Leonard Ademaj, vëllai i të ndjerës, Liridona Ademaj, e cila dyshohet se u vra me porosi të bashkëshortit të saj, Naim Murseli, ka reaguar pas marshit të sotëm në Prishtinë, ku u bë thirrje për drejtësi për gratë e vrara, raporton Gazeta Sinjali.

Përmes një postimi në rrjetin social Facebook, Ademaj ka shprehur mirënjohjen e gjithë familjes për të gjitha organizimet për të nderuar Liridonën.

Ai është shprehur se ditët po bëhen edhe më të vështira, por që presin drejtësi të shpejtë dhe profesionale.

“Sonte bashkë me nanen po i përcjellim lajmet dhe marshin në Prishtinë dhe ndonëse shumë e pikëlluar, nana vazhdimisht po thotë faleminderit prej tyre që po e bëjnë këtë për Donen time.

Kampanja jonë për drejtësi fillon tash, bashkë me juve aktiviste, organizata joqeveritare dhe me mbështetjen e mediave. Ne duam drejtësi të shpejtë dhe profesionale, pa vonesa dhe pa gabime. Kriminelët duhet të kalben në burg. Asnjë grua tjetër nuk duhet të vritet. Ne besojmë në institucionet e shtetit dhe presim që të ndajnë drejtësi”, thuhet në reagimin e familjes.

Mbrëmjen e 29 nëntorit, i gjithë vendi u trondit nga ngjarja makabre ku viktimë ishte 30-vjeçarja, Liridona Ademaj. Rasti fillimisht u cilësua ‘Grabitje e armatosur me pasojë vdekjen’, pasi të dyshuarit, Granit Plava, Kushtrim Kokalla dhe bashkëshorti i së ndjerës, Naim Murseli, kishin inskenuar ngjarjen që të paraqitet si grabitje e armatosur. Ky i fundit dyshohet se pagoi 30 mijë euro Plavën, për ta zbatuar gjithë planin.

Të dielën, Gjykata Themelore në Prishtinë ka aprovuar kërkesën e Prokurorisë për caktimin e masës së paraburgimit ndaj tre të dyshuarve.

Të dyshuarit janë dërguar në paraburgim për 30 ditë në Burgun e Sigurisë së Lartë në Dyz.

Naim Murseli ngarkohet me veprën penale ‘Vrasje e rëndë në bashkëkryerje’.

Granit Plava ngarkohet me veprat penale ‘Vrasje e rëndë’ dhe ‘Mbajtje në pronësi, kontroll ose posedim të paautorizuar të armës’.

Kushtrim Kokalla ngarkohet me veprën penale ‘Marrëveshje për të kryer veprën penale ‘Vrasje e rëndë’’.

Trupi i të ndjerës, Liridona Ademaj, dje u zhvarros nga varrezat e fshatit Cërmjan, për t’u përcjellë në banesën e fundit në fshatin e saj të lindjes, në Rracaj të Gjakovës.

Kjo vrasje e rëndë ka tronditur qytetarët, shoqërinë civile dhe akterët e fushës së politikës, të cilët kanë reaguar ashpër duke kërkuar dënim maksimal për kryesit e veprës.

Në shenjë revolte, sonte u mbajt një protestë në Prishtinë, ku nën moton ‘S’ka paqe pa sigurinë e grave”, u kërkua drejtësi për të gjitha gratë e vrara.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Profesor Fetah Bahtiri, i cili jeton për mbi 30 vjet në Udevalla të Suedisë, në qytetin ku ka jetuar Liridona Ademaj, thotë se shqiptarët  atje janë tronditur shumë me humbjen e Liridonës. Fëmijët e saj do t’i marrë shteti suedez shumë shpejt, thotë ai.

Qindra shqiptarë e suedezë në Udevalla të Suedisë ku ka jetuar Liridona Ademaj kanë bërë homazhe për Liridonën. Para kafiterisë  ku ka punuar Liridona ata kanë vendosur lule e shumë qirinj, ndërsa kanë shprehur dhimbjen e madhe edhe për familjen e saj në Kosovë.

Profesor Fetah Bahtiri, i cili jeton për mbi 30 vjet në atë qytet thotë se janë tronditur thellë nga vrasja e Liridonës.

“Vrasja e Liridonës ishte shumë e tmerrshme për të gjithë ne shqiptarët që jetojmë këtu. Pronari i kafiterisë ku ka punuar Liridona Ademaj, Baki Shahini, ka organizuar aty një moment kujtese, që këtu në Suedi e quajnë “Çasti i kujtesës”, dhe aty jemi mbledhur shumë shqiptarë për ta kujtuar Liridonën. Kishte edhe shumë suedezë të cilët janë bashkuar në këtë homazh tonin. Ishte edhe deputeti Jakobson, i cili më shprehu ngushëllime dhe ishte thellë i prekur edhe ai, sepse Liridonën e kanë njohur të gjithë. Nuk ka asnjë njëri që mund të ketë ditur ndonjë fjalë të keqe nga ajo… lulet dhe qirinjtë e shumtë janë ndezur gjatë gjithë natës aty ”, tha ai për RTK.

Njerëzit janë shumë të prekur thaBahtiri, i cili nuk përmbante lotët gjatë intervistës

Ndërsa sa i përket trajtimit të fëmijëve të Liridonës, të cilët janë vetëm 6 e 5 vjeç, profesor Bahtiri thotë se ata shumë shpejt do t’i marrë shteti suedez. Profesor Fetah Bahtiri, është njohës i mirë i ligjeve në Suedi, ka qenë përkthyes zyrtar për shumë vjet në Suedi.

“Në rastin konkret ata fëmijë duhet të kthehen në Suedi pa vonesë. Unë kam qenë përkthyes autorizuar dhe kam pasur shumë përvojë me situata të tilla. Këtyre fëmijëve nuk iu lejohet në ambientin ku iu ka ndodhur fatkeqësia e nënës së tyre. Kthimi në familjen  Murseli është punë e çështje e varrosur, nuk i lënë më aty. Pas një hetimi i rrethanave dhe shërbimi i socialit suedez merr vendimin se ku t’i vendos. Nuk i vendos në institucion, por i vendos në ndonjë familje. Shteti e paguan atë familje që të kujdeset për ta. Ajo familje mund të jetë suedeze, mund të jetë edhe shqiptare, por, ajo familje duhet të jetë e pastër në të gjitha aspektet”, theksoi ai.

Vendosja në një familje të re suedeze mund të çojë që fëmijët të harrojnë  krejt gjuhën shqipe. Ndërsa mund t’iu ndërrohet edhe mbiemri.

“Gjyshërit e tyre mund të shkojnë në vizitë, në qoftë se i lejon shërbimi i socialit. Edhe emrin dhe mbiemrin mund t’ua ndërrojnë, në qoftë se ata rriten në një familje suedeze, sepse ka pasur disa rate, pikërisht këtu në Udevallë, madje ka pasur raste ndër shqiptarë”, thotë profesor Bahtiri.

Liridona Ademaj është vrarë më 29 nëntor, në rrethana të panjohura. Për këtë rast janë arrestuar dhe janë tashmë në paraburgim për një muaj tre të dyshuar dhe i dyshuari kryesor është bahkëshoriti i saj Naim Murseli.

Marsi i vitit 1981 ishte pranvera e demonstratave të shqiptarëve të Kosovës kundër pushtuesit serb. Studentë, punëtorë, të rritur e të moshuar, bujq e arsimtarë, nxënës e pensionistë, ishin ata që me zërin e tyre tundën themelet e ish Jugosllavisë pushtuese.

Me 13 maj, pikërisht në ditën e themelimit të policisë jugosllave UDB-ja kishte shkuar në Prekaz për ta arrestuar Tahir Mehën. Policia serbe kishte bërë përpjekje për ta bindur Tahirin që të dorëzohet, madje kishte dërguar edhe shqiptarë për ta bindur që të dorëzohet por ia kishte thënë që serbit nuk i zihet besë.

Një shtet i tërë ishte ngritur në luftë kundër Tahirit dhe babait të tij mu në zemër të Prekazit legjendar. Nipi i Tahir Mehës, Ilir Meha për emisionin “Epope” me autor Leutrim Sahiti, rrëfen për luftën e lavdishme që kishte bërë axha u tij deri në rënien heroike.

Ai rrëfen se si pas gjithë ditës duke luftuar kundër forcave të shumta policore, me tanka dhe helikopter, Tahir Meha arrinë që të dalë nga kulla por duke u larguar qëllohet nga policia serbe, pasi kishte vrarë e plagosur dhjetëra policë.

Qëndresa e Tahirit i dha fuqi e guxim të pashembullt popullit shqiptar në atë pranverë të përgjakur drejt përgatitjes për luftë në çlirimin e vendit.

Pikërisht në varrimin e Nebih dhe Tahir Mehës, Komandanti Legjendar Adem Jashari dhe Hamëza ishin betuar që do të vazhdonin rrugën e tyre dhe jetësimin e amanetit për çlirim.

Pas rënies së Tahirit, për fëmijët e tij ishte kujdesur vëllau i Tahirit, sot hero i Kosovës, Beqir Meha. Beqir Meha ishte i përndjekur politik dhe si i tillë qysh në orët e para ishte bashkuar me Komandantin Legjendar Adem Jashari, me të cilin kishin shoqëri të ngushtë.

Beqir Meha ashtu si edhe babai Nebihu dhe vëllau Tahiri ra heroikisht për çlirimin e vendit dhe sot qëndron i skalitur në bronz pranë heronjve Mehaj në trollin e tyre në Prekaz.

Është bërë zhvarrimi i trupit të Liridona Ademajt, nga fshati Rracaj, e cila u vra të mërkurën e 29 nëntorit.

Me kërkesë të familjarëve, rivarrimi do të bëhet në fshatin e saj të lindjes, në Rracaj të Gjakovës.

Familjarët kanë bërë të ditur se rivarrimi do të bëhet nga ora 14:00.

Naim Murseli në seancën e fundit dëgjimore deklaroi se nuk kishte ikur nga vendi i ngjarjes madje kishte qenë dhe vet i rrezikuar, duke mohuar kështu përfshirjen në vrasjen e bashkëshortes së tij, një deklaratë kjo kontradiktore, krahasuar me të parën.

Ulaj tha se dyshimet çojnë drejt një “vrasje të rëndë”.

“Duhet të kemi parasysh se ndodhemi në fazën e fillimit të procedurës së hetimit dhe vetëm gjatë ditës së djeshme ka qenë seanca dëgjimore që është mbajtur në kuadër të aprovimit të kërkesës së prokurorisë. Dyshimet çojnë drejt një vrasje të rëndë me inskenim të grabitjes dhe nga dyshimet deri tani, këto veprime bashkëshorti i të ndjerës i ka kryer duke e inskenuar si grabitje dhe kishte premtuar shumën e të hollave prej 30 mijë euro. Në fazën që ndodhemi tani, prokuroria në koordinim dhe me policinë dhe institucione të tjera është duke punuar drejt ndriçimit të gjithë këtyre dyshimeve dhe për rokutë arritur ky rast një epilog përfundimtar,” u shpreh Ulaj.

Motivi i vrasjes së të miturës Vanja në Shkup, ishte interesi financiar. Por ajo që është më e tmerrshme për publikun është se rrëmbimi ka ndodhur në marrëveshje me babain e vajzës, i cili e ka përpiluar planin me organizatorët e grupit, dhe ai është i dyshuari kryesor.

“Siç jeni në dijeni, motivi është interesi vetjak dhe sipas konstatimeve fillestare, njëri nga personat në marrëveshje dhe në dijeni të një familjari ka organizuar kryerjen e krimit për të zhvatur para nga nëna e të miturës, nga e cila të gjithë të përfshirët do të kishim përfitim monetar, gjegjësisht material”, ka thënë ministri i Punëve të Brendshme të Maqedonisë së Veriut, sot në një konferencë për media.

Babai i 14-vjeçares Vanja Gjorçevska, trupi i pajetë i së cilës u gjet dje në rrethinën e Shkupit, ishte përfshirë në organizimin e rrëmbimit të vajzës për të zhvatur para nga nëna e të miturës. Kështu bëri të ditur në konferencën e sotme për media, ministri i Punëve të Brendshme, Oliver Spasovski, sipas të dhënave fillestare nga hetimi.

Përveç të miturës është vrarë edhe 74-vjeçari nga Velesi, për vrasjen e të cilit dyshohen të njëjtët persona, Spasovski thotë ai se nuk ka pasur lidhje të drejtpërdrejtë me të miturën Vanja.

“Por për shkak të marrëdhënieve të pazbardhura me njërin nga të dyshuarit, automjeti i tij është sekuestruar dhe përdorur në kryerjen e krimit dhe më pas kjo veturë është gjetur e djegur”.

Pikërisht me këtë makinë, thotë ministri, është marrë e mitura në hyrje të pallatit ku banonte, pasi më herët, sipas deklaratave të të dyshuarve, babai ka ndarë informacione me organizatorin për ditën dhe orën e largimit të saj nga shtëpia.

“Organizatori kryesor dhe ekzekutuesi me armë më 27 nëntor, sipas provave të vërtetuara deri më tani, diku rreth orës 10, ka vrarë të miturin i trembur nga provat që policia ka mundur të gjejë në hetimin tashmë të nisur menjëherë pas kallëzimit të parë të atij krimi”, ka thënë ministri.

Në lidhje me dy rastet, për 14-vjeçaren Vanja dhe për 74-vjeçarin nga Velesi dyshohen pesë persona. Për tre persona është caktuar masa e paraburgimit, njëri është jashtë shtetit dhe personi i pestë është babai i vajzës. Siç informon Spasovski, me të është bërë marrja në pyetje dhe sipas udhëzimit të Prokurorisë do të ndërmerren masa të mëtutjeshme.

Babai tregoi se në çfarë ore shkon vajza në shkollë dhe qëllimi ishte të zhvatnin para nga nëna e saj.

Ky grup e njihte familjen dhe sipas tij ministrit të brendshëm, bëhet fjalë për një grup kriminelësh.

Policia e Kosovës njofton se një grabitje e armatosur ka ndodhur të dielën në Vushtrri.

Sipas raportit 24-orësh të PK-së, dy persona të panjohur kanë sulmuar një qytetar, duke ia marrë paratë dhe telefonin, raporton “Betimi për Drejtësi”.

“Viktima mashkull kosovar ka raportuar se dy persona të panjohur, të maskuar nën kërcënimin e armës e kishin sulmuar fizikisht dhe ia kishin marr telefonin celular dhe kuletën në të cilën kishte pasur dokumente personale dhe para të gatshme”, thuhet në raport.