Pas një periudhe të paqëndrueshme, tregu i kriptove po hyn në një fazë stabilizimi. Vlera totale e tregut në mars është rritur me 1.8%, pavarësisht tensioneve gjeopolitike mes SHBA-së dhe Iranit, të cilat kanë ndikuar në tregtinë globale të naftës. Bitcoin (BTC) dhe Ethereum (ETH) kanë treguar një qëndrueshmëri të pjesshme ndaj valës së shmangies së rrezikut, edhe në kushtet e dobësisë më të gjerë në tregjet financiare. Një zhvillim i rëndësishëm ishte edhe fakti se, pas katër javësh radhazi me dalje fondesh, në ETF-të spot të Bitcoin-it u regjistruan sërish hyrje kapitali. Ecuria në prill pritet të varet kryesisht nga ulja e tensioneve gjeopolitike, stabilizimi i tregtisë globale dhe gjendja e likuiditetit në tregje.

Nga dita e parë e konfliktit në Iran deri në ditën e 32-të, BTC dhe ETH kanë shënuar rritje prej 1% dhe 6%, me kulme që kanë arritur deri në 14% dhe 22%. Me këtë performancë, ato kanë lënë pas jo vetëm arin dhe argjendin, por edhe kategori të tjera tradicionale investimi si S&P 500, Mag 7, SOXX, EEM dhe bakrin, të cilat në të njëjtën periudhë kanë shënuar rënie. Pas një vale fillestare shitjesh të nxitura nga shmangia e rrezikut, tregu i kriptove u rikuperua shpejt, i mbështetur nga mundësia e tregtimit 24/7 dhe nga kërkesa e qëndrueshme e kompanive, ETF-ve dhe mbajtësve on-chain. Kjo ka forcuar më tej perceptimin e kriptove si një aset përtej kufijve shtetërorë, sidomos në një moment kur edhe ari dhe argjendi ranë njëkohësisht — një zhvillim i rrallë që vuri në pah vlerën e kriptove si mjet diversifikimi dhe qëndrueshmërinë e tyre në kohë tensionesh gjeopolitike.

Në këtë periudhë, kompania Strategy ka intensifikuar blerjet e Bitcoin-it përmes instrumentit STRC, përmes të cilit vetëm në mars ka siguruar 1.56 miliardë dollarë dhe ka financuar rreth gjysmën e blerjeve të BTC-së gjatë atij muaji. Vëllimi i tregtimit të STRC ka arritur nivele rekord, me rritje prej 95% krahasuar me muajin paraprak. Në të njëjtën kohë, protokollet DeFi kanë nisur të tokenizojnë ekspozimin ndaj STRK, ndërsa subjekte të tjera të ngjashme në fushën e Digital Asset Treasury po ndjekin të njëjtin model. Kjo mund të krijojë kërkesë më të qëndrueshme për Bitcoin-in në afat më të gjatë, megjithëse ky ritëm sjell edhe rreziqe, përfshirë dobësimin e rezervave të parasë dhe faktin që instrumenti nuk ka një dysheme strukturore të çmimit në periudha rënieje.

Një tjetër tregues i rëndësishëm vjen nga mbajtësit afatgjatë të Bitcoin-it. Historikisht, sasia e Bitcoin-it që mbahet nga kjo kategori është tkurrur në kulmet e tregut, duke sinjalizuar fillimin e realizimit të fitimeve. Por që nga tremujori i katërt i vitit 2024, hyrja e kapitalit institucional përmes ETF-ve spot dhe strukturave DAT e ka ndryshuar këtë prirje në mënyrë më të qëndrueshme. Pavarësisht një rënieje prej rreth 46% nga niveli rekord i tetorit 2025, sasia e Bitcoin-it në duart e mbajtësve afatgjatë është rritur që nga mesi i shkurtit, ndërsa marsi shënoi muajin e parë pozitiv të hyrjeve në ETF-të spot në vitin 2026, me rreth 1.2 miliardë dollarë. Së bashku, këto zhvillime sugjerojnë një lloj resetimi të tregut dhe krijimin e bazës për një cikël të ri akumulimi.

Në planin teknologjik, zhvillimi i standardit ERC-8004 për identitetin on-chain të agjentëve të inteligjencës artificiale po ecën me ritëm të shpejtë. Që nga lansimi në Ethereum mainnet më 29 janar, numri i agjentëve të regjistruar është rritur nga 337 në mbi 162,000 në 22 rrjete. Në mars, BNB Chain kryesoi me 54,467 agjentë ose 33.5% të totalit, i ndjekur nga Base me 38,170 ose 23.5%, dhe Ethereum me 31,767 ose 19.5%. Megjithatë, ky segment mbetet ende në fazë të hershme dhe zhvillimi i tij i ardhshëm do të varet nga aftësia e këtyre agjentëve për të kaluar nga krijimi i identitetit në pjesëmarrje reale ekonomike on-chain.

Prishtina ketë këtë fundjavë do të jetë e mbushur me aktivitete unike që vijnë për herë të parë gjatë të shtunës dhe të dielës. Binance, bursa më e madhe e kriptovalutave në botë sipas volumit të tregtimit dhe numrit të përdoruesve, vjen në kryeqytet me kamionin e qebapave, duke sjellë një format që bashkon një nga shijet më të njohura tradicionale lokale me kureshtjen për botën e kriptovalutave.

Aktiviteti do të zhvillohet në dy lokacione të Prishtinës. Të shtunën, më 11 prill, nga ora 11:00 deri në 16:00, kamioni i qebapave të Binance do të stacionohet në Sheshin e Prishtinës, te Hotel Grand. Kurse të dielën, më 12 prill, në të njëjtin orar, ndalesa e radhës do të jetë në Parkun e Gërmisë.

Në një atmosferë të shoqëruar me muzikë e lojëra, vizitorët do të kenë mundësi të shijojnë qebapa, por njëkohësisht të takojnë ekipin e Binance dhe të mësojnë më shumë për kriptovalutat në një mënyrë më të thjeshtë. Ky takim është menduar si për ata që tashmë janë pjesë e kësaj bote, ashtu edhe për ata që duan ta kuptojnë më mirë për herë të parë. Përveç ushqimit dhe atmosferës së fundjavës, do të ketë edhe hapësirë për pyetje, biseda dhe njohje më të afërt me këtë hapësirë unike për të gjithë adhuruesit e kriptovalutave.

Gjatë dy ditëve nuk do të mungojë as pjesa argëtuese. Të pranishmit do të mund të marrin pjesë në lojëra interaktive si HODL Bar dhe Plinko, me mundësi për të fituar dhurata dhe materiale promocionale nga Binance. Pjesë e përvojës do të jenë edhe pakot e kuqe të Binance, të cilat sjellin shpërblime të rastësishme në kripto dhe i shtojnë edhe më shumë gjallëri gjithë organizimit.

Në vend të një formati klasik të organizimit të ngjarjeve, Binance ka zgjedhur një mënyrë më të drejtpërdrejtë për t’u takuar me qytetarët e interesuar, në dy hapësira ku Prishtina e kalon zakonisht fundjavën e saj. Nga sheshi në zemër të qytetit deri te Gërmia, aktiviteti sjell qebapa, lojëra dhe biseda rreth kriptovalutave në një atmosferë më të hapur dhe më të afërt.

Prandaj nese ndodheni në Prishtinë, mund ta përfshini këtë ndalesë në planet tuaja të fundjavës dhe ta përjetoni nga afër atmosferën që sjell vetëm Binance.

Për më shumë informata, kliko në këtë link: Qebapa Meetup in Prishtina

Bitcoini (BTC) ka treguar qëndrueshmëri të dukshme pavarësisht rritjes së fortë të çmimeve të naftës si pasojë e tensioneve gjeopolitike, duke vazhduar trendin në rritje edhe në një mjedis të pasigurt global. Analizat tregojnë se nuk ekziston një lidhje e qëndrueshme mes lëvizjeve të BTC-së dhe naftës, ndërsa faktorë si likuiditeti dhe kërkesa institucionale luajnë rol më të madh në performancën e tij.

Të dhënat e dhjetë viteve të fundit tregojnë se Bitcoin-i dhe çmimet e naftës në përgjithësi nuk kanë lidhje të drejtpërdrejtë. Përjashtim bën periudha 2020–2022, kur të dyja u rritën njëkohësisht si rezultat i likuiditetit të lartë në tregje, dhe jo sepse ndikonin njëra-tjetrën. Në periudhat e tjera, lidhja mes tyre është minimale.

Kjo u pa qartë edhe gjatë krizës në Ngushticën e Hormuzit. Nga 23 shkurti deri më 18 mars 2026, çmimi i naftës Brent u rrit me 46% për shkak të ndërprerjeve në furnizim, ndërsa në të njëjtën periudhë Bitcoin u rrit me 15%, duke tejkaluar Nasdaq (+1%) dhe arin (−3%). Lëvizja e BTC-së kaloi në disa faza: fillimisht pati një rënie të lehtë, më pas u stabilizua në një interval të ngushtë dhe në fund vazhdoi rritjen, duke u shkëputur nga goditja fillestare.

Një rol kyç në këtë qëndrueshmëri ka luajtur kapitali institucional. Gjatë periudhës 2–17 mars, rreth 1.7 miliardë dollarë u investuan në ETF-të spot të Bitcoin-it. Në të njëjtën kohë, rritja e blerjeve në tregun amerikan dhe aktiviteti i kompanive të mëdha që investojnë në Bitcoin e kanë përforcuar kërkesën, duke ndihmuar në zbutjen e ndikimit të krizës dhe në vazhdimin e rritjes së çmimit.

Megjithëse luhatjet në çmimet e naftës mund të rrisin volatilitetin afatshkurtër të Bitcoin-it, ato nuk përcaktojnë drejtimin e tij. Kjo do të thotë se çmimi mund të lëvizë më shumë në periudha të caktuara, por jo domosdoshmërisht për shkak të naftës. Në praktikë, situata të tilla shpesh shihen si mundësi për hyrje në treg, sidomos në një mjedis ku investitorët institucionalë kanë një rol gjithnjë e më të madh.

Një model i ngjashëm u pa edhe në vitin 2022. Pas fillimit të luftës mes Rusisë dhe Ukrainës, Bitcoin fillimisht u rrit, ndërsa rënia e mëvonshme nuk lidhej me çmimet e naftës, por me zhvillime brenda vetë tregut kripto, si kolapsi i projekteve Terra/Luna dhe Three Arrows Capital. Kjo tregon se rreziqet kryesore për Bitcoin-in lidhen më shumë me faktorët e brendshëm të tregut kripto sesa me lëvizjet në tregjet tradicionale të energjisë.

Likuiditeti dhe një treg i balancuar janë thelbësorë që tregtimi të zhvillohet normalisht. Në këtë proces, një rol të rëndësishëm kanë market maker-at (ofruesit e likuiditetit), të cilët vendosin vazhdimisht urdhra blerjeje dhe shitjeje për të mbajtur tregun aktiv dhe për të shmangur luhatjet e mëdha të çmimeve.

Në tregun e kriptove, market maker është një kompani ose entitet që siguron likuiditet për një aset duke mbajtur aktive si anën e blerjes ashtu edhe të shitjes. Kjo ndihmon që përdoruesit të blejnë dhe të shesin më lehtë, pa ndryshime të forta të çmimeve. Këta aktorë janë të pranishëm si në bursat e centralizuara, si Binance, ashtu edhe në ato të decentralizuara, ku kontribuojnë në funksionimin normal të tregut dhe në mbajtjen e aktivitetit tregtar.

Megjithatë, jo çdo market maker vepron në mënyrë të njëjtë. Të dhënat nga industria tregojnë se, krahas rasteve kur këta aktorë ndihmojnë stabilitetin e tregut, ekzistojnë edhe situata kur sjellja e tyre mund të krijojë rrezik për çmimin dhe për besimin e përdoruesve.

Disa nga sinjalet kryesore që duhen vëzhguar përfshijnë:

• Shitje që nuk përputhen me planin e shpërndarjes së tokenëve
  Shitjet e hershme ose të tepruara mund të tregojnë probleme në menaxhim ose interesa të papërputhshme.
• Aktivitet i njëanshëm në treg
  Një treg i shëndetshëm ka si blerje ashtu edhe shitje. Dominimi i vazhdueshëm i shitjeve mund të ushtrojë presion mbi çmimin.
• Shitje të koordinuara në disa platforma
  Aktivitet i njëkohshëm në disa bursa mund të jetë shenjë e shpërndarjes së qëllimshme dhe jo tregtim normal.
• Vëllim i lartë pa ndryshim të çmimit
  Nëse ka shumë tregtim, por çmimi mbetet i njëjtë, mund të bëhet fjalë për aktivitet artificial.
• Luhatje të forta me likuiditet të ulët
  Kur tregu ka pak thellësi, edhe transaksione të vogla mund të ndikojnë ndjeshëm në çmim.
• Mospërputhje mes vëllimit dhe likuiditetit
  Një aset mund të duket aktiv, por pa mbështetje reale në treg.

Për ekipet e projekteve, përzgjedhja e market maker-ëve kërkon kujdes. Praktikat e rekomanduara përfshijnë verifikim të plotë të partnerëve, kontrata të qarta dhe monitorim të vazhdueshëm të aktivitetit. Po ashtu, është e rëndësishme të respektohen oraret e shpërndarjes së tokenëve dhe të shmangen veprime që mund të ndikojnë negativisht në çmim.

Edhe për përdoruesit, kujdesi mbetet thelbësor, sidomos kur bëhet fjalë për asete të reja ose shumë të paqëndrueshme. Vëzhgimi i tregut dhe shmangia e vendimeve të nxituara mund të ndihmojnë në uljen e rrezikut.

Në fund, market maker-at mund të kontribuojnë në një treg më të qëndrueshëm dhe funksional, por vetëm kur veprojnë në mënyrë transparente dhe të përgjegjshme. Në të kundërtën, sjellja e tyre mund të ndikojë drejtpërdrejt në çmim dhe në besimin e tregut.

Gjykata federale në Alabama rrëzon të gjitha pretendimet kundër kompanisë

Binance, bursa më e madhe e kriptovalutave në botë, ka njoftuar se një gjykatë federale në Alabama ka rrëzuar të gjitha pretendimet kundër kompanisë në një padi ku pretendohej se ishin shkelur dispozitat e Aktit Kundër Terrorizmit (ATA). Kjo shënon fitoren e dytë të madhe ligjore për Binance në një çështje të lidhur me ATA brenda një jave, pas fitores së saj në Distriktin Jugor të Nju Jorkut.

Një fitore e plotë ligjore

Në një aktvendim të detajuar prej 19 faqesh, gjykata konstatoi se padia e paraqitur nga paditësit kishte mangësi si nga ana juridike, ashtu edhe nga ana faktike. Vendimi i gjykatës për të rrëzuar të gjitha pretendimet përfaqëson një fitore të qartë ligjore për Binance.

Gjykatësi e përshkroi padinë si një “shotgun pleading”. Në padi nuk specifikoheshin qartë pretendimet dhe të gjithë të paditurit ishin trajtuar si një grup i vetëm, pa u dalluar veprimet apo përgjegjësitë individuale të secilit. Vendimi thekson gjithashtu se paditësit nuk e kanë përmbushur standardin bazë procedural për të paraqitur një “deklarim të shkurtër dhe të qartë” të pretendimeve të tyre.

Pas këtij vendimi, gjykata u ka dhënë paditësve afat deri më 10 prill 2026 për të paraqitur një padi të ndryshuar, duke adresuar mangësitë e identifikuara. Megjithatë, gjykatësi ka paralajmëruar se nëse këto çështje nuk adresohen në mënyrë të duhur, rasti do të rrëzohet në tërësi.

Duke ndërtuar mbi këtë momentum dhe duke mbrojtur integritetin ligjor

“Ky vendim e forcon përkushtimin tonë të palëkundur për të mbrojtur Binance dhe komunitetin tonë nga paditë e pabazuara dhe të ngritura në keqbesim”, ka deklaruar Eleanor Hughes, këshilltare e përgjithshme në Binance. “Përputhshmëria me sanksionet dhe financimi i terrorizmit janë çështje serioze juridike – ato kërkojnë prova, rigorozitet ligjor dhe proces të rregullt. Gjykatat tashmë i kanë shqyrtuar këto pretendime në dy raste të ndara dhe kanë konstatuar se ato nuk kanë bazë. Këto rezultate flasin vetë. Ne nuk do të tolerojmë përpjekjet për të keqpërdorur sistemin ligjor për të shënjestruar industrinë tonë dhe mbetemi po aq të përkushtuar sa gjithmonë ndaj transparencës, sigurisë dhe veprimit të ligjshëm në çdo gjë që bëjmë”.

Ky vendim i fundit vjen menjëherë pas fitores së plotë të Binance në Nju Jork, ku gjykata në mënyrë të ngjashme hodhi poshtë pretendimet se kompania kishte ndihmuar, marrë pjesë apo komplotuar me terroristë. Së bashku, këto vendime pasqyrojnë vendosmërinë e Binance për të mbrojtur platformën dhe komunitetin e saj.

Binance ka investuar vazhdimisht në infrastrukturë të avancuar për përputhshmëri, angazhim rregullator dhe qeverisje ligjore. Kompania do të vazhdojë të mbrohet fuqishëm ndaj çdo përpjekjeje për të ngritur pretendime të pabazuara ose për të keqparaqitur mënyrën se si operon.

Në financën tradicionale, tregjet mbyllen pas përfundimit të orarit të tregtimit dhe gjatë fundjavave. Në kripto, tregtimi vazhdon pa ndërprerje. Industria e aseteve digjitale e ka ndryshuar këtë model duke ndërtuar infrastrukturë që mundëson një treg vërtet global dhe gjithmonë aktiv.

Ky model 24/7, i ndërtuar mbi infrastrukturë digjitale, po fillon të shtrihet edhe përtej aseteve digjitale. Me zhvillimin e infrastrukturës së kriptos, platformat po eksplorojnë mënyra për të sjellë edhe instrumente financiare tradicionale në të njëjtin mjedis tregtimi të pandërprerë. Më poshtë shpjegohet se si funksionon kjo në Binance, paraqiten të dhënat e para që tregojnë rritjen e popullaritetit të këtij modeli dhe çfarë rëndësie ka ky zhvillim.

Një nga sfidat më të mëdha në sjelljen e aseteve tradicionale në një mjedis tregtimi 24/7 është përcaktimi i çmimit. Kur tregu bazë është i mbyllur, nuk ka një rrjedhë të vazhdueshme transaksionesh spot që të shërbejë si referencë për çmimin, edhe pse tregtarët ende duan të shprehin pritshmëritë e tyre dhe të menaxhojnë rrezikun.

Në Binance, gjatë orarit tradicional të tregtimit, Price Index përditësohet çdo sekondë me të dhëna të drejtpërdrejta nga tregu, ndërsa Mark Price përdor median e treguesve kryesorë të çmimeve për të mundësuar një përcaktim sa më të saktë të çmimit.

Jashtë këtyre orareve, Price Index ruan vlerën e fundit të llogaritur për të siguruar stabilitetin e çmimeve, ndërsa Mark Price bazohet në një çmim futures të zbutur duke përdorur një Exponentially Weighted Moving Average (EWMA), për të shmangur luhatjet e papritura.

Kjo qasje u mundëson tregtarëve të kenë qasje në kontratat TradFi perpetual 24/7 në Binance, me shlyerje në USDT, tarifa konkurruese dhe pa nevojë për roll-over të kontratave, të gjitha përmes një platforme të vetme dhe të integruar.

Të dhënat e para tregojnë kërkesë të fortë. Tregtimi i kontratave TradFi perpetual në Binance ka shënuar rritje të jashtëzakonshme që nga lansimi. Vëllimi kumulativ i tregtimit ka tejkaluar tashmë 153 miliardë dollarë, ndërsa janë ekzekutuar më shumë se 114 milionë transaksione individuale.

Investitorët kanë tani qasje në një gamë të larmishme asetesh, nga metalet e çmuara si ari, argjendi, bakri, palladiumi dhe platini, deri te aksionet kryesore si AMZN, COIN, CIRCL, HOOD, INTC, MSTR, PLTR dhe TSLA, të gjitha të tregtueshme pa ndërprerje, 24/7, në Binance.

Edhe të dhënat nga palë të treta tregojnë kërkesë të fortë për qasje të vazhdueshme në instrumente TradFi për mbrojtje nga rreziku. Sipas CoinMarketCap, Binance kryeson bindshëm tregun me 851 milionë dollarë vëllim tregtimi 24-orësh për kontratat perpetual të arit dhe 988 milionë dollarë për kontratat e argjendit (deri më 16 mars 2026). Këto nivele janë pothuajse 15 herë dhe 5.2 herë më të larta, përkatësisht, se ato të platformës tjetër më të afërt të tregtimit kripto-native.

Numri i lartë i transaksioneve pasqyron një aktivitet të fortë dhe dinamik tregtimi, duke treguar se tregtarët jo vetëm spekulojnë, por i përdorin këto tregje edhe për hedging dhe menaxhim të portofolit.

Në disa periudha, argjendi madje e ka tejkaluar arin për nga aktiviteti. Për shembull, më 2 shkurt, numri total i transaksioneve arriti një rekord prej 6.3 milionë, duke përfshirë 3.7 milionë transaksione për argjendin dhe 2.4 milionë për arin.

Aktiviteti i shtuar në Binance pasqyroi reagimet në tregjet globale, ndërsa tregtarët reaguan në kohë reale ndaj lajmeve dhe korrigjimeve të tregut, duke reflektuar ndryshimet në sentiment dhe në lëvizjet e çmimeve drejtpërdrejt në platformë.

Ky është një frustrim i njohur për shumë tregtarë: një lajm i fundit ose një zhvillim gjeopolitik i trondit tregjet, por nuk mund të veprohet sepse bursat janë mbyllur për atë ditë.

Tregtarët që ndjekin mundësi në tregje të huaja shpesh detyrohen të qëndrojnë zgjuar në orë të pazakonshme, çka do të thotë se nuk janë gjithmonë në formën e tyre më të mirë kur kjo ka më shumë rëndësi.

Duke sjellë instrumentet financiare tradicionale në një platformë kripto-native që funksionon 24/7, synohet të lidhen tregjet e fragmentuara, të ngushtohet hendeku mes financës tradicionale dhe asaj digjitale dhe të bëhet tregtimi më i qasshëm, më i rrjedhshëm dhe më tërheqës për një audiencë më të gjerë, duke u afruar njëkohësisht më shumë me idenë e një platforme të vetme për investim të diversifikuar.

Kompania Binance ka publikuar përgjigjen e saj zyrtare ndaj letrës së senatorit amerikan Richard Blumenthal, në të cilën janë ngritur çështje që lidhen me parandalimin e pastrimit të parave dhe respektimin e regjimeve të sanksioneve. Nga Binance thuhet se një pjesë e pyetjeve mbështetet në raportime të fundit mediatike që, sipas kompanisë, përmbajnë pretendime të pasakta, të pabazuara dhe shpifëse për programin e saj të përputhshmërisë dhe kontrollet e sanksioneve.

Në përgjigjen drejtuar senatorit Blumenthal, anëtar i rangut më të lartë në Nënkomisionin e Përhershëm për Hetime të Senatit të SHBA-së, kompania thekson se i merr seriozisht detyrimet e saj ligjore dhe ndan interesin e ligjvënësve për sigurinë e platformës. Sipas Binance, raportimet mediatike mbi të cilat është mbështetur letra janë të pasakta dhe nuk mbështeten në prova të besueshme, ndërsa kompania thotë se sistemi i saj i përputhshmërisë vazhdon të forcohet.

Binance deklaron se zbaton procedura të rrepta të verifikimit të përdoruesve (KYC) dhe kontrolle të përputhshmërisë, ndërsa përdoruesve që jetojnë ose ndodhen në Iran nuk u lejohet përdorimi i platformës.

Në letrën e senatorit Blumenthal vëmendje e veçantë i kushtohet dy subjekteve: Hexa Whale dhe Blessed Trust, të cilat, sipas raportimeve mediatike, kishin ekspozim indirekt ndaj kuletave digjitale që sipas autoriteteve mund të kishin lidhje me financimin e terrorizmit. Binance thotë se për çështjet e mundshme me këto subjekte ka marrë dijeni pasi ka nisur një hetim proaktiv të brendshëm në përgjigje të kërkesave nga organet e zbatimit të ligjit.

Sipas kompanisë, gjatë këtyre hetimeve janë dorëzuar te autoritetet të dhënat e kërkuara, përfshirë informacionin e verifikimit të përdoruesve dhe të dhënat e transaksioneve. Pas përfundimit të hetimeve, të dyja kompanitë janë hequr nga platforma Binance.com – Hexa Whale në gusht 2025 dhe Blessed Trust në janar 2026. Binance shton se, sipas njohurive të saj, asnjë llogari në platformë nuk ka kryer drejtpërdrejt transaksione me subjekte të bazuara në Iran.

Kompania rikujton se në vitet e fundit ka investuar qindra miliona dollarë në infrastrukturën e përputhshmërisë për të forcuar sistemin e kontrollit dhe për të kontribuar në një mjedis më të sigurt tregtimi. Ekipi i përputhshmërisë i kompanisë tani përfshin më shumë se 1.500 ekspertë në mbarë botën, përfshirë profesionistë të specializuar në sanksione, hetime financiare dhe parandalimin e financimit të terrorizmit.

Binance shton se përdor më shumë se 25 mjete të avancuara për verifikimin dhe monitorimin e aktiviteteve të përdoruesve, si dhe sisteme për zbulimin e transaksioneve të dyshimta dhe respektimin e sanksioneve globale. Kompania bashkëpunon gjithashtu me organe të shumta të zbatimit të ligjit dhe me iniciativa si rrjeti Beacon dhe njësia T3 Financial Crime Unit, të cilat synojnë ngrirjen dhe rikuperimin e shpejtë të fondeve të përfituara në mënyrë të paligjshme. Sipas Binance, vetëm gjatë vitit të parë të funksionimit të T3 janë ngrirë më shumë se 300 milionë dollarë fonde të dyshuara.

Me më shumë se 300 milionë përdorues në mbarë botën, kompania e konsideron përputhshmërinë një nga prioritetet kryesore. Vetëm gjatë vitit 2025 Binance ka përpunuar më shumë se 71.000 kërkesa nga organet e zbatimit të ligjit. Në tre vitet e fundit, kompania ka ndihmuar autoritetet të konfiskojnë më shumë se 752 milionë dollarë, përfshirë gati 579 milionë dollarë për institucionet qeveritare të Shteteve të Bashkuara.

Sipas të dhënave nga kompani të analizës së blockchain-it, të cilave u referohet Binance, ekspozimi i platformës ndaj kuletave të lidhura me aktivitete të paligjshme është ulur nga 0,284 për qind e vëllimit total të tregtimit në janar 2024 në vetëm 0,009 për qind në korrik 2025, që përfaqëson një rënie prej rreth 97 për qind.

Sa i përket katër bursave më të mëdha iraniane të kriptovalutave, ekspozimi është ulur me 97,3 për qind gjatë dy viteve të fundit – nga 4,19 milionë dollarë në rreth 110.000 dollarë.

Kompania gjithashtu kundërshton pretendimet e raportuara në media se në platformë janë identifikuar rreth 2.000 llogari të lidhura me subjekte iraniane. Binance thotë se nuk ka arritur kurrë në një përfundim të tillë dhe se zbaton procedura të rrepta për identifikimin e përdoruesve. Sipas kompanisë, verifikimi i identitetit është i detyrueshëm për të gjithë përdoruesit dhe çdo përpjekje për të anashkaluar rregullat e platformës, përfshirë përmes përdorimit të shërbimeve VPN, përbën shkelje të kushteve të përdorimit.

Në përgjigje trajtohen edhe raportimet për largimin e disa punonjësve që kishin punuar në hetimet e përmendura. Binance thekson se asnjë punonjës nuk është larguar nga puna për shkak të raportimit të shqetësimeve që lidhen me përputhshmërinë. Sipas kompanisë, disa punonjës janë larguar kryesisht me vendimin e tyre, ndërsa në një rast marrëdhënia e punës është ndërprerë pas një hetimi të brendshëm që konstatoi ndarjen e paautorizuar të informacioneve të brendshme për përdoruesit.

Në përfundim, Binance deklaron se sistemi i saj i përputhshmërisë vazhdon të forcohet dhe se kur kompania merr informacione të besueshme për një rrezik të mundshëm, nis hetime të brendshme, ndërmerr masa për zbutjen e rrezikut, largon llogaritë problematike nga platforma dhe bashkëpunon me autoritetet përkatëse.

“Binance do të vazhdojë të përdorë programin e saj të përputhshmërisë për të mbrojtur përdoruesit, për të bashkëpunuar me organet e zbatimit të ligjit dhe për të zhvilluar infrastrukturën që mbështet ekosistemin global të kriptovalutave”, thuhet në përgjigjen e dërguar në Senatin amerikan.