Falë mbështetjes së Coca-Cola HBC Kosova, dhe në bashkëpunim me Innovation Centre Kosovo (ICK), rreth 700 të rinjë të Kosovës të profileve të ndryshme kanë përfituar nga programi i njohur i trajnimit “Coca-Cola Youth Empowered”
Të rinjtë ndoqën në intervale të ndryshme kohore trajnime në shkathtësi të buta, orientim në karrierë, komunikim, marketing digjital dhe banka e financa nga disa prej ekspertëve më të njohur të këtyre fushave në Kosovë.
Frosina Islami, si përfaqësuese e Coca-Cola HBC, e cila aktualisht është Menaxhere e Marrëdhënieve me Publikun dhe aspektin rregullativ, ka thënë se programi i trajnimit të “Coca-Cola Youth Empowered” është njëri prej projekteve më të rëndësishme të kompanisë në Kosovë sepse ka në fokus të rinjtë dhe nevojat e tyre.
Ajo është shprehur se “ndjehet krenare me vazhdimësinë e këtij projekti dhe bashkëpunimin e shkëlqyer me ICK-në ndër vite”.
“Rreth 700 të rinjë të trajnuar përgjatë vitit nuk janë vetëm numra por më shumë se kaq. Janë të rinj të papunë që vërtetë kanë nevojë të mësojnë për disa nga temat e rëndësishme që do t’iu ndihmojnë shumë të orientohen më lehtë në karrierë dhe mbi të gjitha të gjenden më mirë në tregun e punës. Ne si Coca-Cola HBC Kosova do të vazhdojmë të mbështesim edhe më shumë projekte të tilla të nevojshme për të rinjtë e vendit tonë” ka thënë ajo.
Kurse Shpend Lila, Menaxher i Trajnimeve, Ngjarjeve dhe Marredhenieve me Publik në ICK, është shprehur i lumtur që po përmbyllet një tjetër vit i suksesshëm i bashkëpunimit me Coca-Cola HBC Kosova.
Sipas tij, ky bashkëpunim duhet të jetë shembull edhe për kompani të tjerae
“Në mungesë të programeve të mirëfillta për orientim në karrierë për të rinjtë e pa punë dhe të pa përfshirë në studime në Kosovë, programi “Coca-Cola Youth Empowered” me Coca-Cola HBC Kosova, në katër vitet e fundit ka qenë dritare e mundësive për aftësim, zhvillim dhe lidhje me tregun e punës për mijëra të rinj të Kosovës. Ky bashkëpunim me Coca-Cola HBC Kosova duhet të jetë shembull edhe për kompani tjera të sektorit privat, për të kontribuar në komunitet, ofruar mundësi për të rinjtë dhe rritje të përgjithshme të mirëqenies për shoqërinë. Me padurim e presim vitin 2024 dhe bashkëpunimet e reja”, ka thënë Lila.
Në programin e vitit 2023, kanë përfituar rreth 700 të rinjë nga mosha 16-30 vjeç.
Temat e mbuluara janë fokusuar në dy aktivitete kryesore të programit Coca-Cola Youth Empowered: 1) Trajnimet gjashtë grupe dhe 2) Ngjarjet e komunitetit.
Gjatë viteve të kaluara, mbi 2 mijë të rijnë në Kosovë kanë marrë pjesë në këtë program, duke fituar aftësi dhe njohuri të vlefshme për rritjen e tyre në karrierë.
Programi në Kosovë është pjesë e strategjisë më të gjerë të kompanisë Coca-Cola HBC, e cila synon të fuqizojë 1 milion të rinj deri në vitin 2025 në 29 shtete ku ajo operon, si pjesë e zotimeve për Qëndrueshmërinë 2025.
