcave serbe.

“Dikun në ora 08:30 kanë fillu luftimet dhe Fehmiu ka bërë një luftë të jashtëzakonshme bashkë me Xhevën, Fatimen dhe bashkëluftëtarë tjerë. I ka pasë disa armë me rreze të gjata veprimi, rreth 6 kilometra. Ai na i ka mbrojtë pozicionet tona që mos me na u afru forcat serbe, i ka asgjësu tanket dhe këmbësorinë”, tha Krasniqi.

Pas përfundimit të luftimeve ushtarët e Fehmi Llafdrovcit morën lajmin më të rëndë, atë të rënies së komandantit të tyre bashkë me Xhevën, Fatimen dhe ushtarë tjerë.

Pas rënies së Komandantit forcat serbe kishin arritur që nga ana tjetër të hyjnë në fshatrat e Qyqavicës dhe bënë krime të tmershme mbi popullatën civile e cila ishte strehuar në bjeshket e Qyqavicës.

Pas disa ditësh, ushtarët e UÇK-së varrosin eshtrat e heronjve dhe para varreve të tyre betohen që të luftojnë deri në çlirimin e Kosovës nën komandën e komandantit të ri Ilaz Kodra, i cili deri në rënie udhëhoqi brigadën 114 “Fehmi Lladrovci”.

Ky dokumentar është realizuar nga sociologu dhe gazetari, Leutrim Sahiti, i cili ka nisur një seri dokumentarësh me emrin “Epope” për dokumentimin dhe promovimin e historisë, përpjekjeve shekullore për çlirim, luftën e UÇK-së si dhe dokumentimin përmes rrëfimeve të masakrave që serbët bënë mbi popullatën civile në Kosovë. /Epope/

Rastet e dhunës në familje pothuajse çdo ditë po rriten edhe më shumë dhe gratë po vazhdojnë të jenë viktimat më të shpeshta, të keqtrajtimit fizik e psikik kryesisht nga bashkëshortët e tyre, por edhe nga familjarët e tjerë Ato shpesh kërkojnë mbrojtje institucionale, por jo gjithmonë shteti arrin t’i mbrojë, raporton Gazeta Sinjali.

Në vazhdën e këtyre ngjarjeve mjaft të rënda që po ndodhin në familjet kosovare, Sinjali ka mësuar për një rast të tillë që ka ndodhur së fundmi në një familje në Hajvali.

Burimet brenda Prokurorisë kanë bërë me dije se edhe këtë herë, viktimë është një grua, por e cila u sulmua fizikisht nga motrat, pasi shkoi te familja e saj për t’i vizituar.

Rasti u zbulua pasi Policia mori informacionet për dhunën në këtë familje dhe intervenoi menjëherë në vendin e ngjarjes, por që u përballë me rezistencë pasi personat e përfshirë shpërfillen urdhrat e zyrtarëve policorë, të cilët u detyruan t’i arrestojnë.