“Paratë tona, idetë tona, Prizreni ynë!” vazhdon rrugëtimin në fshatrat e Komunës së Prizrenit pas dy takimeve në Ortakoll dhe në Lagjen e Trimave gjatë ditës së hënë.

“Aftësi për të udhëhequr dhe aftësi dixhitale’”, është trajnimi i radhës falas nga programi “Coca-Cola Përkrah Rininë”, i cili u lansua në muajin prill të këtij viti në Kosovë nga Coca-Cola HBC Kosova.

Nën udhëheqjen trajnerëve Suzana Lutolli, Amalia Koleka, Diellza Bezera dhe Labinot Gashi, të gjithë me përvojë të larmishme në Kosovë dhe Evropë, trajnimi për aftësi të buta dhe aftësi për të udhëhequr do të zhvillohet të mërkurën, më 15.05.2024, duke filluar nga ora 13:30, në shkollën fillore “Ahmet Gashi” në Prishtinë.

Të interesuarit mund të marrin pjesë në këtë trajnim fizikisht ose online, duke plotësuar regjistrimin e detyrueshëm nëpërmjet linkut në vazhdim: https://www.coca-colaperkrahrinine.com/#register

Menaxherja për Marrëdhënie me Publikun dhe Aspektin Rregullativ në Coca-Cola HBC Kosova ka ftuar të rinjtë të aplikojnë në këtë program, i cili do t’iu shërbejë atyre për zhvillim në karrierë dhe si rrjedhojë lehtësi gjatë procesit të punësimit në të ardhmen. “Jam e lumtur të shoh që programi po merr jetë nga këta të rinjë, dhe jam krenare që jemi shembull e dëshmitarë  të ndikimit që projektet e dizajnuara në mënyrë të tillë kanë në komunitetin ku jetojmë dhe veprojmë”- ka thënë ajo.

Krahas trajmit të datës 15 maj, këto janë datat dhe temat e trajnimeve të radhës që do të zhvillohen falas gjatë tërë muajit maj.

• 20 Maj , “Aftësi të buta dhe biznesi”
• 21 Maj, “Aftësi dixhitale ”
• 23 Maj, “Aftësi biznesi”

Ky program për fuqizimin e të rinjve është i krijuar për t’iu ofruar mundësi, dhe shkathtësitë e nevojshme të rinjve që të përshtaten me tregun e punës dhe të shërbej si një rrugë  për ngritje të vazhdueshmë në karrierë. Përvetësimi i aftësive të buta dhe forcimi i atyre të komunikimit, sot është një domosdoshmëri nga të rinjtë për të ndjekur trendet botërore në fusha të ndryshme si negociata, shitje e shkathtësi digjitale.

Programi Coca-Cola Përkrah Rininë në Kosovë është pjesë e strategjisë më të gjerë të Coca-Cola HBC, e cila synon të fuqizojë 1 milion të rinj deri në vitin 2025 në 29 shtete në të cilat ajo operon, si pjesë e zotimeve për Qëndrueshmërinë 2025. Programi i sivjetshëm në Kosovë implementohet në bashkëpunim me Theta Creative.

Për më shumë informata rreth programit, ju lutemi të vizitoni ueb-faqen zyrtare: https://www.coca-colaperkrahrinine.com/

Prishtinë, 17 prill 2024  – Coca-Cola HBC Kosova lanson sezonin e shtatë me radhë të programit “Coca-Cola Përkrah Rininë”, qëllimi i së cilës është përmirësimi i mundësive të punësimit të të rinjve. Ngjarja e lansimit të programit të këtij viti do të zhvillohet të Hënën, më 22 prill 2024, duke filluar nga ora 10:00, në Teatrin Oda në Prishtinë.

Në prezantimin e iniciativës, të rinjtë do të mund të ndjekin një panel diskutimi me temën “Aftësimi i të rinjve kosovarë me njohuri për sukses në një botë dinamike”. Duke bërë bashkë udhëheqës me përvojë nga biznesi, profesionistë dhe partnerë nga Ambasada e SHBA-së, Misioni i USAID-it në Kosovë dhe Rrjeti SCR Kosova, diskutimi do të zhvillohet mbi sfidat me të cilat përballen të rinjtë kosovarë dhe mundësitë për t’u zhvilluar.

Ky program për fuqizimin e të rinjve është dizajnuar për t’iu ofruar atyre qasje më të lehtë dhe mundësi për përvetësim të shkathtësive jetësore dhe afariste që u nevojiten për tranzicionin drejt punësimit. Temat shtrihen nga menaxhimi i projekteve dhe kohës deri te planifikimi i biznes startup-ve, negociatat, shkathtësitë dhe njohuritë financiare, aftësitë komunikuese, shkathtësitë e shitjeve dhe shkathtësitë digjitale.

Modulet edukative ofrohen përmes formateve të ndryshme duke përfshirë punëtori, ligjërata dhe sesione online, ndërsa trajnimet janë falas për të gjithë të rinjtë e interesuar.

“Kërkesat e tregut të punës po ndryshojnë më shpejt se kurrë më parë, kështu që edukimi jo-formal, shkathtësitë praktike dhe njohuritë, janë shpesh elementet që e veçojnë një të ri për punësim. Duke i njohur sfidat me të cilat përballen të rinjtë në peizazhin aktual në ndryshim të vazhdueshëm, u bënë shtatë vjet që ne përpiqemi të jemi një burim i besueshëm për njohuritë dhe shkathtësitë që u nevojiten të rinjve për një fillim të suksesshëm të karrierës. Përmes iniciativës “Coca-Cola Përkrah Rininë” ne synojmë ta rrisim punësimin e tyre, si dhe shpirtin e tyre të ndërmarrësisë. I ftojmë të gjithë të rinjtë që të vijnë dhe t’i bashkohen këtij eventi që të mësojnë më shumë rreth vetë programit, përfitimeve të tij, si dhe të jenë pjesë e ndryshimit për veten dhe mjedisin”, thotë Frosina Islami, Menaxhere për Marrëdhënie me Publikun dhe Aspektin Rregulativ në Coca-Cola HBC Kosovë.

Të interesuarit mund të marrin pjesë në event fizikisht ose online, duke plotësuar regjistrimin e detyrueshëm nëpërmjet vegzës së shënuar: https://www.coca-colaperkrahrinine.com/#register